Nuranov Ilxam Baxadır ulı

III. Izertlew metodları
Bul maqala Ózbekstan awıl xojalıǵında finanslıq-texnologiyalıq, resurslardı hám islep shıǵarıwdı basqarıw, sol tiykarda awıl xojalıǵınıń barlıq infrastrukturasınıń óz-ara integraciyası menen turaqlı agrobiznes ortalıǵın jaratıw jolların kórip shıǵıwǵa arnalǵan. Anıq maqsetler: Ózbekstanda agrobiznestıń kúshli hám hálsiz táreplerin anıqlaw, onıń múmkinshiliklerin hám oǵan qáwip salıwshi faktorlardı kórip shıǵıwdan ibarat. Izertlew dawamında analizdiń SWOT texnikasınan paydalanildi. SWOT - bul analitikalıq metod bolıp, abzallıǵı sonda, izertlew obyektiniń kúshli tárepleri (Strengths), jetiliskenlik tarawların, tiyisli dereklerge hám ámeldegi institutlarǵa baylanıslı anıqlaydı. Hálsizliklerge (Weaknesses) jaqsılanıwı kerek bolǵan, jaman islep atırǵan tarawları kiredi. Múmkinshilikler (Opportunities) ámeldegi faktorlar, unamlı tendenciyalar hám salıstırmalı artıqmashılıqlar. Qáwipler (Threats) bolsa tabısqa tosqınlıq etetuǵın tosıqlar hám odan jıraqlasıw kerek bolǵan tárepler esaplanadı.
IV. Erisilgen nátiyjeler hám talqılawlar
Ózbekstanda agrobiznes jaǵdayın úyreniw dawamında bir qatar analitikalıq maǵlıwmatlarǵa iye boldıq. Agrobiznes infrastruktura obyektleriniń geografiyalıq jaylasıwınan baslap onıń qatnasıwshılarınıń bilim potencialına shekemgi bolǵan maǵlıwmatlardı kórip shıǵıwǵa háreket ettik. Proceslerge hám izertlew obyektlerine dinamikalıq jantasqan halda tómendegi 1-kestedegi kórsetilgen nátiyjelerge iye boldıq.

1-keste. Ózbekstanda agrobiznestiń SWOT-analizi

Kushli tárepleri	Kúshsiz tárepleri
1. Úlken tábiiy resurslar 2. Úlken demografiyalıq kórsetkish 3. Eksport etiw qábiliyeti 4. Kúshli dástúriy bilim 5. Jańa jumıs orınların jaratadı 6. Úlken ishki talap	1. Infrastruktura obyektleriniń tozıwı 2. Geografiyalıq izolyaciya shárayatı 3. Professional basqarıwdıń jetispewshiligi 4. Zamanagóy texnologiyalardan paydalanıw múmkinshiligi sheklengen 5. Klimat shárayatına baylanıslılıq