MİNİstrliGİ berdaq atindag’i qaraqalpaq ma’mleketlik universiteti
Download 5.01 Kb. Pdf ko'rish
|
- Bu sahifa navigatsiya:
- No’kis – 2008 jıl 2 Mazmunı: Kirisiw.
- 3 Bap 4. Molekulanın’ du’zilisi.
- K i r i s i w.
- Ximiya iliminin’ predmeti.
O’ZBEKSTAN RESPUBLİKASI JOQARI HA’M ORTA ARNAWLI BİLİMLENDİRİW MİNİSTRLİGİ BERDAQ ATINDAG’I QARAQALPAQ MA’MLEKETLİK UNİVERSİTETİ XIMIYA - TEXNOLOGIYA FAKULTETİ XİMİYA KAFEDRASI XİMİYA PA’NİNEN LEKTSİYA TEKSTLERİ Lektsiya tekstlerin du’ziwshiler: dotsent B.Bektursınov, assistent B.Xodjaniyazov No’kis – 2008 jıl 2 Mazmunı: Kirisiw. Bap 1. Ximiyanın’ tiykarg’ı tu’sinikleri menen nızamları. 1.1. Atomlar menen molekulalar. 1.2. Atomlıq ja’ne molekulalıq massalar. 1.3. Mol - zat mug’darının’ o’lshemi. 1.4. Fizikalıq h’a’m ximiyalıq qubılıslar. 1.5. Ximiyalıq tan’balar, formulalar h’a’m ten’lemeler. 1.6. Eseli qatnaslar nızamı. 1.7. Ko’lemlik qatnaslar nızamı. 1.8. Avogadro nızamı. Gazlardın’ molyarlıq ko’lemi. 1.9. Zatlar massasının’ saqlanıw nızamı. 1.10. Quramnın’ turaqlılıq nızamı. 1.11. Ekvivalentler nızamı. Ta’kirarlaw ushın sınaq sorawlar. Bap 2. Biyorganikalıq birikpelerdin’ klassları. 2.1. Oksidler. 2.2. Kislotalar. 2.3. Tiykarlar. 2.4. Duzlar. Ta’kirarlaw ushın sınaq sorawlar h’a’m ma’seleler. Bap 3. Atomnın’ du’zilisi. 3.1. Atom du’zilisinin’ planetarlıq teoriyası. 3.2. Atomnın’ elektronlıq du’zilisi. 3.3. Kvantlıq mexanika ko’z-qarasınan atomnın’ elektronlıq du’zilisi. 3.4. Elektronlıq qabatlarda elektronlardın’ jaylasıw ta’rtibi. 3.5. Energiyalıq qa’ddishilerdin’ tolıwı h’a’m elementlerdin’ valentligi. 3.6. Atomlıq yadronın’ du’zilisi. 3.7. İzotoplar h’a’m izobarlar. 3.8. Yadrolıq reaktsiyalar h’a’m radioaktivlik. 3.9. Da’wirlik nızamnın’ ashılıw tariyxı. Ta’kirarlaw ushın sınaq sorawlar. 3 Bap 4. Molekulanın’ du’zilisi. 4.1. Kirisiw. 4.2. Atomlıq yamasa kovalentli baylanıs. 4.3. İonlıq baylanıs. 4.4. Ximiyalıq baylanıstın’ kvantlıq teoriyası. 4.5. Ximiyalıq baylanıstın’ bag’ıtı h’a’m molekulalardın’ formaları. 4.6. Gibridli baylanıslar h’a’m molekulalardın’ formaları. 4.7. Donorlı-aktseptorlı h’a’m vodorodlı baylanıs. 4.8. Ximiyalıq baylanıs h’a’m valentlilik. 4.9. Qattı zatlar h’a’m kristallıq torlardın’ tu’rleri. Bap 5. Ximiyalıq kinetika h’a’m ximiyalıq teppe-ten’lik. 5.1. Ximiyalıq reaktsiyanın’ jıllılıq effekti. 5.2. Ximiyalıq reaktsiyanın’ tezligi. 5.3. Kataliz. 5.4. Ximiyalıq teppe-ten’lik. 5.5. Ximiyalıq teppe-ten’liktin’ awısıwı. Le-Shatele printsipi. 5.6. Geterogenli reaktsiyalarda Le-Shatele printsipin qollanıw. 5.7. Ximiyalıq reaktsiyalardın’ jikleniwi (tu’rleri). 