Microsoft Word Кобилов. Иктисод назарияси. Дарслик лот doc

Xalqaro hisob-kitoblar banki – XHB (Bazel, 1930-y.). Milliy bank-
lar, asosan Yevropa davlatlari milliy banklarining harakatlarini 
muvofiqlashtiradi. 
Yevropa Tiklanish va taraqqiyot banki – YETTB (London, 1991-y.). 
Markaziy, Sharqiy Yevropa hamda sobiq Ittifoq mamlakatlariga bozor 
islohotlarini o‘tkazish bosqichida yordam ko‘rsatadi. Bankning aksioner-
lik kapitali – 15 mlrd. yevro. YETTB XTTB hamda kreditorlarning Parij 
va London klublari bilan hamkorlik qiladi. 
Osiyo Taraqqiyot banki – Osiyo va Uzoq Sharq mintaqasiga 
bevosita qarzlar berish hamda texnik jihatdan ko‘maklashish orqali 
mazkur mamlakatlar iqtisodiyoti o‘sishini rag‘batlantirish maqsadida 
1966-yilda tashkil etilgan bank. 
Ixtisoslashgan xalqaro iqtisodiy tashkilotlar: 
Sanoat rivojlanishi bo‘yicha birlashgan millatlar tashkiloti –
YUNIDO (Vena, 1967-y.). Sanoat rivojlanishi va hamkorligiga, 
rivojlanayotgan mamlakatlarning industrlashishiga, o‘tish davri iqtiso-
diyotidagi mamlakatlar sanoatining sog‘lomlashishiga ko‘maklashadi. 
BMTning Oziq-ovqat va qishloq xo‘jalik tashkiloti – FAO (Rim, 
1945-y.) quyidagi maqsadlarga xizmat qiladi: ocharchilikni tugatish, 
ovqatlanish va turmush sifatini yaxshilash, qishloq xo‘jaligi, o‘rmonchilik 
va baliqchilikni takomillashtirish, qishloq hududlarini rivojlantirishga 
ko‘maklashish.
Intellektual mulk xalqaro tashkiloti – VOIS (Jeneva, 1977-y.). 
Boshqa xalqaro iqtisodiy tashkilotlar bilan hamkorlik qilish yordamida 
intellektual mulkning qo‘riqlanishiga ko‘maklashadi. 
Atom energiyasi bo‘yicha xalqaro agentlik – MAGATE (Vena, 
1956 
-y.). Atom energiyasidan harbiy maqsadlarda foydalanmaslik 
kafolatlarini o‘rnatadi va ta’minlaydi. 
Xalqaro Mehnat Tashkiloti – XMT (Jeneva, 1919-y.). Quyidagi 
maqsadlar uchun faoliyat ko‘rsatadi: to‘liq bandlikni ta’minlash, inson 
huquqlariga rioya etish, mehnatkashlarning hayoti va sog‘lig‘ini saqlash, 

---

 675
tadbirkorlar va mehnatkashlar o‘rtasidagi hamkorlikni rag‘batlantirish. 
XMTning doimiy kotibiyati Xalqaro Mehnat byurosidir.