Ona tili va bolalar adabiyoti

409-mashq. Gaplarni o‘qing. Ajratilgan izoh aniqlovchilarni topib, turini 
aniqlang. 
1. Buni bilish qiyin bo‘lsa ham, uning, Otabekning, hozirgi ba’zi 
harakatlari diq-qatni jalb etarli edi. (A. Qodiriy) 2. Nasiba opa issiq, 
hozirgina tandirdan uzilgan nonlarni savatga solib, ayvonga keltirdi.
3. Qobil bobo, yalang bosh, yalang oyoq, yaktakchan, og‘il eshigi 

---

195 
yonida turib dag‘-dag‘ titraydi. (A. Qahhor) 4. Abdulla Qodiriy – buyuk 
yozuvchimiz, Turkistonning tanazzulga uchrash sabablarini chuqur 
ochib berdi. 5. Bu qizlarning, Malohat va Yulduzning orzusi – oliy 
o‘quv yurtiga kirib o‘qish. 6. Biz, yoshlar, xalqqa xizmat qilamiz.
7. Nyu Yorkda baland, osmono‘par binolar ko‘p.
8. Zavodlarda yigitlar, ilg‘or, 
Po‘lat quyib, hayot quradi. 
Fabrikada qizlar, ijodkor, 
Ozod mehnat zavqin suradi. (Oybek) 
410-mashq. Quyidagi so‘z birikmalari ajratilgan izoh aniqlovchi bo‘lib kelgan 
gaplar tuzib yozing. 
Iste’dodli rassom, taniqli bolalar shoiri, mashhur olim, mashhur 
bastakor, buyuk shifokor, taniqli xonanda. 
 
411-mashq. Gaplarni o‘qing. Ajratilgan izoh hollarni aniqlang. 
1. Uzoqda, tog‘ yonbag‘irlarida, behisob qorako‘l qo‘ylari o‘tlaydi. 
(Mirmuhsin) 2. Har yili kuzda, xazonrezgi vaqtida, daraxtzorni aylanib 
yuraman. (O‘. Umarbekov) 3. Bektemirga notanish qandaydir qushlar 
gala-gala bo‘lib, allaqaylarga, go‘zal, issiq diyorlarga safar qiladilar. 
(Oybek) 4. Shu daqiqadan boshlab, Suyarqulning quloqlari tom bitdi. 
Tanaffus boshlanishini ham hammadan keyin – sinfda g‘ovur-g‘uvur 
boshlanganda bildi. (A. Ko‘chimov) 5. Bir kuni kechqurun, yotar mahal-
da ayamni chetga tortib shivirladim. (S. Siyoyev) 6. Ko‘prikning naryo-
g‘ida, ishkomga poyasi kesib olingan keksa tol yonida, Dildor bilan 
A’zamjon turardi. (S. Ahmad)
 
Ajratilgan izoh hol ishtirok etgan ikkita gap tuzib yozing.