O‘zbekiston respublikasi oliy ta’lim, fan va innovatsiyalar vazirligi oliy ta’lim tizimi pedagog va rahbar kadrlarini qayta tayyorlash va ularning malakasini

KO‘CHMA MASHG‘ULOT MAZMUNI
Mavzu: Quyosh elementlarini tayyorlash texnologiyasi va ularni o‘rganish usullari
Modulning ko‘chma mashg‘ulotlarini Toshkent davlat texnika universiteti Energetika fakulteti Geliopoligonida joylashgan 3 kVt quvvatdagi avtonom fotoelektrik stansiyasi, quyosh-shamol kombinatsiyalashgan qurilmasi, past kuchlanishli elektr tarmog‘i bilan ulangan 10 kVt quvvatdagi fotoelektrik stansiyasining ekspluatatsion xarakteristikalari, asosiy parametrlari, elektr energiya ishlab chiqarish ko‘rsatkichlari, hamda ularning butlovchi qurilmalari texnik ko‘rsatkichlari, ish faoliyatlari bilan tanishadilar. Bir vaqtda Elektr energetikasi fakulteti binosi tom qismiga o‘rnatilgan 20 kVt quvvatdagi rezerv akkumulyasiya tizimiga ega quyosh fotoelektrik stansiyasining ish rejimi, jamlanma jixozlari bilan tanishadilar.
TA’LIMNI TASHKIL ETISH SHAKLLARI
Ta’limni tashkil etish shakllari aniq o‘quv materiali mazmuni ustida ishlayotganda o‘qituvchini tinglovchilar bilan o‘zaro harakatini tartiblashtirishni, yo‘lga qo‘yishni, tizimga keltirishni nazarda tutadi.
Modulni o‘qitish jarayonida quyidagi ta’limning tashkil etish shakllaridan foydalaniladi:

• 
  ma’ruza;
  
• 
  amaliy mashg‘ulot.
  

O‘quv ishini tashkil etish usuliga ko‘ra:

• 
  jamoaviy;
  
• 
  guruhli (kichik guruhlarda, juftlikda);
  
• 
  yakka tartibda.
  

Jamoaviy ishlash – Bunda o‘qituvchi guruhlarning bilish faoliyatiga rahbarlik qilib, o‘quv maqsadiga erishish uchun o‘zi belgilaydigan didaktik va tarbiyaviy vazifalarga erishish uchun xilma-xil metodlardan foydalanadi.
Guruhlarda ishlash – bu o‘quv topshirig‘ini hamkorlikda bajarish uchun tashkil etilgan, o‘quv jarayonida kichik guruxlarda ishlashda (3 tadan – 7 tagacha ishtirokchi) faol rol o‘ynaydigan ishtirokchilarga qaratilgan ta’limni tashkil etish shaklidir. O‘qitish metodiga ko‘ra guruhni kichik guruhlarga, juftliklarga va guruhlarora shaklga bo‘lish mumkin. Bir turdagi guruhli ish o‘quv guruhlari uchun bir turdagi topshiriq bajarishni nazarda tutadi. Tabaqalashgan guruhli ish guruhlarda turli topshiriqlarni bajarishni nazarda tutadi.