Operatsion tizimlarda axborot xavfsizligi tushunchasi

Operatsion tizimlarda axborot xavfsizligi tushunchasi.

Xavfsizlikni ta'minlash muammosi kompleks xarakterga ega bo‘lib, uni yechish uchun huquq, tashkiliy va dasturiy texnik choralarni birgalikda amalga oshirish kerak.

Shunday qilib, axborot xavfsizligini ta'minlash tizimli yondashishni talab qiladi va buning uchun turli axloqiy, qonuniy, ma'muriy va texnik vosita va usullardan foydalanish zarur. Bizni texnik vosita va usullar qiziqtiradi. Texnik vositalar dasturiy va apparat ta'minoti yordamida amalga oshiriladi va himoyani turli masalalarini yechadi, va ular OT ning tarkibiga kiritilishi yoki alohida mahsulot sifatida amalga oshirilishi mumkin. Bunda OT ni himoyalanganligiga ko‘proq e'tibor beriladi.
Qo‘shimcha himoya vositalarini amalga oshirish uchun talay sabablar mavjud. Eng muhimi, maxfiy ma'lumotlarga tashqi tomondan murojaat Urinishlariga yo‘l qo‘ymaslikdir. Shu bilan birga, har bir dasturiy komponent, tizimli resurslardan faqat, shu resurslardan foydalanishning qat'iy belgilangan qoidalariga rioya qilgan holda foydalanishini kafolatlash ham kam ahamiyatga ega emas. Bunday talablar ishonchli tizim uchun zarurdir. Bundan tashqari ximoya mexanizmlari mavjudligi, tizim ishonchliligini, tizim komponentalari o‘rtasidagi interfeysning o‘rtasidagi yashirin xatolarini topish hisobiga, oshirishi mumkin. Xatolarni oldinroq topish, tizim boshqa qismlarini zaralanishidan saqlaydi.
Resurslarga bo‘lgan munosabat, vaqt o‘tishi va ilovaga qarab o‘zgarishi mumkin.
OT, amaliy dasturlarni, himoyalangan resurslarni yaratish va quvvatlash uchun instrumentlar bilan ta'minlashi zarur. Bu yerda tizim moslanuvchanligi uchun muhim bo‘lgan prinsip-resurslarga munosabatni mexanizmlardan ajratish. Mexanizmlar u yoki bu holat qanday bajariladi, munosabat esa qaysi holat bajarilishini belgilaydi. Munosabat joy va vaqtga qarab o‘zgarishi mumkin. Iloji boricha umumiy mexanizmlar amalga oshirilgani maqsadga muvofiqdir, chunki munosabatni o‘zgarishi, tizimli parametr va jadvallarnigina o‘zgarishini talab qiladi.
Baxtga qarshi, ximoyalangan tizim foydalanuvchini ko‘pgina imkoniyatlardan voz kechishiga majbur qiladi.