Mavzu: texnologiya ta'limining maqsad va vazifalari

MAVZU: TEXNOLOGIYA TA'LIMINING MAQSAD VA VAZIFALARI

REJA:

Kirish

1. 
   Texnologiya haqida tushuncha
   
2. 
   Texnologiya o'qitish metodikasi fanining maqsad va vazifalari.
   
3. 
   Texnologiya va uni o‘qitish metodikasi fanining nazariy va amaliy asoslari
   
4. 
   Boshlang`ich sinflarda texnologiya ta`limining mazmuni
   

Xulosa
Foydalanilgan adabiyotlar

Kirish

“Texnologiya” tushunchasi texnik taraqqiyot sababli yuzaga keldi va lug’atlar talqini bo’yicha (techne san’at, hunar, fan; logoq – tushuncha, ta’limot) materiallarga ishlov berish usullari va vositalari haqidagi bilimlar to’plami demakdir. Texnologiya shu bilan birga jarayonni bilish san’atini ham o’z ichiga oladi. Texnologik jarayon har doim zarur vositalar va sharoitlardan foydalanish bilan operatsiyalar ma’lum ketma-ketligini ko’zda tutadi. Texnologiya protsessual mazmunda “qanday qilib, nimadan va qaysi vositalar bilan bajarish kerak?” degan savolga javob beradi.

Ta’lim texnologiyalari nazariy fan sifatida ta’lim-tarbiya sohasida kafolatli natijaga erishish darajasini oshirish muammolarini tadqiq etish bilan shug’ullanadi hamda o’zining muntazam rivojlanishini kadrlar tayyorlash orqali ta’minlab turadi. Muammolarni hal etishda turli ilmiy-tadqiqot usullaridan foydalanadi va boshqa fanlar bilan bog’liqliklarga ham ega. Ilmiy tadqiqot ishlari fanni rivojlantirishga, ayrim pedagogik hodisalarni tekshirib o’rganishga, muammolarni hal qilish yo’llarini aniqlashga yordam beradi. Hozirgi kunda quyidagi metodlarni ta’lim taraqqiyotiga samarali hissa qo’shadi deb hisoblash mumkin:
O’quv materiallarining mazmunini o’rgatishda ko’zda tutilgan maqsad, o’qituvchi va o’quvchilar maqsadi, maqsadlarni amalga oshirish va hisobga olish varaqalari, berilgan vazifalar, topshiriqlar miqdori, qo’llaniladigan usullar, mavzular bo’yicha o’tkaziladigan test savollari, reyting nazorat bosqichlari, etalon darajasida o’zlashtirish usuli oldindan belgilab qo’yiladi. Bu ishlarning barchasi ongda ta’lim modelini yaratishga olib keladi.