O’zbekiston respublikasi oliy va o’rta maxsus ta’lim vazirligi shahrisabz davlat pedagogika instituti pedagogika va psixologiya yo’nalishi

3.Iqirozli vaziyat bo’limi ko’p profilli kasalxonalarda va suitsidal moyillik aks etgan situatsion reaktsiyalarda statsionar davolash-diagnostik yordam, psixogen va nevrotik depressiya, psixopatik reaktsiyalar va psixopatiya dekompensatsiyasi masalalarini echish uchun mo’ljallangan.


Bunda bo’limning asosiy vazifalari quyidagilar hisoblanadi:
-suitsidal moyillik aks etgan situatsion reaktsiyalarda statsionar davolash-diagnostik yordam, psixogen va nevrotik depressiya, psixopatik reaktsiyalar va psixopatiya dekompensatsiyasi;
-aholiga psixoterapevtik, tibbiy-psixologik va ijtimoiy yordamni tashkil qilish;
-og’ir klinik holatlarda differentsial-diagnostik choralar ko’rish;
-bemorlar uchun psixoterapevtik bo’lim tashkil qilish.
Suitsidal xulq-atvor profilaktikasi tuzilishi
Birinchi, ikkinchi, uchinchi darajali profilaktika qilishni bir-biridan farqlash lozim. Dastlabki bo’g’in jamiyatga yo’naltirilgan bo’lib, suitsidal xavf omillarini profilaktika qilish maqsadini o’z ichiga oladi. Ikkinchi bo’g’in bevosita suitsidentga yordamni o’z ichiga oladi. Uchinchi profilaktika – bu suitsidentning tanqidiy holatdan chiqqandan keyingi reabilitatsiyasi, shuningdek, suitsidentning suitsidal xavf guruhidagi yaqinlari va qarindoshlariga yordam hisoblanadi.
Tibbiy yordam koʻrsatish:
-bolalar shifokorlarining maktab oʻquvchilarini muntazam ravishda normal xulq-atvor, psixofiziologik, nevrogen xarakterdagi nuqsonlarni diagnostika qilish maqsadida dispanser koʻrigidan oʻtkazib turishi;
-oʻsmirlarni jinsiy identifikatsiya muammolarini hal qilish boʻyicha bilim berish.
Psixologik yordam tashkil qilish:
-oʻsmirlarning psixologik oʻziga xosliklarini, hayot va tarbiyasi, oʻqishga munosabati, kasbiy yoʻnalganlik, emotsional rivojlanish xususiyatlarini oʻrganish;
-oilaviy tarbiya muammolarining yuzaga chiqishi, ularni hal qilishda bolaga yordam berish maqsadida psixologik maslahatlar berish;
-xavf guruhidagi bolalar, oʻsmirlar va ularning oilalarini oʻz joniga qasd qilishdan ogohlantirish, individual va guruhiy psixologik korreksiya qilish maqsadida kuzatish;
-tanlangan profilaktika va psixokorreksiya vositalari samaradorligi tahlili.