Она инсонларнинг яхшилик қилишга энг лойиқроғидир

1. 
   Она инсонларнинг яхшилик қилишга энг лойиқроғидир.
   
2. 
   Фарзандлар онанинг ҳаёт босқичларида турли ёшларда турлича бўлишини тушуниб боришлари зарур. Турли ёшларида ўшанга муносиб муомалада бўлишлари керак.
   
3. 
   Сафарга чиқмасдан олдин хайрлашадиган энг охирги инсонингиз, энг охирги кўзингиз кўрадиган ва яхши кўришингизни айтишингиз керак бўлган инсон онангиз бўлсин.
   
4. 
   Фарзандларнинг мувофақиятлари ота-оналарники ҳамдир.
   
5. 
   Қолаверса, умрларининг кўп қисмини сиз учун сарфлаганларини унутманг. Ўзингизнинг машғулотларингиз, барча ишларингиз, жами дўстларингиз, ҳатто фарзандларингиз ва аёлингиздан ҳам кўпроқ уларга аҳамият ва вақт ажратинг.
   
6. 
   Фарзандларингизни онангизга яхши муомалада бўлишга ва бу ишда мусобақалашишларига замин яратинг. Уларни бунда рағбатлантириш учун ютганларини мақтанг, розиликларини топганларини мукофотланг.