Mehnatsevarlik, tadbirkorlik va kasbiy ko‘nikmalar

MEHNATSEVARLIK, TADBIRKORLIK VA KASBIY KO‘NIKMALAR.
Pul ezgulikni tug‘dirmaydi, aksincha, ezgulik tufayli odamlar shaxsiy
hayotda ham, jamiyatda ham pul va boshqa boyliklarga ega bo‘ladilar.
Suqrot
Inson faoliyatida ikki muhim omil – moddiy va ma’naviy olam o‘zaro
uyg‘unlashib, qo‘sh qanotga aylangan taqdirda shaxs, davlat va jamiyat hayotida
o‘sish-o‘zgarish, yuksalish jarayonlari sodir bo‘ladi. Moddiy va ma’naviy
hayot bir-birini inkor etmaydi. Ular o‘zaro bog‘lanib, bir-birini to‘ldiradi. Inson
o‘z orzu-istaklarini amalga oshirishi, baxtli-saodatli yashashi uchun
hayotini shu ikki mezonga bog‘laydi.
Inson o‘zligini anglagani, nasl-nasabini chuqurroq bilgani sari yuragida
Vatanga muhabbat tuyg‘usi ildiz otib, ulg‘aya boradi. Bu ildiz qancha teran bo‘lsa,
tug‘ilib o‘sgan yurtga muhabbat ham shu qadar kuchli bo‘ladi.
Xususiy mulk boshqa mulk shakllari kabi daxlsiz va davlat himoyasidadir.
Mulkdor faqat qonunda nazarda tutilgan hollarda va tartibdagina mulkidan
mahrum etilishi mumkin.
Quyidagi jadvallar ichida berilgan so‘zlardan foydalanib, jamiyatda iqtisodiy
islohotlar rivoji haqida kichik esse yozing. Ulardan qaysilari iste’mol va tadbirkorlik
madaniyati uchun zarur deb hisoblaysiz? Fikringizni asoslang.
tadbirli va tartibli bo‘lish
halollik, rostgo‘ylik, xushmuomalalik
xotirjam va shijoatli bo‘lish
mulohazakor va bilimli bo‘lish
tavakkalchi va uddaburon bo‘lish
?