Оталар сўзи ўҒри эпизод №1. ҚАмоқхона олди. Кун

ЭПИЗОД №8. МАКТАБ ДАРВОЗАСИ ОЛДИ. КУН.
Қудрат ака машинасига суяниб турибди. Олдида ўғли Азамат ҳам бор. Дарвоза олдидаги йўлакдан қора папкани қўлтиғига тиққанича Азаматни устози Шуҳрат келади. Қудрат ака уни кўриши билан битта сигарет тутатиб тўйиб ичига тортади. Кейин Шуҳратга гапиради.
ҚУДРАТ АКА: (пичинг билан) Ээ, устоз бормисиз? Сизни икки дақиқага мумкинми?
ШУҲРАТ: Ассалому-алайкум...Қудрат ака яхшимисиз...Нима гап тинчликми?
ҚУДРАТ АКА: Тинчликмасда шу...Ўғлим Азаматни масаласида келувдим...Ўша куни онасига ҳам гапирган экансиз?!
Шуҳрат бир томоқ қириб қўйиб гапиради.
ШУҲРАТ: Ҳа, кенайимга айтувдим... Яхши ўзингиз келибсиз. Энди бафуржа гаплашиб олсак бўлади.
Қудрат акани асаби ўйнаб сигаретидан яна тўйиб тортади. Тутунини Шуҳрат томонга бурқситиб уфлаб кейин қошлари кўтарилиб гапиради.
ҚУДРАТ АКА: Сиз билан нимани гаплашишим керак? А? Мен сиз билан гаплашганимас, огоҳлантиргани келдим. Ўғлимни давомати билан ишингиз бўлмай қўяқолсин! У мени ўғлим. Уни хоҳлаганимдек тарбия қиламан. ШУҲРАТ: Қудрат ака, мен фарзандингизни келажагини ўйлаб гапирдим!
ҚУДРАТ АКА: Ўғлимни келажагини зўр қилиб таъминлаб қўйганман. Йиққан пулларим ўғлимни ўғлигаям бемалол етади. Уни келажагидан ҳавотирланмай қўяверинг.
Қудрат ака Шуҳратни устидан кулиб гапираркан, Азамат ишшайиб мағрур туради. Устозини менсимаганлиги шундоққина билинади.
ШУҲРАТ: (ўзини зўрға босиб) Қудрат ака, болани олдида бундай гапларни гапириш яхшимас...
Қудрат ака Шуҳратни гапини шарт бўлиб зарда билан гапиради.
ҚУДРАТ АКА: Нима яхшилигини ўзим биламан! Керак бўлса пулини тўлаб, ўқитувчиларни уйга чақиртираман! Насиҳатни бориб ўзизни болларизга қиласиз! Бундан кейин ўғлимни кўпчиликни олдида изза қилсангиз мендан яхшилик кутманг!
Қудрат ака шу гапларни гапириб машинасига ўтиради. Шуҳрат эса энди асаби бузилса ҳам босиқлик билан гапиради.
ШУҲРАТ: Нима эксанг шуни ўрасан дейишган. Шу гапларингиз учун хали кўп афсус қиласиз!!!
Қудрат ака машинасига ўтириб газ беради. Шуҳрат аламини ичига базўр ютиб мактаб ичига қараб юради. Азамат эса катта бир ишни қойиллатгандек бўйнини мағрур чўзиб четга тупуради.