5.8. Ta’kirarlaw ushın cınaq ushın sorawlar. Bap 6. Oksidleniw-qaytarılıw reaktsiyaları. 6.1. Oksidleniw da’rejesi. 6.2. Oksidleniw-qaytarılıw reaktsiyaları. 6.3. Oksidleniw-qaytarılıw reaktsiyalarının’ ten’lemelerin du’ziw. 6.4. Elektronlı balans usılı. 6.5. Oksidleniw-qaytarılıw reaktsiyalarının’ ayrıqsha jag’dayları. 6.6. İonlı-elektronlı usıl. 6.7. Ta’kirarlaw ushın sınaq sorawlar. Bap 7. Metallar. 7.1. Metallıq baylanıs h’a’m metallardın’ fizikalıq qa’siyetleri. 7.2. Metallardın’ elektrodlıq potentsialları h’a’m olardın’ kernewlik qatarı. 7.3. Metallardın’ ximiyalıq qa’siyetleri. 7.4. Metallardın’ ta’biyatta taralıwı. 7.5. Metallardın’ alınıw usılları. 7.6. Elektroliz. 7.7. Quyılmalar. 4 7.8. Metalardın’ korroziyası h’a’m odan qorg’aw usılları. 7.9. Ta’kirarlaw ushın sınaq ushın sorawlar. Bap 8. Eritpeler. 8.1. Ulıwma tu’sinikler. 8.2. Eriw jıllılıg’ı. 8.3. Zatlardın’ erigishligi. 8.4. Eritpenin’ kontsentratsiyası. 8.5. Elektrolitlik dissotsiatsiya teoriyası. 8.6. Dissotsiatsiya da’rejesi. Ku’shli h’a’m h’a’lsiz elektrolitler. 8.7. Elektrolit eritpelerindegi ionlıq reaktsiyalar. 8.8. Vodorodlıq ko’rsetkish. 8.9. Duzlardın’ gidrolizi. 5 K i r i s i w. Ximiyalıq bilimler - xalıq xojalıg’ının’ barlıq tarawlarında ilimiy- texnikalıq progressti jedellestiriwde, ja’miyettin’ materiallıq-texnikalıq bazasın jaratıwda a’h’miyetli qural. Bu’gingi ku’ngi ekonomikanın’ effektivligin arttırıw zamanago’y u’lken ximiyasız iske aspaytug’ını attan anıq. Sonlıqtanda ximiyalıq sanaattın’ rawajlanıwı jedel pa’tler menen a’melge asırılmaqta. Xalıq xojalıg’ın ximiyalastırıw - bul ilimiy-texnikalıq progresstin’ h’a’m tutası menen alg’anda barlıq ja’miyetlik o’ndiristin’ rawajlanıw da’rejesine sa’ykeslene otırıp, ja’miyettin’ materiallıq ja’ne ruwxıy bayıwına xızmet etetug’ın h’a’m sonın’ menen bir qatarda ta’biyatqa ıqtıyat mu’na’sibette bolıwdın’, onı aqılg’a muwapıq ra’wishte paydalanıwdın’ ko’rinisi bolıp tabılatug’ın ilajlardın’ quramalı kompleksi. Xalıq xojalıg’ın ximiyalastırıw - h’a’zirgi zamannın’ globallıq problemaların (shiyki zatlıq, energetikalıq, azıq-awqatlıq, ekologiyalıq) sheshiw ushın da a’h’miyeti tetik. Mineral to’ginler o’ndirisinde bir qatar ilajlardı a’melge asırıw ko’zde tutılg’an. Birinshiden, bul topıraqtın’, jergilikli jerdin’, klimatlıq sha’riyattın’, daqıldın’ egiliw sıpatının’ ayrımashılıqların esapqa alıw menen to’ginnin’ quramın tanlawdı bunnan bılay da aqılg’a muwapıqlastırıw. Ekinshiden, so’z to’gindi tasıp jetkiziw ja’ne topıraqqa salıw (atız basına to’gindi suyıq yamasa erigen ku’yinde tasıp jetkiziw, onı