Materiallari

Texnologik tadbirlar:

• 
  ishlab chiqarishni tayyorlash va o`zlashtirish muddatlarini qisqartirish;
  
• 
  yuqori unumdorlikka ega bo`lgan zamonaviy jarayonlardan foydalanish;
  
• 
  materiallar sarfini qisqartirish;
  
• 
  nazoratning rasional uslublarini qo`llash;
  

- yig`ish birliklari va maxsulotni tayyorlash aniqligini, ularni yig`ish va tayyorlash, sinovlardan o`tkazish va nazorat qilishni rasional tashkil qilishni ta`minlash;

- maxsus jixozlar nomenklaturasini qisqartirish.

Ekspluatasion tadbirlar:

• 
  maxsulotning ishonchliligi va uzoq muddat ishlashini ta`minlash;
  
• 
  xizmat ko`rsatish va ta`mirlashning soddaligini ta`minlash;
  
• 
  extiyot qismlar sarfini qisqartirish;
  

Texnologik nazorat umumiy ko`rinishda uchta bo`lim: shakl, o`lchamlar va yo`l qo`yilishlar bo`yicha o`tkaziladi. Tabiiyki, bo`limlarning xar biri bir qator parametrlar bilan bog`langan bo`ladi. Masalan, detal shakli, xuddi qoidada ko`rsatilganday, uni tayyorlashning afzal bo`lgan texnologiyasini belgilaydi. Bunda uni tayyorlash usulidan qat`iy nazar detal shaklining sodda bo`lishiga intilish lozim. .o`lchamlarni qo`yishda barcha xollarda shunday qoidaga tayanish lozimki, unga ko`ra chizmalardagi o`lchamlar konstruktor va texnologni to`liq qanoatlantiradigan konstruktorlik va texnologik bazalardan qo`yiladi, detal, yig`ish birligi va maxsulotni yig`ishga va ularning ishlashiga nisbatan qo`yiladigan talablar berilganda mumkin bo`lgan maksimal yo`l qo`yilishlar ko`rsatiladi.

Aniqlikning oshirilishi yanada aniqroq ishlaydigan asbob-uskunalarni, murakkab, qiimmatbaxo jixozlarni va yuqori malakali xodimlarni talab qilishi sababli ishlab chiqarish tannarxini qimmatlashtiradi. Bundan tashqari detallarning tayyorlanish aniqligiga asoslanmagan yo`l qo`yilishlarning belgilanishi yig`ish paytida moslashtirish ishlarini bajarish zaruratini keltirib chiqaradi, vaxolanki, moslashtirish ishlari minimumga keltirilishi, katta seriyali va ommaviy ishlab chiqarish jarayonlarida esa butunlay istisno qilinishi lozim.