Microsoft Word navoiy farhod va shirin nazm lotin ziyouz com doc

www.ziyouz.com kutubxonasi 
9
Yuzum sarg‘ortibon nomam qarosi, 
Qarortib nomani xomam qarosi. 
Inoyat aynidin xomam sari boq, 
Qizil ayla yuzum, nomamni ham oq. 
Yuzum lutfung suyidin toza qilg‘il, 
So‘zum ko‘sin baland ovoza qilg‘il. 
Mayi nutqum tarabxez ayla, yo Rab, 
Nayi kilkim shakarrez ayla, yo Rab. 
Ketur ilgimga dog‘i jomi tavfiq, 
Yetur ko‘nglumga dog‘i rohi tahqiq. 
So‘zum roh)in qilib ravshan safodin, 
Shafoat jomi yetkur Mustafo
2
din. 
[IV] 
Ul quyosh ruxsori vasfidakim, tun kibi gisu quyoshig‘a soya soldi va Vashshams bila Vallayl
1
 surasini 
aning yuz quyoshi bila zulfi tuniga o‘xshatilg‘onidin har biri bir biyik poya oldi, agarchi ul quyoshqa 
soya yo‘q erdi va ul kechaga manzil o‘uyosh ustida-o‘q erdi. «Va sallalalohu alo shamsi jamolihi va 
zilli kamolihi»
2 
 
Muhammad «kofu», «nun»
3
g‘a qurratul-ayn
4
Tufayli kavn o‘lub, yo‘q-yo‘qki, kavnayn
5
. 
Nubuvvat kishvarining taxtgiri, 
Risolat taxtining sohib sariri. 
Saririg‘a to‘quz aflok o‘lub farsh, 
To‘quz aflokni qo‘yg‘il, degil Arsh
6
. 
Solib ham Arshu ham Kursiy
7
ga soya, 
Bo‘lub Kursiy aning taxtig‘a roya. 
Dema soya, degilkim zilli ra’fat, 
Ne zillu qaysi ra’fat, nuri rahmat. 
Chu ul Haq zilli bo‘lmoq roya torti, 
Qachon soya, o‘ziga soya torti. 
Yuzi gisuni chun riroya aylab, 
Ul oqshom kun yuziga soya aylab. 
Ayog‘in o‘rgali gar tushti gisu, 
Bo‘lur doim charog‘ osti qarong‘u. 

---

Alisher Navoiy. Farhod va Shirin 
www.ziyouz.com kutubxonasi 
10
Muanbar zulfidek kam soya bo‘lg‘ay 
Ki, ul xurshedg‘a hamsoya bo‘lg‘ay. 
Gul uzra sunbuli ochmoq ajabdur, 
Quyoshqa soya chirmoshmoq ajabdur. 
Chu aylab halqalar ul zulf raydo, 
Bo‘lub mehr uzra kavkablar huvaydo. 
Vayo ul Mushaf
8
uzra kilki taqdir, 
Qilib Arsh o‘rnig‘a anjumni tahrir. 
Emas mehr uzra kavkab – qil taammul, 
Yuzi gulzori ochmish har taraf gul. 
Bo‘lub ruxsorig‘a har sori gullar, 
Jelilik barcha gardanbasta qullar. 
Demon gul bandasidur bo‘yni bog‘lig‘, 
Gadoedur to‘ni haryon yamog‘lig‘. 
Quchoq birla tikan basdur kamohi, 
Gadoliq tavrida oning guvohi. 
Qadi xam bo‘ldi go‘yo bu mihandin, 
To‘ni yirtug‘lari ham bu tikandin. 
Tikan bo‘lmoqta a’dosig‘a xunrez, 
Qilib Bathoda no‘gin xomadek tez. 
Gar ilgi xoma sori qilmayin mayl, 
Qo‘yub xattig‘a boshin yuz tuman xayl. 
Necha choki giribon qildi xoma, 
To‘kub ashkini afg‘on qildi xoma. 
Ochib og‘zin qilay deb dastbo‘si, 
Muyassar bo‘lmayin bu orzusi. 
Chu bu davlatqa bo‘lmay komron ul, 
Qaro og‘riqqa bo‘ldi notavon ul. 
Dema noleki sihhat tormayin hech, 
Tushubtur rishtai jonig‘a yuz rech. 
Emas tirnog‘i uzra xoma gar shaqq, 
Bo‘lub barmog‘i no‘gidan qamar shaqq. 

---

Alisher Navoiy. Farhod va Shirin