topıraqtın’ ma’lim bir uchastkilerine salıw h’.t.b.) h’aqqında bolıp otır. U’shinshiden, to’gin o’ndirisinin’ o’siwi ekologiyalıq faktordı esapqa alıw menen sostavqa qoyılg’an talapqa balans beriwi kerek. Awılxojalıg’ının’ zıyankesleri menen keseliklerinen o’simliklerdi qorg’awdın’ ximiyalıq qurallarının’ o’ndirisin ko’beytiw h’a’m sapasın jaqsılaw boyınsha ilajlarda joqarıdag’ıg’a sa’ykes ra’wishte alıp barıladı. Bunday ilajlardın’ a’h’miyetin to’mendegi mag’lıwmatlardan ko’riwge boladı. Awılxojalıg’ının’ zıyankeslerinen jıl sayın birneshe milliard swmlıq o’nim jog’aladı. Bunın’ menen zu’ra’a’tti jıynawg’a (defoliantlar, desikantlar h’.t.b.) ja’ne onı saqlawg’a (o’nimlerdin’ shiriwin h’a’m keselleniwin boldırmawshı qurallar) ikaniyat tuwg’ızatwg’ın ximiyalıq qurallardı paydalanıw ushın ilajlar qollanıladı. Awqatlıq shiyki zattı texnikalıq mu’ta’jlerge jumsaw qısqartıladı. Ximiya energetikalıq problemanı (toqtın’ ximiyalıq da’rekleri, galvaniy elementleri, akkumulyatorlar) sheshiwde, elektrotexnikalıq sanaat h’a’m atomlıq energetika ushın tiyisli materiallardı (o’tkizgishler h’a’m izolyatorlar, yarımo’tkizgishler, atomlıq reaktorlar ushın janılg’ı ja’ne materiallar) jaratıwda a’h’miyetli rol oynaydı. Energiyanın’ qayta tiklenbeytug’ın h’a’r qıylı da’rekleri bolg’an otınnın’ qa’dimgi tu’rlerin (ko’mir, neft, ta’biyiy gaz, trof, slanetsler) insaniyat ta’repinen paydalanıwdı dawam etpekte. Biraq olardın’ zapasları 6 qısqarıp barmaqta, h’a’tte bazı bir regiondalarda otınnın’ geypara tu’rleri tamam bolıwg’a jaqın. Ekinshi ta’repten, sintetikalıq materiallar sanaatının’ intensivli rawajlanıwı organikalıq ja’ne mineral shiyki zatlardın’ sarıplanıwın a’dewir arttırıwdı talap etedi. Neft, ko’mir, ta’biyiy gaz sonday materiallardı basqarılatug’ın organikalıq sintez jolı menen alıw ushın shiyki zat bolıp tabıladı. A’uelgi shiyki zattı kompleksli paydalanıw h’a’zirgi waqıtta otınnın’ jan’a tu’rlerin, (ma’selen qattı otındı gazlestiriw) organikalıq h’a’m mineral o’nimlerdi ja’ne yarım o’nimlerdi alıwg’a tiykarlang’an. Ximiyalıq protsess, sonday-aq elementlerdin’ qa’siyetinin’ da’wirliligi, organikalıq molekulalardın’ qurılısı (elektronlıq h’a’m ken’islilik) h’aqqındag’ı ta’liymattın’ tiykarg’ı nızamların biliw - sintezdin’ erterek islep shıg’ılg’an jolların jetilistiriw ushın da, jan’a jollardı h’a’m olardın’ texnologiyalıq sheshimlerin jaratıw ushın da za’ru’r. Ximiyalıq bilimler - zamanago’y injenerlerge, texnologke h’a’m izertleushige texnikanın’ h’a’r qıylı tarawlarında jan’a na’tiyjelerge erisiwge sebebin tiygizetug’ın fundamentlik