Mavzu. Aseptika va antiseptika qonun- qoidalari bilan tanishish Mashg‘ulotning maqsadi

Material va jihozlar: mikroskop, immersion moy, buyum oynasi, filtr qog‘oz, bakterial ilmoq, spirt lampa, turli xil bо‘yoqlar, 96% etil spirti, 0,5- 1-2% li xlorid kislota, 1-5% li sulfat kislota, ditstillangan suv, shisha idishlar, bakteriyalar kulturasi: spora hosil qiladigan bakteriyalar ( pichan tayyochasi).

Ishning borishi: Sporalarning temperaturaga chidamliligini aniqlash uchun quyidagi tajriba o‘tkaziladi. 100 ml hajmli kolbaga beda yoki xohlagan boshqa bir o‘simlikning mayda novdachalari solinadi. Bu o‘simlikning ustki qismida har xil mikroorganizmlarning sporalari, shu bilan birga Bacillus subtilis pichan tayoqchasi bor (17-rasm). Unga 50 ml suv solinadi. Kolbani paxta probka bilan yopib, 45 minut qaynatiladi. Qaynatish vaqtida novdadan suvga har xil moddalar chiqadi va pichanli tiniq qaynatma hosil bo‘ladi. Qaynatish past alovda olib boriladi. Qaynash boshlangandan keyin vaqt belgilanadi. Keyin tajriba kolbalarda bir necha kun 28-30⁰С li termostatga qo‘yiladi. Bu sharoitda pichanli qaynatmadagi temperaturaga chidamli batsillalarning sporalari o‘sadi. Hujayralar faol yashab ular ustki qavat hosil qilib, bir oz loyqalanadi. Tajriba tahlil qilinganda pichanli qaynatma o‘zgargani aniqlanadi. Kultural suyuqligi mikroskop ostida ko‘riladi.