Mavzu: O‘zbekistonni rivojlantirishning harakatlar strategiyasi-milliy taraqqiyot asosi reja

Beshinchidan, Taraqqiyot strategiyasining har bir bosqichini amalga oshirishda jamoatchilik nazorati ishtirokining kuchaytirilayotgani ham e’tiborga molik. Tabiiyki, bunday nazoratni amalga oshirish uchun keng imkoniyatlarg yaratilayotgani esa alohida diqqatga sazovor. Turli jabhalaru sohalarning raqamlashtirilishi, shuningdek, elektron platformalar tashkil qilinishining rejalashtirilishi, eng avvalo ushbu tashkilotlarning o‘z faoliyatida samaradorlikka erishishi uchun xizmat qilsa, boshqa tomondan aholining davlat organlari faoliyatidan qoniqish hissini shakllantirishga turtki bo‘ladi. Shuningdek, ushbu shaffoflik va ochiqlik jamoatchilik nazoratini samarali amalga oshirish imkonini ham beradi. Undan tashqari, barcha darajadagi davlat organlarining xalq vakillari – deputatlar oldidagi hisobdorligi ortayotganligi ham davlat organlari ustidan nazoratning kuchayishi, mutassaddilarning o‘z vazifalariga mas’uliyat bilan yondashishlariga xizmat qiladi.
Eng muhimi, har bir maqsadning amalga oshirilish jarayoni aholi tomonidan doimiy ravishda kuzatib borilishini ta’minlash maqsadida elektron platformalar ishga tushiriladi va muntazam takomillashtirib boriladi.
Oltinchidan, Taraqqiyot strategiyasini amalga oshirishning ilk yili – 2022 yilda amalga oshirilishi belgilab olingan vazifalarga ajratilayotgan mablag‘lar miqdorining ham bir necha barobar ortganligini ko‘rish mumkin. Xususan, Taraqqiyot strategiyasini joriy yilda amalga oshirish bo‘yicha Davlat dasturida umumiy qiymati 55 trillion so‘m va 11,7 milliard dollarlik 398 ta chora-tadbirning ko‘zda tutilganligi bunga yaqqol misol bo‘la oladi. Vaholanki, 2021 yilda belgilangan davlat dasturini bajarish uchun 29 trillion 492,7 milliard so‘m va 2 milliard 600,4 million AQSH dollari, 2020 yildagi davlat dasturini bajarish uchun esa 18 trillion 171,4 milliard so‘m va 10 milliard 301,5 million AQSH dollari ajratilgan edi.
Xulosa o‘rnida shuni aytish lozimki, Taraqqiyot strategiyasida belgilangan maqsadlarni to‘laqonli amalga oshirishda barchamizdan mustahkam iroda va qat’iy intizom, bor imkoniyatlarni to‘la safarbar qilish talab etiladi. Albatta, bunda har birimiz faol bo‘lishimiz, bir kuch, bir qudrat bo‘lib Yangi O‘zbekistonni barpo etishda o‘z hissamizni qo‘shishimiz lozim.
Zero, davlatimiz rahbari Shavkat Mirziyoyev ta’kidlaganidek, «hamma islohotlarni, hamma harakatlarni jamiyat bilan birga qilamiz. Hammamiz bir kuch, bir qudrat bo‘lib xalqimizga xizmat qilishimiz kerak».
Eldor TULYAKOV,
«Taraqqiyot strategiyasi» markazi
ijrochi direktori.
O‘zA