bilimlerdin’ za’ru’rli quralmas bo’legi. XXI a’sirdin’ texnikasın samoletlar h’a’m korabller qurılısında paydalanılatug’ın alyuminiy menen titan, atomlıq texnikada paydalanılatug’ın tsirkoniy, uran, qorg’asın, berilliy, yarım o’tkizgishler texnikasında qollanılıtug’ın germaniy, kremniy, mıshyak, galiy, qalayı, surma sıyaqlı metallarsız, fotografiyadag’ı gu’missiz, elektrotexnikadag’ı mıs penen alyuminiysiz, joqarı bekkemliktegi, termoturaqlı, korroziyag’a shıdamlı materiallardı jasawg’a mu’mkinshilik beretug’ın xrom, volfram, tantal, molibden sıyaqlı metallarsız ko’z aldımızg’a keltiriw mu’mkin emes. Al bul materiallarsız bizin’ tsivilizatsiyanın’ keleshegin elestiriw de mu’mkin emes. Ximiya - bul ku’ndelikli turmısta, qol bos gezde bizin’ materiallıq ja’ne ruwxıy talabımızdı qanaatlandırıw ushın da qural. Ximiyanı paydalanbay jay qurılısı menen transporttı, toqımashılıq ja’ne jen’il sanaattı, den-sawlıq penen sporttı, qala berse ma’deniyattın’ rawajlanıwın (kitap baspası, radio h’a’m teleko’rsetiw, kino, fotografiya) ko’z aldımızg’a keltiriwge bolmaydı. Ta’biyattın’, tutası menen alg’anda gu’lla’n barlıqtın’ jaratılıslıq ilimiy kartinasın qa’liplestiriwde de ximiyanın’ tutqan ornı o’z aldına. Organikalıq birikpelerdin’ qurılısının’ ximiyalıq teoriyası h’a’m organikalıq sintez, D.İ.Mendeleevtin’ da’wirlik nızamı h’a’m jan’a ximiyalıq elementlerdin’ ashılıwı, sereoximiyanın’ rawajlanıwı h’a’m jan’a kompleksli birikpelerdin’ alınıwı, eritpeler menen elektrolitlik dissotsiatsiya h’aqqındag’ı ta’liymattın’ jaratılıwı, termodinamikanın’ nızamları menen ximiyalıq protsess h’aqqındag’ı ta’liymat bir ta’repten, ximiyalıq texnologiya menen sanaattın’ budan bılayg’ı tabıslarına, 7 ekinshiden, - geologiya h’a’m geoximiya, biologiya h’a’m bioximiya sıyaqlı shegaralas ilimlerdin’ rawajlanıwına sheshiwshi ta’sir jasadı. Son’g’ı onjıllıqtın’ ko’plegen a’h’miyetli ilimiy ashılıwları ilimlerdin’, sonın’ ishinde ximiya menen biologiyanın’ tu’yispesinde a’melge astı. Olar tirishilik penen na’silliktin’, fotosintez penen yadtın’ h’a’m t.b. qubılıslardın’ ko’plegen sırlarının’ ayqınlasıwına sebebin tiygizdi. Ta’biyiy u’lgilerdi elesletetug’ınday da, ta’biyiy analoglarg’a iye emestey de (sintetikalıq materiallar) jan’a materiallardı jaratıw menen ximiya insan tsivilizatsiyasına, onın’ materiallıq h’a’m ruwxıy ma’deniyatına elewli ta’sir jasag’anı h’a’m keleshekte ta’sir jasay beretug’ını dawsız. Ximiya iliminin’ predmeti. Bizin’ a’tirapımızdı qorshag’an materiallıq du’niya ko’p tu’rli h’a’m h’a’r qıylı. Materiallıq du’niya mudamı h’a’rekette