Mavzu: oqova suvlarning tozalash darajasini aniqlash

Boshqa ko’rsatkichlar
Suvda eruvchan temir tuzlari 0,2-0,3 mg/l gacha bo’lgan ma’qul. Bu tuzlar ko’p bo’lishi havodagi kislorod ta’siri ostida temir oksidi Xosil bo’lishiga olib keladi.
Bakterial ifloslanganlik.
Suvda hayvon chiqindilariga xos bo’lgan organik moddalarining bo’lishi xavflidir, chunki buning natijasida ammiak tuzi, azot kislotasi tashkil topadi. Bu moddalarning suv ichida organik xlor bilan bir vaqtda bo’lishi (mineral xlor 300 mg/l gacha zararsiz) suvni hayvon chiqindilari bilan ifloslanganligini ko’rsatadi. Bu holda suvga xlor bilan ishlov berish zarur, chunki xavfli kasalliklar qo’zg’atuvchi bakteriyalar bo’lishi mumkin.
Suvni bakteriyalar bilan iflos qilinishi undagi bakteriyalarni soni bilan ifodalanadi. GOST 2874-82 ga binoan ichimlik suvning 1 litrida 100 dan ko’p bakteriya bo’lishi mumkin emas. Suvda ayniqsa “ichak tayoqchalari” guruhiga kiruvchi mikroblarining bo’lishi xavflidir. Bakteriologik taxlil qilish yo’li bilan 1 litr suvda mavjud bo’lgan bakteriyalar soni aniqlanadi (koli-indeks) yoki 1 ichak tayoqchasiga to’g’ri keluvchi suv xajmi aniqlanadi (koli-titr). GOST ga binoan vodoprovod tarmog’iga berilgan ichimlik suv tarkibida har bir litrda 3 dan ko’p koli-indeks bo’lmasligi kerak.