Mustaqillik g'ururi Qora tarix kunlarini ko'rding elim

She'r
Mustaqillik g'ururi

Qora tarix kunlarini ko'rding elim,
Keldi boshingga tinching buzib yovlar,
Dushman ila kurashding shom-u saharlar.
Mustaqillik g'ururin tuyding, elim.

Sen bo'yin egmading

Iskandar-u Chingizlarga.
Vatan uchun jon olib, jon berding.
Mustaqillik g'ururin tuyding, elim.

Temur xanjari o'tkirdir yov uchun,

Navoiy qalami sultondir she'r uchun,
To'maris jasorati yordir el uchun.
Mustaqillik g'ururin tuyding, elim.

Keldi mana yorug' kunlar,

O'tdi qancha shom-u saharlar,
Yo'qotding necha-necha mard o'g'lonlar.
Mustaqillik g'ururin tuyding, elim.

Bizni jahon tanidi, tarix tanidi.

Jahon minbarida yangradi madhing,
Ko'klarga chiqdi bayrog'ing, elim
Mustaqillik g'ururin tuyding, elim.

Shukrona aytaman ollohga ming bor,

Elim, birlasha olding har qanday zamon.
Bugungi kunlardan ham o'tarmiz omon.
Mustaqillik g'ururin tuyding, elim!

Toshkent shahar

Bektemir tumani
Ziyoviddinova Muslimaxonning
yozgan she'ri