Низомий номидаги тошкент давлат педагогика

Дидактик ўйин методи. Кейинги йилларда илғор ўқитувчилар 
тажрибасида дидактик ўйинлардан таълим методлари сифатида 
фойдаланиш одат тусини олиб бормоқда. Дидактик ўйинларнинг 
самарадорлиги шундаки, улар воситасида ўқув-тарбия ишлари ҳаётга 
яқинлаштирилади, шунингдек, уларнинг ҳар бирида билимларни оғзаки 
баён этиш, кўргазмали, амалий методларнинг элементлари қўлланилади. 
Шу хусусиятларига кўра дидактик ўйинлар синтетик характерга эга. 
Уларнинг қуйидагича турлари мавжуд: 
Симулятив ўйин-таълимни ҳаётда бўлиб ўтган ижтимоий воқеаларга 
тенглаштириш, уларни қиёсий тарзда ташкил этиш ва бошқариш 
методидир.
Симулятив ўйинларнинг бир кўриниши инсенировка (ролларга 
ажратиб ўқиш) методидир.
Ситуатив ўйинлар ҳам аста-секин мактаб тажрибасида ўз ўрнини олиб 
бормоқда.
Амалий методлар. Таълимнинг амалий методларида ўқитувчи ва 
ўқувчининг ўзаро таъсири ўқучилар олдига қўйиладиган топшириқлар 
ҳамда уларни қабул қилиш шаклида амал қилади.
Амалий методларнинг энг қадимий тури машқдир. Машқ-ўрганилган 
билимларни турли ўқув шароитларига татбиқ этиш йўлидир. Машқ 
воситасида турли малакалар-интеллектуал ва ақлий, хусусий (масалан, 
математика бўйича) ва умумий (масалан, барча ўқув фанларига оид)
малакалар таркиб топтирилади. 
Ўқитиш методлари. Ўқитиш методи (грекча методос – бирор нарсага 
йўл сўзидан) – бу таълим ва тарбия воситаси сифатидаги ўқитиш 
мақсадларига эришишга йўналтирилган ўқитувчи ва ўқувчининг бир-бири 
билан боғланган фаолиятининг тартибланган методларидир. 
Ўқитишнинг қизиқтирувчи методлари. Ўқувчиларни замонавий «Информатика 
ва ахборот технологиялари» фанининг баъзи бир умумий ғоялари билан таништириш, 
амалиётдаги татбиқини ва компьютерларнинг замонавий ҳаётдаги аҳамиятини очиб 
беришдан иборат. Лекин, дидактик тамойилларни ҳисобга олган ҳолда, ўқувчиларга 
нафақат фактларнинг қатъий илмий баёнини бериш, балки ўқитишнинг турли 
қизиқарли методларини ҳам қўллаш лозим.