h’a’m bizden biyg’a’rez. Materiallıq du’niya h’a’reketinin’ tu’rli qırların h’a’r tu’rli ilim u’yrenedi. Ta’biyat-tanıw ilimlerinin’ bir tarawı bolg’an ximiya materiallıq du’niyanın’ h’a’reketin u’yrenedi. Anıg’ıraq aytqanda ximiya ilimi zatlardın’ quramın, du’zilisin, qa’siyetlerin h’a’m olardın’ basqa zatlarg’a o’zgerisin izertleydi. Ha’reket bolg’an jerde energiyanın’ o’zgerisi boladı. Ximiyalıq qubılıs yamasa ximiyalıq reaktsiya waqtında energiyanın’ o’zgerisi bayqaladı. Bir qatar reaktsiyalarda jıllılıq jutılsa, al bazı bir reaktsiyalarda jıllılıq sırtqa shıg’adı. Reaktsiyalar tek jıllılıq shıg’arıw menen emes, al jaqtılıq shıg’arıw menen de ju’riwi mu’mkin. Ta’biyat adamzatqa shiyki zat beredi. Ma’selen, suw, h’awa, qum, tasko’mir, neft, gaz, ag’ash, minerallar h’.t.b. Bulardı adamzat o’z qa’jetine jaratıw ushın olardı qayta islew jolların biliwi za’ru’r. Ximiyalıq bilimlerdi paydalanıp g’ana bul zatlardan xalıq xojalıg’ına kerek kislorod, vodorod, shiyshe, keramika, to’ginler, azıq-awqatlar, da’ri-da’rmaqlar, qara h’a’m ren’li metallar, plastmassalar, talshıqlar, kauchukler, janılg’ılar, boyag’ıshlar, sabın, soda alıw mu’mkin. Solay etip, ximiyanın’ tiykarg’ı uazıypası ilimnin’ jetiskenliklerin paydalana otırıp sanaatqa, transportqa, awıl-xojalıg’ına h’a’m meditsinag’a za’ru’rli o’nimlerdi ximiyalıq usıl menen o’ndiriw bolıp esaplanadı. Sonın’ menen qatar metallurgiya ja’ne ximiya sanaatında tiykarg’ı o’ndiris penen birge payda bolatug’ın qosalqı qaldıq zatlardı yaki shıg’ındılardı xalıq xojalıg’ına paydalı o’nimlerge aylandırıwda ximiyanın’ tiykarg’ı uazıypasına jatadı. Sanaattı ximiyalastırıw texnikalıq progresstin’ tiykarg’ı sha’rtlerinin’ biri. Ximiyanın’ zamanago’y jetiskenliklerin paydalanıwdın’ na’tiyjesinde sanaat penen transportqa kerekli joqarı sapalı polatlar menen quymalar, samoletlar menen avtomobillerdin’ do’n’geleklerine kerek rezinalar, h’a’r tu’rli yarım o’tkizgishler, elektrotexnikag’a za’ru’r izolyatsiyalıq materiallar, atom energetikası menen kosmos texnikasına kerekli 8 materiallar h’a’m joqarı kategoriyalı janılg’ı zatlar, plastmassanın’, jasalma talshıqlardın’ ko’plegen tu’rlerin o’ndiriw mu’mkin. Ximiyanın’ tabısları awıl-xojalıg’ında da ken’nen qollanıladı. Mineral to’ginlerdi, pestitsidlerdi, o’siwdi iretlegish zatlardı qollanıw awıl xojalıq daqıllarının’ zu’ra’a’tin arttıradı. Ximiyalıq preparatlardı h’a’m mikroelementlerdi paydalanıw arqalı mal-sharwashılıg’ının’ o’nimin asırıwg’a erisiwge boladı. Ma’mleketimizdin’ programmasında ximiya o’ndirisin barınsha rawajlandırıw ja’ne onın’ jetiskenliklerin xalıq xojalıg’ında ken’nen paydalanıw arqalı xalıq baylıg’ın arttırıw, jan’a jetilisken h’a’m arzan texnologiyalıq usıllardı qollanıw menen xalıq tutınıw o’nimlerinin’ sanın ja’ne sapasın asırıw ko’zde tutılg’an. Bap 1. XİMİYaNIN’ TİYKARG’I TU’SİNİKLERİ MENEN NIZAMLARI. 