Международный

ИСО 10003 Сифат менежменти. Истеъмолчиларнинг қониққанлиги. Ташкилотдан 
ташқаридаги мунозарали масалаларни ҳал қилиш бўйича раҳбарий кўрсатмалар 
маҳсулот билан боғлиқ бўлган даъволар бўйича ташкилот ташқарисидаги мунозараларни 
натижавий ва самарали ҳал қилиш учун қўлланма бўлиб хизмат қилади. Мунозараларни ҳал 
қилиш, ташкилот даъвони қониқтириш бўйича масалаларни ташкилот ичида ҳал қила олмаган 
ҳолларда вазиятни тартибга солиш воситаси ҳисобланади. Кўпгина даъволар томонлар қарши 
курашадиган томон сифатида иштирок этадиган тартиб-таомилларни қўлламасдан ташкилот 
ичида муваффақиятли ҳал қилиниши мумкин.  
ИСО 10004 Сифат менежменти. Истеъмолчиларнинг қониққанлиги. Мониторинг 
ва ўлчаш бўйича раҳбарий кўрсатмалар истеъмолчиларнинг қониқишини оширишга, ҳамда 
истеъмолчилар учун аҳамиятли бўлган маҳсулотлар, жараёнлар ва тавсифларни яхшилаш 
имкониятларини идентификация қилишга йўналтирилган чораларни ишлаб чиқиш учун 
қўлланма бўлиб хизмат қилади. Бундай чоралар истеъмолчиларнинг тўғрилигини кучайтириши 
ва ташкилотга истеъмолчиларни ушлаб қолишга ёрдам бериши мумкин.   
ИСО 10005 Сифат менежменти тизимлари. Сифат режалари бўйича раҳбарий 
кўрсатмалар жараён, маҳсулот, лойиҳа ёки шартнома талабларини маҳсулот ишлаб чиқаришни 
таъминловчи ишчи усуллар ва амалиётлар билан боғловчи, бириктирадиган воситадек сифат 
режаларини ишлаб чиқиш ва ишлатиш бўйича қўлланма бўлиб хизмат қилади. Сифат режасини 
ишлаб чиқишнинг афзалликлари талаблар бажарилишига, жараёнлар бошқарув остида, ҳамда 
ишга жалб қилинганларнинг барчасининг мотивациясида бўлишига бўлган юқори ишончда 
ифодаланади.
ИСО 10006 Сифат менежменти тизимлари. Лойиҳаларда сифат менежменти бўйича 
раҳбарий кўрсатмалар лойиҳаларнинг кенг кўламига, кичикдан каттагача, оддийдан 
мураккабгача, алоҳида лойиҳадан бир қатор лойиҳаларнинг бир қисми бўлган лойиҳагача 
қўлланилади. ИСО 10006 лойиҳаларга раҳбарлик қилаётган ходимлар томонидан, ҳамда сифат 
менежменти тизими учун мўлжалланган ИСО стандартларидаги амалиётларни ташкилот 
тарафидан қўлланилишини таъминлаши керак бўлган ходимлар томонидан ҳам қўлланилади.