Mavzuning oʻrganilganlik darajasi. Integratsiyalashgan ta'lim-tarbiya,
fanlararo aloqalarning ayrim jihatlari mashhur pedagoglarning (Y. Komenskiy, D.
Lokk, I. Gerbart, M. Pestalotssi, K. Ushinskiy va boshqalar), didaktiklarning (I.D.
Zverev, M.A. Danilov, V.N. Maksimova, S.P. Baranova va boshqalar) psixolog
olimlarning (E. N. Kabanova, N.F. Talizina, Y. A. Samarina, G.I. Vergeles),
metodist olimlarning (M.R. Lvov, V.G. Goretskiy, N.N. Svetlovskaya. Y.M.
Kolyagin, G. N. Pristupova) ishlarida koʻrib chiqilgan.
Adabiyotlarni oʻrganish mobaynida shu narsa ma'lum boʻldiki, Oʻzbek
tilshunosligida sifatning ma’no guruhlarini integrative tarzda oʻrganish borasida
ilmiy izlanishlar olib borilmagan. Ammo sifat ma’no guruhlari tasnifi masalasida
I.Hamdamova, M.Sodiqova, A.Hoshimov, F.Najmiddinov kabi tilshunos
olimlarimiz oʻzlarining qimmatli fikrlarini aytib oʻtishgan.
Ona tili va adabiyot fanlarini integratsiyalash borasida Niyozmetova R.,
Mavlonova K. larning “Ona tili va dabiyot darslarini oʻzaro integratsiyalash” nomli
maqolalari koʻrib chiqildi.
Oʻquv fanlari va mavzularni integratsiyalashning ilmiy, pedagogik asoslarini
ishlab chiqish natijasida ta'lim samaradorligi oshadi hamda ortiqcha kuch, zoʻriqish
sarflanishlarining oldi olinadi. Shuning uchun biz aynan ta'limga integrativ
yondashuv muammosini tadqiq etishni rejalashtirdik.
BMIning ilmiy-tadqiqot ishlari rejalari bilan bogʻliqligi. Tadqiqot Alisher
Navoiy nomidagi ToshDOʻTAU Oʻzbek tili va adabiyotini oʻqitish fakulteti Oʻzbek
tilini oʻqitish metodikasi kafedrasining “2017–2018-yillarga moʻljallangan BMI
mavzulari banki” istiqbolli rejasi asosida amalga oshirildi.
Tadqiqot obyekti: Sifatning ma’no turlarini oʻrganishda integratsiyalashgan
yondashuv jarayoni.
Tadqiqot predmeti: Sifatning ma’no turlarini oʻrganishda integrativ
yondashuvning mazmuni, vositalari, shakl va metodlari.
Do'stlaringiz bilan baham: |
