Materiallari

7. Konstruksiyalarni texnologiklikka ishlov berishda xulosalar va takliflarni rasmiylashtirish.

Konstruksiyalarni texnologiklikka ishlov berishda nazoratchi to`g`irlanishi lozim bo`lgan element yaqiniga qalam bilan shartli belgilar qo`yadi, bu shartli belgilar xujjatlar imzolangunga qadar saqlanishi lozim va ularni nazoratchi faqatgina xujjatlar imzolangandan keyin olib tashlashi mumkin. Shartli belgilar yoki tanbexlar “Nazoratchining tanbexlar ro`yxati”ga kiritiladi.

Texnologik nazoratda taklif qilingan va konstruksiyaning teznologikligini belgilaydigan amaldagi xujjatlarga rioya qilmaslik bilan bog`liq bo`lgan tuzatish va o`zgartirishlar konstruktorlik xujjatlariga albatta kiritilishi lozim.

Boshqa tashkilotlardan kelgan konstruktorlik xujjatlarining kirish texnologik nazoratining natijalari ekspert xulosasida beriladi. Konstruksiyani ishlab chiquvchi ekspert xulosasini ko`rib chiqishga, qabul qilingan qarorlar to`g`risida kirish nazoratini o`tkazgan tashkilotga xabar berishga majburdir. .

Konstruktorlik xujjatlarining ekspertizasiga tarmoq texnologik institutlari jalb qilingan xollarda konstruksiyani ishlab chiquvchi ekspert xulosasini ko`rib chiqishga, qabul qilingan qarorlar to`g`risida ekspertizani o`tkazgan va konstruktorlik xujjatlarini kelgusida ishlab chiqadigan tashkilotga xabar berishga majburdir.

Maxsulot konstruksiyasining texnologikliginining baxosi xar taraflama bo`lishi va ustivor masalalarni xal qilish – mexnat unumdorligining o`sishi, moddiy zaxiralarni tejash, ishlab chiqarish maqsadlarida va shaxsiy iste`molda ulardan foydalanuvchilarning extiyojlarini xar taraflama qondirishdan kelib chiqishi lozim.