Microsoft Word al fiqh al absat ziyouz com doc

Javob: — Ha, u mo‘mindir. 
Savol: — Faqat Imonga iqror bo‘lib, u hech narsa bilmagan va hech qanday amal 
qilmagan bo‘lsa ham-a? 

---

Al-fiqh al-absat. Imomi A'zam Abu Hanifa 
www.ziyouz.com kutubxonasi 
3
Javob: — U mo‘mindir. 
Savol: — Imon haqida aytib bering. 
Javob: — Tanho Allohdan o‘zga sig‘inadigan ilohning yo‘qligiga, Uning sherigi yo‘qligiga 
iqror bo‘lishing, Uning farishtalariga, kitoblariga, payg‘ambarlariga, Jannatu Do‘zaxiga, 
Qiyomatiga, yaxshilik va yomonlik Undan ekanligiga iqror bo‘lishing, Alloh amallarni 
hech kimning ixtiyoriga topshirmaganligiga, odamlar Allohning xohish-irodasi va 
belgilaganiga muvofiq bo‘lishlariga iqror bo‘lishing. 
Savol: — Agar banda bularning hammasiga iqror bo‘lsa-yu, lekin Allohning: «Bas, 
xohlagan kishi imon keltirsin, xohlagan kimsa kofir bo‘lsin!» (Kahf, 29, mazmuni), degan 
oyatiga binoan: istasam imon keltiraman, istasam imon keltirmayman, xohish-ixtiyor 
menda, desa, siz nima degan bo‘lar edingiz? 
Javob: — U o‘z da’vosida yolg‘onchidir. Allohning: «Yo‘q! Balki, ular oxiratdan 
qo‘rqmaslar. Yo‘q! U (Qur’on) bir eslatmadir. Bas, xohlagan kishi undan eslatma olur. 
Ular faqat Alloh xohlaganidagina (Qur’ondan) eslatma olurlar...» (Qiyomat, 53—56, 
mazmuni); «(Ular) Alloh istaga-ninigina istaydilar...» degan oyatlariga qaramaysanmi?! 
Allohning «Istagan odam imon keltirsin, istagan odam inkor qilsin!» degan oyati va’iddir. 
Mazkur banda bu oyatning o‘zini va uning Alloh tomonidan nozil bo‘lganini rad 
qilayotgani yo‘q. U faqat oyatni ta’vil qilishda xatoga yo‘l qo‘ygan va bu bilan u kofir 
bo‘lib qolmaydi. 
Savol: — Banda, agar menga musibat yetsa, Alloh u bilan meni sinamoqchimikin yoki 
musibat meni qilmishimdanmikin, Alloh meni u bilan sinamoqchi emas, desa, kofir 
bo‘ladimi?