Menejment va statistika

A) Mutloq miqdorlarda ifodalanuvchi ko‘rsatkichlar:

1. 
   Sug‘urtalangan ob’ektlar soni (sug‘urtalash bo‘yicha tuzilgan shartnomalar soni) – hisobot davrida sug‘urtalash bo‘yicha tuzilgan shartnomalarning haqqiqiy miqdori (soni) bilan ifodalanadi. Bu ko‘rsatkichlarni N – bilan belgilash qabul qilingan (bundan keyin belgilar qavs ichida ko‘rsatiladi);
   
2. 
   Sug‘urta summasi hisobot davrida tuzilgan sug‘urta summalarining yig‘indisi (S);
   
3. 
   Talofat (zarar) ko‘rgan ob’ektlar soni – sug‘urtalash holatlari bo‘yicha zarar (talofat) ko‘rgan ob’ektlar soni (n);
   
4. 
   Talofat (zarar) ko‘rgan ob’ektlarning sug‘urta summasi (S_n);
   
5. 
   Kelib tushgan (olingan) sug‘urta to‘lovlari (V) – hisobot davrida barcha sug‘urtalangan ob’ektlardan olingan sug‘urta badallari;
   
6. 
   Sug‘urta bo‘yicha to‘langan qoplamalar (W) – bu sug‘urtalash holati yuz berganda sug‘urtalanuvchiga ko‘rilgan zararni (mulkdan, hayotdan) qoplash uchun to‘langan summa;
   
7. 
   Sug‘urta tashkilotining sug‘urtalashdan olingan yalpi daromadi (∆) - sug‘urtalanuvchilardan olingan sug‘urta badali summasi (V) bilan sug‘urtalanuvchiga to‘langan sug‘urta summasi (W) o‘rtasidagi farq.