O’zbekistan respublikasi

Uqipliliq - bul adamniń usi xizmettiń talaplarina juwap beretuǵin hám oni tabisli túrde orinlap shiǵiwiniń shárti bolatuǵin jeke-psixologiyaliq o`zgeshelikleri boladi.
Tábiyi, tuwma faktorlar uqiplardi rawajlandiriwda qanday da bir rol` atqaradi ma. Ayirim ilimpazlar adam uqiplariniń tuwma, tuqim quwip kelip shiǵiwin moyinlaydi. Olar uqiplardiń túri de, olardiń tuwilǵan kúninen baslap aldin-ala belgilengen boladi, bul tábiyattiń o`zine tán siyliǵi dep esaplaydi. Ilimiy psixologiya bul naduris ko`z-qarasti pútkilley biykarlaydi. Tálim-tárbiya beriw, adamniń turmis hám xizmet shárayatlari oniń uqiplarin aktiv túrde qáliplestiredi. Biraq bul, tábiyi, biologiyaliq faktorlar uqiplardiń qáliplesiw protsessinde Ulıwma hesh qanday rol` atqarmaydi, degendi bildirmeydi. Uqiplardi rawajlandiriwdiń bunday aldin-ala tábiyi shártlerin zeyin dep ataydi.
Zeyin-adamlar arasindaǵi jeke tábiyi ayirmashiliqlardi júzege keltiretuǵin miydiń, nerv sistemasiniń, analizatorlardiń geypara tábiyi anatomiyaliq-fiziologiyaliq o`zgeshelikleri boladi. Qolayli zeyinler hám eń qolayli turmis jáne xizmet sharayatlarinda balaniń uqiplari, máselen, sazendelik, ádebiy ko`rkemlik-súwretlew, matematikaliq uqiplari oǵada erte qáliplesiwi hám oǵada tez rawajlanip ketiwi itimal (al bul nárse geyde uqiplardiń tábiyi bolip ko`riniwine alip keledi) V.A.Motsart dáslepki muzikaliq p`esalarin q-ń jasinda do`rete basladi. Ataqli súwretshi K.P.Bryullov 9 jasar shaǵinda súwretshilik Akademiyasina Oqıwǵa kirdi, A.S.Pushkin 8 jasinan, N.A.Nekrasov 9 jasinan qîñûq jaza basladi.
Uqiplardiń joqari dárejede rawajlaniwin talant dep ataydi. Talant-bul bir jaǵinan, belgili bir xizmetti ayriqsha tabisli, tvorchestvoliq túrde orinlawǵa múmkinshilik beretuǵin uqiplardiń, ekinshi jaǵinan, usi xizmetke beyimliktiń, oǵan degen o`zine tán zárúrliktiń, úshinshi jaǵinan, qatti miynet súygishliktiń hám tabanliliqtiń eń qolayli birigiwi boladi. talant tek ilim hám iskusstvo tarawinda ǵana emes, al insanniń hárqanday xizmetinde júzege keliwi itimal. Sonliqtan emlewshi vrach ta, muǵallim de maman rabochiy da talantli bola aladi.