Омон шариф сардобада бир қиз бор шеърлар “бухоро” нашриёди

ЎРНИНГ БИЛИНДИ ОТАМ


Деразадан тушган нурда,ўғлим ,менинг кўзим бор,
Элга қилган савобингда балки ёруғ юзим бор,
Гар ғафлатдан йироқ эрсанг,вужудингда ўзим бор,
Болам,отам ўлган дема,мен ўзингда яшайман,
Ким ортингдан дуо қилса мен изингда яшайман.
Маҳмуд ТОҲИР

Ҳар неки саховат бор қилгин тириклигида

Керакмас ўзинг уриб кўпчилик борлигида
Ўтиб кетди қанчалар муруват ёрлигида
Изингга гард қўнмасдан ўрнинг билинди отам

Қучар эдинг болам деб меҳирга зор тўймасдинг

Кечардинг ҳаётингдан ер жаҳонга қоймасдинг
Очардим сахифалар байтларимдан қонмасдинг
Ёстиқинг совумасдан ўрнинг билинди отам

Жаранглар дуоларинг дастурхон атрофида

Нуроний дил сўзларинг ойнабанд тарафида
Меҳир билан қурдинг уй шон-шуҳрат шарафида
Тўшагинг йиғилмасдан ўрнинг билинди отам

Кўксинг тўла нишонинг суратинг турар осиқ

Бир чеккада белбоғинг чопон шимларинг босиқ
Ўтган фаришталаринг меҳрингга бўлиб ошиқ
Жаннатдан жой олмасдан тўринг билинди отам
2017 й


ЁШЛИК ЎТМОҚДА


Йўлинг очиқ бўлар,бўлсанг сен очиқ қўл
Омин энди,палахмоним,сенга оқ йўл
Бир тилагим:қайда бўлсанг,саломат бўл
Ва уйдаги эркалигинг унут,болам Йўлдош ЭШБЕК

Чиройинг борида уйнаб кулиб қол

Эрта нозларингни кимга сочасан
Ёшлик тарк этмасдан ўзинг қўлга ол
Сарғайган дафтаринг қандай очасан

Ёноқлар безатган чаноқлар беҳол

Анор юзларингни кимга тутасан
Ҳорғинлик дамлари келганда бирҳол
Керилган қошларни қандай очасан

Ҳусин абадиймас ўтар сездирмай

Кўзойнак дастидан қандай қучасан
Фароғат ўтади кўнгил ёздирмай
Карвон жўнаса дардинг кимга сочасан

Гўзаллик шаробин тамидан нолиб

Куз япроғидан тўн қандай бичасан
Нигоҳлар тўқнашиб аланга олиб
Қўнғироқ сочларни кимга тутасан

Ҳаёт сўқмоғидан йўллар саралаб

Пешонанг арқоғин қандай очасан
Мухаббат боғидан гуллар саралаб
Бир бағри бутунга қадай тутасан

Киприклар бир бирин кўнглин овутиб

Дилларинг дардини кимга сочасан
Ёлик дамларини кайфин совутиб
Омонни дардини қандай сочасан
2017 й