Mavzu. Quduqda ta’mirlashda koltyubing texnologiyasi jihoz va uskunalari Reja

---

1 
Mavzu. Quduqda ta’mirlashda koltyubing texnologiyasi jihoz va uskunalari
Reja: 
1. Egiluvchan quvurar kolonnasi bilan ishlash uchun jihozlar kompleksi.
2. KTOni bajarish uchun agregatlar. Egiluvchan quvurlar kolonnasi.
3. Agregatlar asosiy uzellari va ularning hisobi. Yer osti jihozlari va uskunalari.
Hozirda neft va gaz qazib olish, uni qayta ishlash sohasida yangi texnologiyalar 
tadbiq etilishi natijasida, ushbu sohalar yildan yilga rivojlanib bormoqda. Bu 
rivojlanishlar asosiy zamiri esa dunyoda neft va gazga bо‘lgan ehtiyojning oshib borishi 
bilan belgilanadi. Hozirda burg‘ilash ishlarini olib borishdan oldin albatta hududdagi yer 
osti boyliklarini qay darajada joylashganligini bilish uchun geofizik tekshiruv olib 
boriladi. Bunda yer osti qatlamlari, ularni tuzilishi, yer osti boyliklarini joylashuv о‘rni 
о‘rganiladi.
Koltyubing texnologiyalarini rivojlantirish orqali ular sanoatda tobora izchil 
qо‘llanib kelinmoqda. Mana 35 yildan buyon neft va gaz qazib olish amaliyotida ushbu 
texnologiyalardan neft va gaz konlarini о‘rganish va ekspluatatsiya qilish jarayonida turli 
operatsiyalarni bajarish, shu jumladan, burg‘ilash uchun foydalanib kelinmoqda. Neft va 
gaz konlarini о‘rganish va ekspluatatsiya qilishda koltyubing texnologiyalari neft va gaz 
quduqlarini ularning ekspluatatsiya rejimini buzmagan (tо‘xtatmagan) holda bosim ostida 
ta’mirlash ishlarini amalga oshirish (quduqlarni berkitmagan va nasos-kompressor 
quvurlari kolonnalarini kо‘tarmagan holda ta’mirlash va texnologik operatsiyalarni 
amalga oshirish) imkonini beradi. 
Bundan tashqari, koltyubing texnologik operatsiyalari haydash quduqlarida, 
burg‘ilash ishlarida (eski quduq kolonnasidan egiluvchan quvurlar bilan qо‘shimcha 
gorizontal о‘zaklarni burg‘ilashdan quduqlarni qazishning tо‘liq texnologik 
jarayonigacha), quduqlarni о‘zlashtirishda, quduq о‘zagining geofizik kuchli qiyshaygan 
va gorizontal uchastkalarida hamda boshqa ishlarda qо‘llaniladi. Bunda an’anaviy 
quduqlarni kapital ta’mirlash (QKT) ishlaridan farqli ravishda koltyubing uskunalari 
bilan ishlarni olib borish 2-3 baravar kam vaqt talab etadi, buning oqibatida ta’mirlashga 
doir umumiy xarajatlar kamayadi, quduqlarning turib qolish vaqti qisqaradi, an’anaviy 
usullar orqali bajarish mumkin bо‘lmagan texnologik operatsiyalarning aksariyatini 
bajarish imkoni beriladi va oxir oqibatda neft va gazni qazib olish hajmi 
kо‘payadi.Shunga kо‘ra, Eriell group kompaniyasi «Qultak» konining 31-sonli va 
«Dengizkо‘l» konining 206-sonli quduqlarida «О‘zbekneftegaz» AJ bilan birgalikda 
koltyubing uskunalaridan foydalangan holda katta hajmli kislota bilan qayta ishlash 
ishlarini amalga oshirdi. Natijada keltirilgan quduqlarning sutkalik debiti 1,5-2 baravar 
oshdi.О‘zbekistonda uglevodorod xom ashyosini qazib olishni oshirish ishlari davom 
etmoqda.