O’zbekiston Respublikasi Oliy va o’rta maxsus ta’lim vazirligi denov tadbirkorlik va pedagogika instituti

1. Микрокредит банки Кумкургон бўлимининг таркибий тузилиши ва
ҳисоб-китоб ишлари билан танишиш.

Мамлакатимизда қабул қилинган банкка тааллуқли меъёрий ҳужжатларда банкка қуйидагича таъриф берилган: банк - тижорат ташкилоти бўлиб, банк фаолияти деб ҳисобланадиган куйидаги фаолият турлари мажмуини амалга оширадиган юридик шахсдир. Банклар асосан қуйидаги фаолият турлари билан шуғулланадилар:

* юридик ва жисмоний шахслардан омонатлар қабул қилиш ҳамда қабул қилинган маблағлардан таваккалчилик асосида кредит бериш ёки инвестициялаш учун фойдаланиш;
* иқтисодиёт субъектлари ўртасидаги ҳисоб-китоб жараёнига хизмат кўрсатиш;
* банк фаолиятига доир консалтинг хизмати кўрсатиш;
* ўз маблағларини бошқа соҳаларга инвестиция қилиш ва бошқалар.
Бошқарув усуллари – бу ходимларга ва умуман ишлаб чиқариш жамоаларига таъсир кўрсатиш усуллари бўлиб, бу усуллар қўйилган мақсадларга эришиш жараёнида мазкур ҳодимлар ва жамоаларнинг фаолиятини уйғунлаштиришни назрда тутади.
Иқтисодий манфаатлардан фойдаланишга асосланган иқтисодий усуллар, ҳар қандай жамиятнинг иқтисодий муносабатлари, энг аввало манфаатларда намоён бўлади.
Иқтисодий бошқарув усулларининг асосий вазифаси ишлаб чиқариладиган маҳсулот бирлигига сарфлнадиган харажатни камайтиришга имкон берувчи хўжалик механизмларининг янги усулларини, шунингдек манфаатдорлик муҳитини вужудга келтириш ва улардан самарали фойдаланишдир.
Бошқарувнинг иқтисодий усуллари жумласига:

• 
  Кредит ва фоиз ставкаси
  
• 
  Солиқ ва солиқ юки
  
• 
  Бож тўловлари
  
• 
  Субсидия ва санкция
  
• 
  Лицензия
  
• 
  Трансферт тўловлари
  
• 
  Нарх-наво ва ҳоказолар киради.
  

• 
  Бошқарувнинг социал-руҳий усуллари
  

Социал-руҳий усулларнинг асосий мақсади жамоаларда соғлом ижтимоий муҳитни яратишдир.
Бу усул ижтимоий-маънавий вазиятга таъсир этиш йўли билан кишиларнинг феъл атвори, руҳиятини ҳисобга олиб уларнинг ижтимоий (социал) талабларини қондириш орқали бошқаришни билдиради.
Бошқача қилиб айтганда социал-руҳий усуллар бу ишлаб чиқариш жамоасини улардаги “психологик вазият”ни ҳар бир ходимнинг шахсий хусусиятларини ўрганишга асосланган усуллардир.
Ўз моҳиятига кўра бошқариш усулларининг бу гуруҳи жамоанинг шаклланиш ва юксалиш жараёнига кишиларнинг онгига, маънавий манфаатларига, жамият манфаатларини ҳисобга олган ҳолда таъсир қилувчи воситаларнинг мажмуасидир.
Мен ишлаб чиқариш амалиётини ўтаган Микрокредит банки Кумкургон бўлимида ҳам “бошқарув” самарали йўлга қўйилган. Филиал фаолиятини бевосита бошқариш бошқарувчи томонидан амалга оширилади ва у вилоят филили олдидаги вазифаларни бажарилиши учун шахсан жавобгар.
Банк бошқарувчиси ва бош бухгалтери Ўзбекистон Республикаси Марказий банкининг розилиги асосида банк бошқаруви томонидан тайинланади.