O’zbekiston davlat jahon tillari universiteti

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
O’ZBEKISTON DAVLAT JAHON TILLARI UNIVERSITETI
FILOLOGIYA FAKULTETI
UMUMIY TILSHUNOSLIK KAFEDRASI

“ILMIY ISH ASOSLARI” FANIDAN

KURS ISHI
MAVZU: O’ZBEK VA KOREYS TILLARIDA GAP BO’LAKLARINING TARTIBI.
Bajaruvchi: Filologiya fakulteti
2-kurs, 235-guruh talabasi Erkinova Mavluda
Ilmiy rahbar: Yuldashev F.


TOSHKENT-2020


REJA:
I. Kirish
II.Asosiy qism
2.1. O’zbek va koreys tillari haqida.
2.2. O’zbek va koreys tillarida gap bo’laklari.
2.3. O’zbek va koreys tillarida gap bo’laklari joylashuvining o’xshash va farqli jihatlari.
III. Xulosa.
IV. Foydalanilgan adabiyotlar ro’yxati.

1
KIRISH

O’zbekiston taraqqiyotining muhim shartlaridan biri xalqning boy intellektual me’rosi va umumbashariy qadriyatlar asosida zamonaviy madaniyat va san’at, fan, texnika va texnologiyalarning yutuqlari asosida kadrlar tayyorlashning mukammal tizimini shakllantirishdan iboratdir. Bu borada chet tillarini o’rganish ustuvor vazifa hisoblanadi. Til – bu u yoki bu xalqni aniq tasvirlab beruvchi, xalqning ijtimoiy rivojlanish xosilasi hisoblanadi. Rivojlangan zamonda bir-biri bilan aloqa qilish uchun insonlar o’zga davlatlarning tilini o’rganishni boshlaganlaridan buyon, hayotga bo’lgan qarashlar ham o’zgara boshlandi. Endi odamlarning oldida yangi o’rganilgan tilning o’z ona tillari bilan o’xshash va farqli tomonlarini topish masalasi paydo bo’ldi. Bunga misol qilib, dunyoda keng tarqalgan va ko’pchilikga qiziq bo’lgan koreys tilini keltirish mumkin. XXI asr texnologiyalar asrida barcha insonlar kerakli bo’lgan narsani tezda topishga, tezda qo’lga kiritishga o’rganib qolganliklari uchun yangi til o’rganishni ham tezda amalga oshishini xohlashmoqda. Buning natijasi o’laroq tillarni bir-biriga solishtirib o’rganish keng avj oldi.