Toshkent shahri markaziy ko‘chalarida pulli parkomatlar tashkil etiladi
Bu haqdagi Vazirlar Mahkamasining qaror loyihasi Normativ-huquqiy hujjatlar loyihalari muhokamasi portaliga joylashtirildi. Muhokama 10 aprelga qadar davom etadi. Toshkent shahar ko‘chalaridagi parkomatlar talonining namunasi quyida keltirilgan:
Transport vazirligi «Toshkent shahri markaziy ko‘chalarida pulli avtomobil to‘xtash joylarini tashkil etish bo‘yicha eksperimentni amalga oshirish to‘g‘risida»gi Vazirlar Mahkamasining qarori loyihasini muhokamaga qo‘ydi.
Hujjatga ko‘ra, Toshkent shahar hokimligi, Ichki ishlar vazirligi va Transport vazirligining Toshkent shahrining 10 ta markaziy ko‘chasida pulli avtomobil to‘xtash joylari tarmog‘i (parkomatlar) pilot loyihasini davlat-xususiy sheriklik asosida tashkil etish to‘g‘risidagi taklifiga rozilik beriladi.
Do'stlaringiz bilan baham: |
