O’tkir hoshimov asarlarida til birliklarining poetik aktuallashuvi

O’TKIR HOSHIMOV ASARLARIDA TIL BIRLIKLARINING POETIK AKTUALLASHUVI
MUNDARIJA
KIRISH
I BOB. O'tkir Hoshimov hayoti va ijodidagi o’ziga xoslik

1. 
   O'tkir Hoshimov hayoti va ijodi
   
2. 
   O'tkir Hoshimov ijodidagi o’ziga xoslik
   

II.bob. O’tkir Hoshimov asarlarida til birliklarining poetik aktuallashuvi haqida va yuzaga keladigan muommolar
2.1.Badiiy matnda poetik aktuallashuvning o’rni
2.2. O’tkir Hoshimov asarlarida til birliklarining poetik aktuallashuvida yuzaga keladigan muommolar
XULOSA
FOYDALANILGAN ADABIYOTLAR RO‘YXATI

KIRISH
Kurs ishining dolzarbligi. Inson ma'naviy olamini kashf etuvchi qudratli vositalardan biri bu – so‘z san'ati, badiiy adabiyotdir. Bugun milliy adabiyotimiz mavzular ko‘lami jihatidan ham, janrlar nuqtai nazaridan ham rang-baranglashib bormoqda. Ijtimoiy tafakkur eskicha qarash va yondashuvlardan xalos bo‘lib borayotgan bir davrda ilmfanning barcha sohalari qatori adabiyotshunoslikning ham muhim nazariy masalalarini har tomonlama teran tadqiq yetish borasida keng imkoniyatlar ochilmoqda.
Adabiyotshunoslik va uning tadrijida ijodkor badiiy mahorati masalasi bugungi kunda muhim ahamiyat kasb etmoqda. Chunki busiz milliy badiiy-estetik tafakkurni boyitib, yangilab, rivojlantirib bo‘lmaydi. Bunda, ayniqsa, hayotni badiiy yorqin tasvirlash, betakror obrazlar yaratish, milliy adabiyotimiz xazinasini yangi poetik kashfiyotlar bilan boyitishga muvaffaq bo‘lgan yozuvchilar ijodini tadqiq etish beqiyos o‘rin tutadi. Shu ma'noda XX asr o‘zbek nasrining ko‘zga ko‘ringan ijodkorlaridan bo‘lgan O‘tkir Hoshimov asarlarini o‘rganish, yozuvchining o‘ziga xos uslubi va badiiy mahoratini tadqiq etish muhimdir. Zero, O‘tkir Hoshimov so’zni san’at darajasiga olib chiqqan, uning har bir qa’tidan yangilik, badiiy yuksaklik axtargan va ana shu yuksaklikni ijod o’zagi deb bilgan yozuvchidir. Asar qahramonlari hayotning murakkabliklariga sabr bilan turib bergan, turli-tuman, fojiyalarga ega bo’lgan insonlardir.Biz ushbu kurs ishiimizda O‘tkir Hoshimovning “Tushda kechgaan umrlar” romanini badiiyatini kengroq batafsilroq yoritib bermoqchimiz.
Kurs ishining o‘rganilish darajasi. Adabiyotshunoslik ilmida doimo muhim sanalgan badiiy mahorat, syujet, uslub masalalari borasida ko‘plab kurs ishi ishlari amalga oshirilgani ma’lum. Kurs - ishimizning o‘rganish ob’ekti bo‘lgan O‘tkir Hoshimovning “Tushda kechgan umrlar” romaniga ko‘plab adabiyotshunos olimlar ham nazariy fikrlar bildirishgan. Adabiyotshunoslik tarixida O‘tkir Hoshimovning “Tushda kechgan umrlar” romani davr ilmiy aspekti kesimida munaqqidlar U.Normatov, D.Quronov, A.Samad, M.Sharofiddinova, Sh.Ismatova, S.Ahmad, M.Imomqulova, D.To‘rayev, Q.Norqobilov, nazariy qarashlarida muayyan darajada umumlashtirilgan.. O‘tkir Hoshimov ijodining ko‘p qirralari tadqiq etilgan bo‘lsa-da, yozuvchining badiiy mahorati, zamonaviy o‘zbek nasri taraqqiyotida tutgan o‘rni, badiiy jihatdan o‘ziga xosligi “Tushda kechgan umrlar” romani misolida alohida o‘rganilmoqda. Yozuvchining badiiy mahoratini baholash asnosida romandagi ijtimoiy hayotni badiiy aksi, qahramonlar ruhiyati, romandagi syujet,obraz va uslub xususiyatlari kabi jihatlarni tadqiq etish ishning yangiligini belgilaydi.