Microsoft powerpoint programmasi

Prezentatsiya jaratıwda to’mendegi rejimlerden paydalanıwga boladı.
A’piwayi rejim. A’piwayı rejim redaktorlawdın’ en’ a’hmiyetli ko’rislerinen biri bolıp esaplanadı, bunda prezentatsiyanı jaratıwg’a ha’m bezewge boladı.

Su'wret 18. A’piwayı rejim
Slaydlardi sortirovka etiw rejimi. Slaydlardı sortirovka etiw rejimi slaydlardı eskiz ko’rinisinde ko’riw imkaniyatın beredi. Bul rejimde ja’ne bo’limlerdi kiritiwge boladı ha’m slaydlardı ha’r qıylı kategoriyalarg’a ha’m bo’limlerge ajırıtıwg’a boladı.

Su'wret 19. Slaydlardı sortirovka etiw rejimi
Esletpe beti rejimi. Esletpeler oblastı slaydlar oblastının’ to’meninde jaylasadı. Bul jerde ashılıp turg’an slayd ushın esletpelerdi kiritiwge bolladı.
U’lgiler rejimi. U’lgiler rejimi "Slayd", "Jetkerip beriw" i "Eskertiw" tu’siniklkrin o’z ishine aladı. Olar tiykarg’ı slaydlar bolıp, prezentatsiyanın’ fonın,ren’in, shriftin, effektin, razmerin ha’m basqa da mag’lıwmatların o’z ishinde saqlaydı.
Slaydlardi ko’rsetiw rejimi. Prezentatsiyanı awditoriyada ko’rsetken waqıtta Показ слайдов rejimin paydalang’an maqul. Bul rejimde su’wretlerdin’, waqıt inlervalların, filmlerdi, animatsiyalıq effektlerdi ko’riwge boladı. Bul rejimnen shıg’ıp ketiw ushın ESC tu’ymesin basıw jetkilikli.
Doklad etiw rejimi. Doklad etiw rejimi Rejim Показ слайдов ushın tiykarg’ı rejim bolıp esaplanadı.
Oqiw rejimi. Oqıw rejimin prezentatsiyanı awditoriyag’a emes, al basqa kompyuterlerge ko’rsetiw ushın paydalanıwg’a boladı.
Aldan ala ko’riw rejimi. Bul rejimde baspag’a shıg’arıw elementlerinin’ parametrlerin beriwge boladı.
Slaydlardı o’shiriw ushin o’shiriliwi kerek bolg’an slaydtı belgilen’ ha’m delete tu’ymesin basin’.