Materiallari

4. Konstruktorlik xujjatlarining metrologik nazorati

Konstruktorlik xujjatlarining metrologik nazorati nazorat qilinadigan parametrlarni tanlashning to`g`riligini, xujjatlarga kiritilgan aniqlik me`yorlari va nazorat uslublarining asoslanganligini tekshirishdan iborat.

Aniqlik me`yorlarining metrologik nazoratida quyidagilar tekshiriladi:

■ yuzalarning shakl va joylashishdan chetlashishining o`lchamlariga va yuzalarning g`adir-budurliklariga ruxsat beriladigan yo`l qo`yilishlarning o`zaro muvofiqligi;

• 
  belgilangan aniqlik me`yorlarining etarliligi, ya`ni maxsulot yoki detalning chiqish parametrlarini belgilovchi barcha elementlar uchun aniqlik me`yorlarining borligi;
  

• 
  aniqlik me`yorlarining maxsulotni tayyorlovchida mavjud bo`lgan o`lchash vositalariga mos keluvchi nazoratni o`tkazish uchun yaroqliligi.
  

Detallar chizmalarining metrologik nazoratida quyidagilar tekshiriladi:

• 
  texnologik va metrologik bazalarning konstruktorlik bazasidan chetlashishining ruxsat beriladigan yo`l qo`yilishlarining o`zaro muvofiqligi;
  

• 
  belgilangan aniqlik me`yorlarining etarliligi;
  
• 
  aniqlik me`yorlarining nazoratni o`tkazish uchun yaroqliligi.
  

Yig`ish chizmasining metrologik nazoratida maxsulotning nazoratni o`tkazish uchun yaroqliligi tekshiriladi.

Montaj chizmasining metrologik nazoratida quyidagilar tekshiriladi:

• 
  belgilangan aniqlik me`yorlarining etarliligi;
  
• 
  maxsulotning, buyumning montaj qilishda nazoratni o`tkazish uchun yaroqliligi.