1.1. Atomlar menen molekulalar Du’niyadag’ı barlıq zatlardın’ atomlardan turatug’ınlıg’ın bizin’ eradan burıng’ı IV a’sirde jasag’an grek faylasufı Demokrit aytkan. Bul oyshıldın’ tu’sinigi boyınsha zatlar bir-birinen o’zlerin quraytug’ın atomlardın’ sanı,pishini h’a’m ornalasıw ireti menen ajıraladı. Ol a’lemdegi bolıp otıratug’ın qubılıslardı atomlardın’ o’z-ara birigiwi ja’ne ajıralıwı menen tu’sindirgen. Biraq, bul tu’sinikler ol gezde ta’jiriybe ju’zinde da’lillenbegen ulıwma filosofiyalıq boljamlar edi. Atom jo’nindegi tu’sinikler son’ın ala orıs alımı M. V. Lomonosov (1711- 1765) h’a’m ingliz alımı J. Dalton (1766-1844) miynetlerinde rawajlandırıldı h’a’m ta’jiriybe ju’zinde da’lillendi. Atom-molekulalıq ta’liymatqa muwapıq barlıq zatlar udayı h’a’rekette bolatug’ın moleklalardan turadı. Molekulalar atomlardan quraladı. Ha’r bir atomnın’ o’zine ta’n qa’sietleri, mug’darı h’a’m massası boladı. A’piwayı zatlardın’ molekulaları bir qıylı atomlardan, al quramalı zatlardın’ molekulaları h’a’rtu’rli atomlardan turadı. Molekulalardın’ qa’siyetleri olardın’ quramına kirgen atomlardın’ tu’rleri menen sanına g’ana emes, atomlardın’ molekulalardag’ı jaylasıw iretinede baylanıslı boladı. Atom-molekulalıq ta’liymattın’ tiykarg’ı qag’ıydaların tolıq moyınlaw 1860 jılı Karlsrue qalasında bolg’an ja’h’a’n ximiklerinin’ 1-a’njumanında ju’zege astı. Bunda atom menen molekulanın’ da’l anıqlamaları berildi. Atom- bul ximiyalıq birikpelerdegi elementtin’ en’ kishi bo’lekshesi. Ha’zirgi ko’z-qarastan atom degenimiz on’ zaryadlı yadrodan turg’an neytral bo’lekshe. Atomnın’ h’a’r bir jeke tu’rin ximiyalıq element dep ataydı. Molekula degenimiz usı zattın’ ximiyalıq qa’siyetlerin saqlap turatug’ın en’ kishi bo’lekshesi. Zattın’ fizikalıq qa’siyetleri (balqıw h’a’m qaynaw 9 temperaturaları, agregatlıq h’alı, menshikli salmag’ı h’.t.b) jeke molekula- nın’ qa’siyetleri emes, sol zattı quraytug’ın barlıq molekulalar jıynag’ına ta’n qa’siyetler. Molekulaları bir elementtin’ atomlarınan turatug’ın zatlar a’piwayı zatlar delinedi. Olarg’a vodorod, kislorod, temir, ku’kirt, azot h’.t.b. jatadı. Geybir a’piwayı zatlardın’ molekulaları bir atomnan turadı. Olarg’a metallar h’a’m inert gazlar jatadı. Ko’pshilik ximiyalıq elementler birneshe a’piwayı zatlar payda etedi. Bir