Mavzu: kreditning mohiyati, manbalari va vazifalari

Ipoteka banklar - bu ko’chmas mulk (yer va inshoot) hisobiga uzoq muddatli ssuda berishga ixtisoslashgan kredit muasasalar. Ipoteka bankning resurslari o’zlarining ipoteka obligatsiyalari hisobiga shakllanadi. Olingan ssudadan uy-joy va boshqa inshootlar kurish, korxonalarning ishlab chiqarish quvvatlarini kengaytirish uchun foydalaniladi.
Barcha tijorat banklari zaxira (rezerv)larining hajmi va tarkibi bo’yicha Markaziy bank tomonidan o’rnatiladigan ma’lum talablarga javob berishi zarur.
Asosiy tayanch tushunchalar:
Pul muomalasi - tovarlar aylanishiga hamda notovar harakteridagi to’lovlar va hisoblarga xizmat qiluvchi naqd pullar va unga tenglashtirilgan Moliyaviy aktivlarning harakati.
Pul tizimi - tarixan tarkib topgan va milliy qonunchilik bilan mustahkamlangan, mamlakatda pul muomalasini tashkil qilish shakli.
Inflyatsiya - qog’oz pul birligining kadrsizlanishi.
Kredit - bo’sh turgan pul mablag’larini ssuda fondi shaklida to’plash va ularni takror ishlab chiqarish ehtiyojlari uchun qarzga berish.
Foiz me’yori (stavkasi) - foiz yoki foizli daromadning qarzga berilgan pul summasiga nisbatining foizda ifodalanishi.
Bank krediti - pul egalari (banklar va maxsus kredit muassasalari) tomonidan qarz oluvchilarga (tadbirkorlar, davlat, uy xo’jaligi sektori) beriluvchi pul ssudalari.
Lizing - kreditning pulsiz shakli bo’lib, odatda ishlab chiqarish vositalari va boshqa moddiy boyliklarni keyinchalik foydalanuvchilar tomonidan muntazam ravishda haq to’lab borib, sotib olish sharti bilan uzoq muddatli ijaraga berishdan iborat.
Faktoring - boshqa iqtisodiy sub’ektlarning qarzdorlik buyicha majburiyatlarini sotib olish yoki qayta sotish munosabatlari.
Farfeyting - uzoq muddatli faktoring munosabatlari bo’lib, qarzdorlik bo’yicha huquqlarni sotib olgan bank ularni odatda 1 -5 yil vaqt o’tgandan so’ng undirishi mumkin bo’ladi.
Trast - mijozlarning kapitallarini boshqarish bo’yicha operatsiyalari.