Namangan davlat universiteti Maktabgacha va boshlang`ich ta`lim fakulteti

II. O`tilgan mavzuni mustahkamlash: O`quvchilar bilan o`tgan darsdagi “ Oyijonlar, onalar” (Kavsar Turdiyeva) she`rini mustahkamlash . “ Kapalak “ usulida she`rni so`raladi, ya`ni, istagan joyda to`xtatilib, ixtiyoriy o`quvchidan davom ettiriladi.

Oyijonlar, onalar

Kavsar Turdiyev
O`qituvchi: Ayting, qachon nurga to`lar
Xonadon-u, xonalar?
O`quvchi: Ostonadan qadam qo`ysa ,
Unga aziz onalar!
Safargami, shahargami,
Olislasak bir qadam,
Bizni darrov eslagan kim,
Izlagan qaysi odam?
Naqarot:
Hamma : Bu ayadir, bu oyidir, bu buvidir, onadir,
Bolalasi deb, lolasi deb onajonlar yonadir.
O`qituvchi: Bolajonlar istaganda,
Kim quyoshga aylanar ?
O`quvchi: Yuragida ko`rinmas ip
Bolasiga boylanar,
Bolasi deb, lolasi deb,
Kim dunyoni kezadi ?
Qoqilganin, yiqilganin
Ko`rmasa ham sezadi.
Naqarot:
Hamma : Bu ayadir, bu oyidir, bu buvidir, onadir,
Bolalasi deb, lolasi deb onajonlar yonadir.
O`qituvchi: Qani, ayting, kim bizlarga ,
Suyuklardan suyukdir?
O`quvchi: Xonlardan ham, beklardan ham,
Shohlardan ham buyukdir.
Ulug`vordir, beg`ubordir,
U erishgan martaba.
Takrorlaylik, takrorlaylik
Nomin ko`plab martaba .
Naqarot:
Hamma : Bu ayadir, bu oyidir, bu buvidir, onadir,
Bolalasi deb, lolasi deb onajonlar yonadir.

O`qituvchi : Onalar haqida qanday maqollar bilasiz ?

O`quvchilar: 1. Jannat onalar oyog`i ostidadir…
2. Onaning ko`ngli bolada,
Bolaning ko`ngli dalada.
3. Bola loy bo`lsa, ona kulol.
O`qituvchi tomonidan fikrlar xulosalanadi.
III. Yangi mavzu bayoni
Darsligimizning 145-147-sahifalarini ochamiz.Kitobni toza va ozoda saqlashimiz kerak, chunki “Kitob bilim bulog`i , O`quvchining o`rtog`i”.
O`quvchilar bilan tabiat haqida suhbat o`tkaziladi.

• 
  Bolalar tabiat deganda nimani tushunasiz?
  
• 
  ____________________________________
  
• 
  ____________________________________
  
• 
  ____________________________________
  

O`quvchilar javoblari to`ldirilib, bugungi mavzu “ Tabiat bilan suhbat” rivoyati ekanligini aytiladi. Mavzu bilan tanishishdan oldin o`quvchilarga rivoyat haqida ma`lumot berib o`tiladi.

Rivoyat – arabcha so`z bo`lib “ hikoya qilmoq” , voqea va hodislarni ba`zan uydurma, ba`zan hayotiy voqealarni og`zaki hikoya qilinadi. U og`izdan-og`izga o`tish jarayonida bizgacha yetib kelgan.
Bugungi mavzu ham rivoyat janridagi asardir. O`qituvchi “Tabiat bilan suhbat” rivoyatini ifodali o`qib beradi va o`quvchilarga ham kuzatib ketishlari hamda kuzatish jaroyinida ma`nosi qiyin so`zlar so`lzarni belgilab borishlari aytiladi.