Muqaddima
Download 5.01 Kb. Pdf ko'rish
|
|
11.6.Barabanli quritgichlar. Barabanli quritgichlar: 1) to‘g’ridan – to‘g’ri issiq almashuvchi, ya’ni quritilayotgan mahsulot va issiq gazning bevosita to‘qnashuvi (mahsulot bilan gazning bir yunalishida va qarama-qarshi yunalishida ) . 2) bilvosita issiq almashuvchi, ya’ni issiqlik quritiluvchi mahsulotga metal devor (to‘siq) orqali beriluvchi quritgichlarga bo‘linadi. Kontsentrat va mineral hom ashyoni quritish uchun birinchi turdagi quritgichlar ishlatiladi. Ikkinchi turdagi quritgichlar esa atrof-muxit ifloslanishini oldini olish uchun, hamda quritilayotgan mahsulotning rangini o‘zgartirish uchun ishlatiladi. To‘g’ridan-to‘g’ri issiq almashuvchi barabanli quritgich 1-5 0 burchak ostida o‘rnatilgan (mahsulot bo‘shatish tomonga qarab) aylanuvchi barabandan iborat bo‘lib, barabanga ikkita bandaj (kamar) va uzatmaning tishli halqasidan iborat. Baraban bandajlar orqali tayanch ramalariga o‘rnatilgan erkin harakatlanuvchi roliklarga tayanadi, barabanning bir uchi o‘txona va mahsulotni beruvchi moslama bilan tutashsa, ikkinchi uchi quritilgan mahsulotni tushirib oluvchi kamera bilan tutashgan. Barabanli quritgichlar 1-2,2m diametr va 4-16m uzunlikda; 2,5-3,5m diametr va 14-27m uzunlikda tayyorlanadi. Issiqlik yuqolishining oldini olish uchun barabanning tashqi yuzasi po‘lat bilan qoplanadi. Bunda tashqi devorning harorati 40 0 dan oshmasligi kerak. 162 57-rasm. Barabanli quritkich Mahsulot bunkerdan (6) ta’minlagich orqali quritgichning tsilindrsimon barabaniga (1) tushadi baraban bandaj (2) lar va tayanch roliklari (3,5) yordamida ushlab turiladi va uzatkich (4) orqali harakatga keltiriladi. Baraban aylanishi natijasidan nam mahsulot ta’minlagich orqali vintli qabul qiluvchi nasadka (7) ga beriladi, bu erda mahsulot aralashtirish ta’sirida bir oz quriydi. So‘ngra mahsulot barabanning ichki qismiga o‘tadi. Nasadkalar barabanning kesimi buyicha mahsulotni bir me’yorda tarqatish va aralashtirishni ta’minlaydi. Bunday sharoitda mahsulot bilan qurituvchi agentning o‘zaro ta’siri samarali bo‘ladi. Baraban ichidagi mahsulotning o‘ta qizib ketish darajasini kamaytirish uchun, mahsulot va qurituvchi agent (tutunli gazlar) bir-biriga nisbatan tug’ri yo‘nalishda bo‘ladi, chunki bunday sharoitda yuqori haroratli issiq gazlar katta namlikka ega bo‘lgan mahsulot bilan to‘qnashadi. Mayda zarrachalarning gazlar bilan ketib qolishini kamaytirish maqsadida barabandan so‘rib olinayotgan gazlarning tezligini ventilyator (8) yordamida ushlab turiladi. Ishlatilgan gazlar atmosferaga chiqarilishidan oldin mayda changlardan tsiklon (9) da tozalanadi. Quritilgan mahsulot barabandan tushirib oluvchi kamera (10) orqali tushiruvchi qurilma (11) dan chiqariladi. Baraban uzatgich (4) orqali harakatga keltiriladi. Qurutish uchun kerak buladigan gaz-havoli aralashma o‘txonada yonilg’i yonishidan hosil bo‘ladi. Bu turdagi barabanli quritgichlar misli, ruxli, magnetitli, piritli va x. k. rudali kontsentratlar va nometal mahsulotlarni quritishda ishlatiladi. Qurituvchi gazlarning barabanga kirishdagi harorati 600-1100 0 S, barabandan chiqishdagi harorati 100-200 0 S. Barabanli quritgichlarni ishlab chiqish quvvati baraban uzunligiga, uning diametriga va quritish vaqtiga bog’liq. Quritilgan mahsulotning oxirgi namligi, unga qo‘yiladigan talablar asosida belgilanib 4-8% atrofida bo‘ladi. Baraban hajmining to‘ldirish darajasi 10-12%, mahsulotning barabanda bo‘lish vaqti 7-15 min. |
