Mutaxassislarini qayta tayyorlash va malakasini oshirish instituti pedagogika va psixologiyasi

3.Javobgarlik tamoyili 
Psixolog mijozi, kasbdoshlari, jamiyat oldidagi o’z kasbiy majburiyatlarini 
unutmasligi lozim. Psixolog zarar keltirmaslikka harakat qilishi, o’z faoliyatiga 
javobgar bo’lishi, shuningdek, o’z harakatlari xavfsizligini kafolatlashi zarur. 
Javobgarlik tamoyiliga quyidagilar kiradi: 
a)asosiy javobgarlik 
–psixolog mijoz bilan o’zaro ta’sir kuchi va javobgarlikning o’ziga xos 
xususiyatlarini anglashi zarur. Agarda tadqiqot olib borilayotgan yoki mijoz 
medikamentlarga tobe yoki harakatlari cheklangan bo’lsa, bunday hollarda katta 
mas’uliyat yuklanadi. 
-agarda psixolog o’z faoliyati mijozning ahvoli yaxshilanishiga olib kelmasa 
yoki mijoz uchun xavf tug’dirishini xulosa qilsa, faoliyatini to’xtatishi shart. 
b)Zarar keltirmaslik 
-psixologning tadqiqot metodi yoki aralashuvi mijozning sog’lig’i va ahvoliga 
zarar keltirmasa, qo’llashi mumkin.
s)Axloqiy xulosa 
–psixolog axloqiy muammolar qo’zg’alishi ehtimolini anglashi zarur va 
muammoni hal qilishda shaxsan javobgardir;
– psixolog bu savollar bo’yicha o’z hamkasblari va boshqa muhim shaxslar 
bilan maslahatlashadi. 

---

44 
4.Halollik tamoyili 
-psixolog o’z faoliyatida halol, haqqoniy bo’lishi va o’z hamkasblarini hurmat 
qilishi zarur. Psixolog o’z kasbiy vazifalarini aniq bajarishi lozim. 
Halollik tamoyiliga quyidagilar kiradi: 
4.1. Shaxsiy va kasbiy imkoniyatlarning chegarasini anglash 
Psixolog o’zi va o’z kasbiy imkoniyatlari chegarasini anglashi shart. Bu turli 
soha mutaxassislari o’rtasida muloqot olib borishga sharoit yaratadi.
4.2.To’g’rilik va oshkoralik 
– psixolog taqdim etgan ma’lumotlariga javobgar va tadqiqot hamda amaliy 
ishda yanglishmasligi lozim; 
– psixolog tadqiqot natijalarini psixologiya fanida qabul qilingan atama va 
tushunchalar, tadqiqotning ilk taqdim etilgan materiallarini o’z mulohazalari bilan 
tasdiqlashi, ularning matematik-statistik jihatdan qayta ishlanishi va malakali 
hamkasblarining ijobiy xulosalari bilan tuzadi. Har qanday psixologik vazifalarni 
echish uchun tadqiqot olib boriladi hamda doimo qo’yilgan vazifalar bo’yicha 
adabiyotlarda keltirilgan taxminiy ma’lumotlar tahliliga tayaniladi. 
–mabodo yanglish ma’lumotlar qo’zg’alsa, psixolog bu haqda qatnashchilarni 
xabardor qilishi va yangidan ishonch me’yorini belgilashi lozim.