Nazariy qism: Makro tahlil deb

1- AMALIY MAShG‘ULOT
MAKRO VA MIKROTAHLIL UChUN ShLIF TAYYORLASh.
Ishni bajarishdan maqsad:
Makro - va mikro namunalar tayyorlashni o‘rganish.
Nazariy qism:
Makro - tahlil deb metall va qotishmalar tuzilishini oddiy ko‘z bilan yoki lupa yordamida 30 martagacha kattalashtirib o‘rganishga aytiladi.
Mikro - tahlil deb metall va qotishmalar strukturalarini (ichki tuzilishlarini) maxsus tayyorlangan namunalar yordamida o‘rganishga aytiladi. Makro - va mikro - tahlil yordamida tekshiriladigan metallar strukturasi makro - va mikrostruktura deyiladi.
Makronamuna tayyorlash texnologiyasi. Makronamuna tayyorlash texnologiyasi quyidagicha: temir qirqish arrasi yoki stanok yordamida tekshirilayotgan namuna ikkiga bo‘linadi. Agar makronamuna detaining ko‘ndalang kesim yuzasidan tayyorlanayotgan bo‘lsa, unda u templet debataladi.Namuna stanokda, egov yoki abraziv charx yordamida tozalanadi, keyin u metallografik jilvirlash qog‘ozlarida silliqlanadi, bunda metallografik jilvirlash qog‘ozlarini katta nomerlaridan asta-sekin kichik nomerlariga o‘tiladi. Bir nomer qog‘ozdan boshqasiga o‘tilganda namuna 90° ga buriladi. Namuna yuzasidan chiziqlar yo‘qotilmaguncha bir yo‘nalishda silliqlanadi. Makrostruktura ko‘rinishi uchun namunalarga turli reaktivlar ta’sir ettiriladi. Turli reaktiv eritmalar ta’sirida makronamunalar yuzasidan ichki tuzilishining ko‘rinishi hosil bo‘ladi (dendrit kristallar va tolasimon tuzilishlari).
Mikronamunalar tayyorlash texnologiyasi. Mikronamuna stanok yoki metall qirqish arrasida kesib olinadi. Namunani tayyorlashda quyidagi o‘lchamlar tavsiya etiladi: agar namuna silindrik bo‘lsa, JL2—mm yoki 12x12. Agar namuna prizma ko‘rinishida bo‘lsa, uning o‘lchamlari 12x15 mm balandlikda. Kesib olingan namuna abraziv charxda tozalanadi.