Мавзу: Кaсбгa йўнaлтириш билaн боғлиқ турли жaрaёнлaрнинг моделлaрини ишлaб чиқиш вa унинг тaркибий қисмлaрини aсослaш

5-Mavzu: Kasb tanlashga yo’naltirish ishlari, ularning bosqichlari va o’tkazish metodikasi

Reja:

• Kasb yo’naltirish ishlarining boshlang’ich holati.
• Kasbga yo’naltirish ishining maktab tizimidagi bosqichlari.
• Darsdan tashqari vaqtlardagi kasb tanlashga yo`llash ishlarining forma va metodlari.
• Kasbga doir konsultatsiya ishlarining mazmuni va turlari.

Maktab yoshlarni o’z qobiliyatlariga yarasha ongli ravishda aniq maqsadga yo’naltirilgan kasb tanlashga tayyorlashga mas`uldir. Kasbni ongli ravishga yo`naltirish kichik mutaxassis shaxsining shakllanishiga ijobiy ta`sir ko’rsatmoqda. O’rta maktab o’quvchilarining ishchi ixtisosini tanlashlari, o’z mahoratlarini takomillashtirishlari, kasb-hunar kollejlar, institutlar, universitetlar va akademiyalarni o’qib o’z malakalarini oshirishlari ishlab chiqarishning chinakam, mohir ustalari bo’lib etishishlari, ijtimoiy hayotda bozor iqtisodiyoti mehnat jarayonida faol qatnashishlari allaqachon qonuniy tusga kirib qoldi.
Biroq o’quvchilarni kasbga yo`naltirish ishi har bir kishining individual sifatlari, qiziqishlari, uning qobiliyat va mayllarini, jamiyat ehtiyojlari, shuningdek, sanoat, qishloq xo’jaligi, bozor iqtisodi barcha sohalarining istiqbolli rivojlanishini hisobga olgandagina samarali bo’lishi mumkin.
O’quvchilarda jismoniy mehnat kishilariga nisbatan hurmatni boshdan, muntazam ravishda, maktabdagi barcha ta`lim davomida tarbiyalab borish kerak. O’z o’quvchisi qobiliyatini o’qituvchidan boshqa hech kim yaxshiroq bilmaydi. O’qituvchi o’quvchilardagi ishlab chiqarishga ongli ravishda olib keladigan fazilatlarni rivojlantirishga doir ishlarni. juda ehtiyotkorlik bilan olib borishi lozim. Shu bilan birga, kasbga yo’naltirish bo’yicha ishlarning muvaffaqiyati ishning barcha forma va metodlarining jamuljam bo’lishiga: sinfdagi fanlarga oid darslar, ishlab chiqarish ilg’orlari bilan uchrashuvlar, «Kasb tanlash haqida»gi ma`ruzalar va hokazolarga bog’liq. Maktab bu ishlarni amalga oshirishda o’quvchining ota-onasi, maktab jamoasi va “Kamolot” YOIX tashkilotlari, otaliq korxonalarining jamoat tashkilotlari, shuningdek, birlashgan kasaba kengash organlarining qo’llab-quvvatlashiga tayanmog’i kerak.
Kasbga yo’naltirish.
O’quvchi
Qiziqish, moyillik, qobilyat.
Ishlab chiqarish haqida ma’lumot
O’qituvchi
Dars jarayonida va darsdan tashqaridagi ma`lumotlar
Kasbga yo’naltirish ishini amalga oshirishning umumiy tizimida maktab tizimi dastlabki bosqich hisoblanadi.