O’zbekistоn respublikаsi оliy vа o’rtа mахsus tа’lim vаzirligi

Tuproq otryadi boshlig‘ining vazifasi: 
1. 
Otryadidagi hamma bajarilgan ishlarga rahbarlik qiladi. Bu ishlarning o‘z 
vaqtida sifatli bajarilishigajavob beradi. Xo‘jaliklar hududining otryad a’zolari 
bilan birgalikda tuproq to‘g‘risidagi ma’lumotlarni olish uchun (rekognossirovka) 
aylanib chiqadi. Tuproqshunoslar bajargan ishini tekshirib uni qabul qilib oladi. 
2. Bevosita tuproq izlanishlarida ishtirok etadi. 
3. Otryad tuproqshunoslari bilan birgalikda laboratoriyada bajariladigan tuproq 
analizi ishlarining rejasini tuzadi. 

---

31 
4. Kameral bosqichida xo‘jaliklar tuproq xaritalarini tuzish paytidagi ishlarni 
nazorat qilib turadi va tuproq xaritalariga tushuntirish xatlarini tuzishda ishtirok 
etadi. 
5. O‘zining otryadida bajarilgan ishlarhaqida tuproq partiyasining boshlig‘iga 
yozma ravishda hisobot beradi. 
Otryad tuproqshunosining vazifasi: 
Tuproqshunos bevosita tayyorgarchilik, dala va kameral bosqichidagi har 
qanday ko‘rinishdagi ishlarda ishtirok etadi. 
Bevosita tuproqni dalada o‘rganib xaritaga tushirishda, tuproq namunalarini 
analizga tayyorlashga tuproq namunalarini tartibga soladi. 
Otryad boshlig‘i bilan birgalikda dala va laboratoriya ma’lumotlarini qayta 
ishlaydi hamda otryad boshlig‘i bilan partiya ish rejasini va tuproq analizlarini 
ishlab chiqarishga harajat-hisobotini (vedomost) tuzadi. Tuproqshunos kameral 
bosqichda dala va laboratoriyada to‘rejagan tuproq ma’lumotlarini qaytadan 
o‘rganib chiqib, tuproq xaritasini va kerakli xaritogrammalarni tuzadi va tuproq 
xaritasiga tushuntirish xatini yozadi. 
Otryad agronomining vazifasi. Agronom xo‘jaliklar hududlarini aylanib 
chiqish (rekognossirovka) paytida qatnashadi. Tuproqni agronomik nuqtai 
nazardan baholashda kerak bo‘lgan hamma ma’lumotlarni to‘playdi va tartibga 
soladi. Xo‘jalikning agronomiyaga oid tomonlarini o‘rganib chiqadi. Ekinlarni 
joylashtirishni, hosildorlikni, o‘g‘it solish me’yorlari, sug‘orish me’yorlari, 
madaniy o‘simliklar rivojlanish holati, yerlarning keyingi 3-5 yildagi tarixini, 
xo‘jalikda qo‘llanilayotgan agrotexnika va meliorativ tadbirlarni aniqlaydi. 
Ekinlarni joylashtirish xaritasini tuzadi, qisqacha agrotexnik va meliorativ 
tushuntirish xati yozadi. Tuproqshunos bilan birga tuproqlarning agronomik ishlab 
chiqarish guruhlarini va guruhchalarning xaritogrammalarini tuzib, tuproqlar 
unumdorligini oshirish tadbirlarini ishlab chiqadi va tuproqdan unumli foydalanish 
yo‘llarini belgilaydi.