Matn muharirlari bilan ishlash

Ishchi maydoni. Matn muharriri kompyuter ekranida "ishchi maydoni" deb ataladigan maxsus joy ajratadi. Ishchi maydoni matn yozish uchun sahifa vazifasini bajaradi. Kiritilayotgan matn ishchi maydonida aks ettirilib boradi.
Yurgich. Klaviaturadan kiritilayotgan belgi ishchi maydonining qaerida aks etishini ko`rsatib turadi. Odatda gorizontal yoki vertikal chiziqcha ko`rinishida bo`ladi.
Menyu. Maxsus buyruqlar va amallar majmuyi menyu deb ataladi. Ular yordamida asosan matnlarni diskdan o`qish, diskka yozish, chop etish kabi ishlar amalga oshiriladi.
Yurgich va ishchi maydonining ko`rinishi matn muharriri ishiga aytarlik ta`sir ko`rsatmaydi. Ular turli matn muharrirlarida bir oz farq qilishi mumkin.
Matn muharrirlari asosan menyusi bilan bir-biridan farqlanadi. Menyudagi buyruq va amallar matn muharrirlarining imkoniyatlarini belgilaydi. Ular qanchalik ko`p bo`lsa, matn muharrirlarining imkoniyatlari shuncha yuqori bo`ladi. Turli matn muharrirlarining mos buyruqlari bir-biridan deyarli farq qilmaydi. Ular bir oz farqlansada, ma`nosini tushunib olish qiyinchilik tug`dirmaydi. Masalan, matnni diskka yozish buyrug`i ba`zi matn muharrirlari menyusida "yozish" deb nomlangan bo`lsa, boshqalarida "saqlash" deb nomlangan. Shu kabi matnni diskdan o`qish buyrug`i turli matn muharrirlarida "o`qish", "yuklash" yoki "ochish" deb nomlanishi mumkin. Mazkur buyruqlar nomlari turlicha bo`lsa xam, deyarli bir xil ma`noni va aynan bir xil vazifani bajaradi.





2. WD matn muharriri
WD matn muharriri menyusi oltita buyruqdan iborat. Xar bir buyruq oldida uni bajarish uchun bosilishi lozim bo`lgan klavish (F1, F2, .., F10) ko`rsatilgan. Masalan, hosil qilin-gan matnni diskda saqlab qo`yish uchun F2 klavishini bosish kifoya.



3. Leksikon matn muharriri

Leksikon matn protsessori menyusi ichma ich joylashgan buyruqlar tizimiga ega. Ya`ni, menyuning biror buyrug`i tanlansa, menyu satrida qo`shimcha buyruqlar hosil bo`ladi. Masalan, hosil qilingan matnni diskda saqlab qo`yish uchun quyidagi ketma-ketlikda amallar bajariladi:

• 
  F10 klavishi bosiladi. Natijada yurgich menyular satriga o`tadi.
  
• 
  Yo`nalish klavishalari (chapga yoki o`ngga) yordamida yurgich menyuning "Tekst" buyrug`i ustiga keltiriladi va "Enter" klavishi bosiladi. Menyular satrida "Tekst" menyusining amallari ("yuklash", "saqlash", "..qayta yozish" va hokazo) paydo bo`ladi.
  
• 
  Yurgich "Saqlash" buyrug`i ustiga olib kelinib "Enter" klavishi bosiladi.
  
• 
  Saqlanayotgan matnga nom berilib (fayl nomi) "Enter" klavishi bosiladi.
  

Buni sxematik ko`rinishda quyidagicha ifodalash mumkin: