Мустақил иш мавзу: Банкка оид муносабатлар юзасидан низолар тушунчаси ва келиб чиқиш сабабларини сўзлаб беринг

МУСТАҚИЛ ИШ
Мавзу: Банкка оид муносабатлар юзасидан низолар тушунчаси ва келиб чиқиш сабабларини сўзлаб беринг.
ТОШКЕНТ – 2022
Кириш
Ўзбекистон Республикаси Президентининг 2018 йил 9 январдаги “Ўзбекистон Республикаси Марказий банкининг фаолиятини тубдан такомиллаштириш чора-тадбирлари тўғрисида”ги ПФ-5296-сонли Фармонида “Жаҳон молия тизимида юз бераётган жиддий ўзгаришлар, шунингдек мамлакатда миллий иқтисодиётни кенг кўламли ислоҳ қилиш бўйича амалга оширилаётган чора-тадбирлар пул-кредит сиёсатини шакллантириш, амалга оширишда ҳамда банк тизимини янада ривожлантиришда янгича ёндашув ва принсиплар қўлланилишини тақозо қилаётганлиги, ... банк тизимининг барқарорлигини таъминлаш, омонатчилар ва кредиторлар манфаатларини ҳимоя қилиш ва Марказий банкнинг пул-кредит оператсияларини ўтказиш бўйича чора-тадбирларни амалга ошириш, ...жисмоний ва юридик шахсларнинг мурожаатлари билан ишлаш департаменти негизида асосий вазифаси банк хизматлари истеъмолчиларининг ҳуқуқ ва қонуний манфаатларини ҳимоялаш, аҳоли ва тадбиркорлик субъектларига молиявий очиқликни ва уларнинг саводхонлик даражасини ошириш бўлиб ҳисобланган Марказий банкнинг Банк хизматлари истеъмолчиларининг ҳуқуқларини ҳимоя қилиш хизмати ташкил этилиши лозим деб таъкидланганлиги ҳам банклар фаолиятида ҳуқуқий масалаларга устивор эътибор бериш лозимлигини тақазо этади.
Банк хизматлари истеъмолчиларининг ҳуқуқларини ҳимоя қилиш тизимини такомиллаштириш ва кучайтириш мақсадида Жамоат қабулхоналарини ташкил этиш режалаштирилган. Мазкур Жамоат қабулхоналарига истеъмолчилар банк хизматлари соҳасидаги амалдаги қонунчилик нормалари юзасидан маслаҳат ва тушунтиришлар олиш мақсадида мурожаат этишлари мумкин.
Ҳозирги кунда банкларнинг асосий мақсади мижозлар жалб қилиш ва уларга сифатли хизмат кўрсатишдан иборат. Лекин баъзи ҳолларда банк ва мижоз ўртасида турли тушунмовчиликлар яъни низолар келиб чиқиши мумкин. Ушбу мустақил иш давомида банкка оид муносабатларда низолар ва уларнинг келиб чиқиш сабаблари ҳамда турли банклар кесимида уларни бартараф этиш ҳақида қисқача маълумот бериб ўтаман.