elementtin bir neshe a’piwayı zatlardı payda etiwi allotropiya dep ataladı. Al a’piwayı zatdardın’ o’zleri allotropiyalıq tu’r o’zgerisler boladı. Allotropiyalıq tu’r o’zgerisler bir- birinen molekulalardag’ı sol elementtin’ sanı boyınsha yamasa kristtallıq tordag’ı atomlardın’ ornalasıw ta’rtibi jag’ınan parıqlanadı. Ma’selen, ximiyalıq element kislorod - O molekulası eki atomnan turatug’ın kislorod h’a’m molekulası ush atomnan quralg’an ozon sıyaqlı a’piwayı zatlardı du’zedi. Ximiyalıq element uglerod - S almaz h’a’m grafit degen a’piwayı zatlardı payda etedi. Molekulaları h’a’r tu’rli elementtin’ atomlarınan turatug’ın zatlardı quramalı zatlar deymiz. Mısalı, mıs (II) oksidi CiO, fosfor kislotası N 3 PO 4 , kaliy permanganatı KMnO 4 . Quramalı zatlarg’a barlıq oksidler, tiykarlar, duzlar h’a’m organikalıq zatlar mısal boladı. 1.2.Atomlıq ja’ne molekulalıq massalar. Atomnın’ en’ a’h’miyetli sıpatlamalarının’ biri onın’ massası. Atomlardın’ shın massasları ju’da’ kishi shamalar. Mısalı, vodorod atomının’ massası 1,67x10 -24 g, kislorodtiki 26,6x10 -24 g, uglerodtiki 19,93x10 -24 g. Bunday shamalardı qollanıp, esaplawlar ju’rgiziw qolaysız bolg’anlıqtan atomlardın’ salıstırmalı massaların paydalanadı. 1961 j xalıq aralıq kelisim boyınsha massanın’ atomlıq birligi sıpatında massası 12 g bolg’an uglerod izotopının’ massasının’ 1/12 u’lesi qabıllandı. Uglerod atomı massasının’ 1/12 bo’legi massanın’ atomlıq birligi (m.a.b) dep ataladı. 1 massanın’ atomlıq birligi yag’ınıy 1 m.a.b = 1,66x10 -24 g yamasa 1,66x10 -27 kg. Bul shama mınaday esaplaudan kelip shıg’adı. Uglerodtın’ bir atomının’ massası 19,93x10 -24 g (12: 6,02 x 10 23 ). Usı shamanı 1/12 u’lesi (19,93x10 -24 g x 1/12) uglerodlıq birlik bolıp tabıladı. Basqa ximiyalıq elementlerdin’ salıstırmalı atomlıq massaları massanın’ atomlıq birligine sol elementlerdin’ atomlarının’ massaların bo’liw arqalı tabıladı. Mısalı: A r (O) = 26,6x10 -24 g : 1,66x10 -24 g = 16 A r (H) = 1,67x10 -24 g : 1,66x10 -24 g = 1,0 Salıstırmalı atomlıq massalar (A r ) razmersiz salıstırmalı sanlar. Salıstırmalı atomlıq massalardı 1 m.a.b. ko’beytiw arqalı elementtin’ atomlıq massası tabıladı. Mısalı: A r (O) = 16 x 1m.a.b. = 16 m.a.b. 10 A r (H) = 1 x 1m.a.b. = 1 m.a.b. Molekulalıq massa molekulanı quraytug’ın atomlardın’ massalarının’ jıyıntıg’ınan turatug’ın bolg’anlıqtan molekulalıq massa da massanın’ atomlıq birliginde ko’rsetiledi. Salıstırmalı atomlıq yamasa molekulalıq massa degenimiz sol elementtin’ yamasa zat massasının’ uglerod atomı massasının’ 1/12 bo’leginen yamasa massanın’ atomlıq birliginen neshe ese awır ekenin ko’rsetetug’ın san. Salıstırmalı molekulalıq massanı tabıw ushın molekula quramına kiretug’ın barlıq atomlardın’ massaların qosıw kerek. Mısalı: Mr(H 3 PO 4 ) = 1x3 + 31 + 16x4 = 98. Usıg’an sa’ykes fosfor kislotasının’ molekulalıq massası 98 x 1m.a.b = 98 m.a.b. boladı. 