Карьер гидравлик экскаваторлари ЭГ-12АУ ва ЭГ-20У чўмичлари сиғими 12 ва 20 м3. Ишчи ускуналарининг барчаси алоҳида гидравлик юритмаларга эга.
Гидравлик экскаватор (7.3-расм) ларда стрела 1, рукоят 2 ва чўмич 3 бир-бирлари билан шарнирли боғланган. Стрела экскаватор корпуси билан ҳам шарнирли боғланган. Экскаваторнинг ишчи ускуналари бир-бирлари билан мос равишда 4,6 ва 5 гидроцилиндрлари билан таъминланган.
ЭГ-12АУ экскаватори гидроцилиндрларига босим остидаги мойни етказиб бериш учун ҳар бирининг зўриқмаси 900 л/мин бўлган иккита насос қурилмаси ва 660 кВт ли электр юритма билан таъминланган. Гидротизимдаги умумий босим 30 МПа ни ташкил этади.
7.3-расм. ЭГ-12АУ гидравлик экскаватори
Экскаватор-драглайн (7.3-расм) лар чўмичи 4 кўтарувчи 1 ва тортувчи 5 канатларга осилади. Драглайн стреласи таянч 6 ва йўналтирувчи блок 3 га эга. Экскаваторнинг бурилиш механизми тўғри лопатали экскаваторларники каби тузилишга эга.
Драглайнлар гусеницали ёки қадамловчи механизмга эга бўлган юриш органи билан ишлаб чиқарилади. Экскаватор иш вақтида таянч рама-базаси 7 да ўтиради.
7.3-расм. Экскаватор-драглайн (а) ва унинг чўмичи (б).
Aim.uz
Do'stlaringiz bilan baham: |
