O’zbekistan respublikasi

Fizikalıq kóz qarasqa kóre, «Men-koncepsiyası» adam denesi hám organizminiń psixofiziologiyalıq hám anatomikalıq ózgesheliklerinde: kóriw, esitiw, awırlıq , jınıs, boy ólshemi hám basqaları da payda boladı. Bularǵa jáne kiyiniw ádebi, unatqan avtomobil markası, úy-jay túri, jasaw territoriyasın kirgiziw zárúr.
Akademik kóz qarasqa kóre, «Men-koncepsiyası» mektepte alınǵan bahalar hám erisilgen jetiskenlikler, oqıwǵa bolǵan qálewler hám tájiriybeler, hám usı sıyaqlılarda sáwlelenedi. Ádette , olar eki dárejege bólinedi: a) matematika, ádebiyat, shet tiller hám basqa pánlar boyınsha erisilgen jetiskenliklerdiń qay dárejede jaqsı hám joqarı ekenliginde payda bolatuǵın akademik jetiskenliklerdińUlıwma jaqtan bahalanıwı; b) shaxsıy jetiskenliklerdiń bir qıylı jámiyetlik topar yamasa bir áwladqa tán bolǵan basqa adamlardıń jetiskenlikleri menen salıstırıw tiykarında qáliplesetuǵın akademik jetiskenliklerdiń jámiyetlik jaqtan bahalanıwı.
Jámiyetlik kóz qarasqa kóre, «Men-koncepsiyası» átiraptaǵı adamlar menen – shańaraq sheńberinde, qońsılar arasında, jumıs ornında óz ara múnásiybetlerdiń
ornatılıwına baylanıslı boladı. [2]
Jámiyetlik «Men» biziń basqa adamlar, jámiyet turmısına kirgen halda bul jámiyetke salıstırǵanda bazıbir májbúriyatlardı orınlawımız, basqasha aytqanda, jámiyetlik roller: oqıwshı , ul-qız, dos, sportshı, ayrıqsha, jigit, qız balanıń rolin oynaǵanımız ushın payda boladı. Biz basqa adamlar menen roller dárejesindegi qarımqatnasta júdá kóp waqtımızdı ótkeremiz.
Transshaxsıy kóz qarasqa kóre, «Men-koncepsiyası» ómir mazmunı mashqalasın sheshiwge juwapker bolǵanlıǵı, insan diniy qarasları yamasa olardıń joq ekenligi menen tikkeley baylanıslılıǵı sebebinen áhmiyetli bolıp esaplanadı.
Hár bir «Men» principler, pikir júritiwler, morallıq qaǵıydalar, maqsetler, motivaciyalardıń anıq sisteması. Balkim, hár bir «Men» óz tiline iye. Bunday tiller qatarına háreketler, belgiler, mazmunlar, ishki sóylew tilleri kiredi (7.2 keste).
Ulıwma alǵanda, adamnıń neshege shekem «Men» i bolıwı múmkin? Keliń, joqarıda keltirilgen bazı bir «Men» lerdi sanap ótemiz.

1.