1.3.Mol - zat mug’darının’ o’lshemi. Amper, kilogramm, sekund, metr h’a’m sol sıyaqlı o’lshem birlikleri menen qatar zat mug’darının’ o’lshemi sıpatında mol degen o’lshem birligi bar. Mol - dep uglerod izotopının’ 12 S 12 grammında qansha atomlar bolsa, quramında sonsha strukturalıq birlikler (atomlar, molekulalar, ionlar, elektronlar h’.b) bolatug’ın zattın’ mug’darına aytıladı. Uglerodtın’ 12 grammında 6,02x10 23 atom bolatug’ının izertleuler anıqlag’an. Olay bolsa qa’legen zattın’ 1 molinde 6,02x10 23 strukturalıq bo’lekshe boladı. Bul turaqlılıqtı Avogadro sanı dep ataydı h’a’m N A - tu’rinde tan’balaydı. Zattın’ 1 mol mug’darının’ massası molyar massa dep ataladı. Ol g/mol yamasa kg/mol menen ko’rsetiledi. A’piwayı yamasa quramalı zattın’ grammda ko’rsetilgen molyar massası san jag’ınan onın’ salıstırmalı molekulalıq yaki atomlıq massasına ten’ boladı. Mısalı, atomlıq kislorodtın’ 1 molinde de, molekulalıq kislorodtın’ 1 molinde de 6,02x10 23 bo’leksheler bar. Kislorodtın’ salıstırmalı atomlıq massası 16, al salıstımalı molekulalıq massası 32. Usıg’an sa’ykes atomlıq kislorodtın’ molyar massası 16 g/mol, al molekulalıq kislorodtın’ molyar massası 32 g/mol. 1.4.Fizikalıq h’a’m ximiyalıq qubılıslar. Zatlarda bolıp turatug’ın o’zgerislerdi qubılıslar deymiz. Zatlardın’ agregat h’alı menen formaları o’zgerse, ol fizikalıq qubılıs delinedi. Mısalı, suwdın’ qaynag’anda puwg’a, al qatqanda muzg’a aynalıwı fizikalıq qubılıs boladı. Bunda suwdın’ quramı yamasa strukturası o’zgeriske ushırap atırg’an joq. Zatlardın’ ximiyalıq quramı o’zgerse yamasa bir zat pu’tkilley basqa ekinshi zatqa aynalsa, onda ximiyalıq qubılıs a’melge asqan boladı. 11 Ximiyalıq qubılıstı yamasa ximiyalıq protsessti ximiyalıq reaktsiya dep ataydı. Bularg’a janlı h’a’m jansız du’niyadag’ı mudamı bolıp otıratug’ın janıw, shiriw, ashıw, tat basıw, zat almasıw protsessleri mısal boladı. Ko’binese fizikalıq h’a’m ximiyalıq qubılıslar qatar ju’redi. Ximiyalıq qubılıslar yamasa ximiyalıq reaktsiyalar ju’rip atırg’anın zatlardın’ o’z-ara h’a’reketlesiwinen bayqalatwg’ın jıllılıqtın’ shıg’ıwı yaki sin’iriliwinen, iren’inin’ o’zgeriwinen, sho’kpe yamasa gazdın’ ajıralıp shıg’ıwınan biliwge boladı. Download 5.01 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling