Не сабаб нотинчсан ороминг қани, Юрагим ёндириб қўрқитма мани

ЖОНИМ

Не сабаб нотинчсан ороминг қани,

Юрагим ёндириб қўрқитма мани.
Бахтимга учратдим азизам сани,
Мен учун дунёда қувнаб юр жоним.

Гўзалим чехрангдан ёғмасин қорлар,

Қуёш хам самода сен учун порлар.
Ёлғизман бу қалбим ўзингни чорлар,
Мен учун доимо кулиб юр жоним.

Қалбингда дардингни олайин ўзим,

Ўлгунча ёнингда қолайин ўзим.
Вафодор инсонинг бўлайин ўзим,
Жонимнинг дармони бўлиб юр жоним.

Аразда боқмайсан мен томон киё,

Кулганда юзингдан таралар зиё.
Бир тола сочингга арзимас дунё,
Ўзингни эхтиёт қилиб юр жоним.

©Камолиддин Толипов 11.01.2022. 09:40