O‘zbekiston respublikasi oliy va o‘rta maxsus ta’lim vazirligi toshkent kimyo‐texnologiya instituti “menejment va kasb ta’limi” fakul’teti
Yurak va qon tomirlar faoliyatining boshqarilishi va gigiyenasi
Download 5.13 Mb. Pdf ko'rish
|
- Bu sahifa navigatsiya:
- Ateraskleroz
- (4-ilova) “Sinkvеyn” ( 5 qator ) tеxnikasi Yurakni –tavsiflash Sinkvеyn sxеmasi
- 1.1. Ma’ruza olib borish texnologiyasi O’quv soati: 2 soat Talabalar soni: 26 ta O’quv mashg‘ulot shakli
- O’quv mashg‘ulotining maqsadi
- Pedagogik vazifalar O‘quv faoliyati natijalari
- O‘qitish usullari Axborotli ma’ruza, “BBB” va “Savol- javob” usuli O‘qitish vositalari
- Texnik vositalar bilan ta’minlangan o‘quv xonasi Monitoring va baholash Og‘zaki nazorat, savol-javob
- (3-ilova) Talabalardan mavzu bo’yicha qanday Tinglaydilar Vazifani bajaradilar 5 – MAVZU
- II-bosqich. Asosiy qism (55 minut) 2.1. Ma’ruza rejasi bilan tanishtiradi (1-ilova)
- III-bosqich. Yakuniy qism (15 minut) 3.1. Mavzu bo’yicha bilimlarni mustahkamlash uchun savollar beradi (5
- (6- ilova)
- (2-ilova) 1. Nafas olish organlari, nafas olish organlarining tuzilishi. O’pka tuzilishi.
6. Yurak va qon tomirlar faoliyatining boshqarilishi va gigiyenasi. Yurak va qon tomirlar faoliyati nerv-gumoral yo‘l bilan boshqariladi. Yurak ishi simpatik va parasimpatik nervlar orqali boshqariladi. Simpatik nerv yurak faoliyatini kuchaytiradi, parasimpatik nerv, aksincha, yurak qisqarishini sekinlashtiradi. Shunday qilib, bu ikkala nerv yurak ishini muvozanatga solib turadi. Qon tomirlarining devori ham parasimpatik va simpatik nerv tolalari bilan taʻminlangan. Ayniqsa, aorta ravog‘ida, uyqu va o‘mrov osti arteriyalarining devorida nerv tolalari juda ko‘p bo‘ladi. Odam tanasining barcha to‘qima va organlarida tashqi muhit taʻsirini qabul qiluvchi sezuvchi nerv uchlari-retseptorlar bo‘ladi. Ularning qo‘zg‘alishi miyadagi mazkur bo‘ladi. Ularning qo‘zg‘alishi miyadagi mazkur to‘qima va organning ishini boshqaruvchi nerv markazlariga o‘tkazilishi bilan birga yurak va qon tomirlar ish faolayatini boshqaruvchi nerv markazlariga ham tarqalib, yurak ishining reflektor yo‘li bilan boshqarilishiga taʻsir ko‘rsatadi. Yurak va qon tomirlar faoliyati gumoral yo‘l bilan ham boshqariladi. Buyrak usti bezining miya qismida ishlab chiqariladigan adrenalin garmoni xuddi simpatik nervga o‘xshab, yurak ishini tezlashtiradi va qisqarish kuchini oshiradi. Bu garmon qon tomirlarini toraytiradi va arterial bosimini oshiradi. Yurak-tomir sistemasi gigiyenasi. Kun tartibi yurak-tomir sistemasiga kuchli taʻsir etadi. O‘quvchi-talabalarning kun tartibi to‘g‘ri tashkil etilsa, yurak-tomir sistemasi bekamu-ko‘st ishlaydi. Shuning uchun ham ular bajaradigan jismoniy ish va mashqlarning jadalligi va og‘ir-engilligi ularning Yoshiga mos bo‘lishi kerak, ayniqsa, salbiy his-hayajon, chekish, spirtli ichimliklar ichish, uzoq muddat harakatsizlik yurak- tomir sistemasi ishini buzadi. O‘quvchi-talabalarning kiyimi, poyabzali qon aylanishni qiyinlashtirmay-digan, vena tomirlarda qon dimlanib qolishiga yo‘l qo‘ymaydigan bo‘lishi kerak. Poyabzal tor bo‘lsa, oyoqning qon bilan taʻminlanishi qiyinlashadi. Oyoqda turli qadoq, yara paydo bo‘ladi. O‘quvchi-talabalarning sof havoda bo‘lishi, jismoniy mashqlar bilan shug‘ullanishi, vaqtida ovqatlanishi yurak-tomirlarning normal ishlashida muhim ahamiyatga ega. Yurak va qon tomir kasalliklari oldini olish xalqimiz sog‘lig‘ini mustahkamlashda, ish qobiliyatini yaxshilashda, o‘rtacha umr ko‘rishni uzaytirishda katta rol o‘ynaydi. Yurak va qon tomir kasalliklarining ko‘p uchraydigan turlariga ateroskleroz (qon tomirlari devorining ichki yuzasida yog‘ va tuz moddalari to‘planishi oqibatida tomirlar qattiqlashib, mo‘rtlashib va torayib qolishi), gipertoniya (arterial qon bosimining ko‘tarilishi), yuraknig ishemik kasalligi (yurak muskullarida qon aylanishining buzilishi tufayli sodir bo‘ladi), yurak infarkti (qon aylanishi buzilishi tufayli yurak muskullarining maʻlum qismi emirilishi), insult (bosh miyaga qon quyilishi) kabilar kiradi. 46 Yurak qon tomirlari devorining ichki yuzasida yog’ va tuz moddalarining to’planishi oqibatida tomirlar qattiqlashib mo’rtlashib qolishi natijasida Ateraskleroz kasalligi kelib chiqadi Arterial qon bosimning ko’tarilishi gipertoniya deyiladi. Shovqinlarni paydo bulishiga yurakdagi uzgarishlar sabab bo`ladi. Bu introkardial shovqin dеyiladi. Bundan tashqari funktsional va organik shovqinlar mavjud bo’lib, funktsional shovqin qon oqish tеzligi yoki qon tarkibi o’zgarganda paydo bo`ladi. Bu shovqinlar kam qon suyilishi roʻy bеrganda asab tizimi kasalliklarida va boshqalar kuzatiladi. Organik shovqinlar ham sistolik ham diastolik bo`ladi. Yurak muskullarida qon aylanishining buzulishi tufayli sodir boʻladigan kasallik yurakning ishemik kasalligi bu asosan toj artеriyalar tizimida patologik jarayonlar natijasida miokardning qon bilan ta’minlanishi buzilishi yoki biror toj artеriyasini qon oqishining butunlay toʻxtab qolishi natijasida yuzaga kеladigan kasallikdir. Toj artеriyasining asab zoʻriqishi tufayli torayib qon oqishini sеkinlashishi ham yurakning ishеmik kasalligiga olib kеladi deyiladi. insult- bosh miyaga qon quyulishi. 47 Stеnakаrdiya. Stеnakardiya ko’krak qisilishi, toʻsh suyagi orqasida ba’zan yurak sohasida ogʻriqni zoʻrayishi bilan oʻtadigan kasallikdir. Kasallikda ogriq, yurak bir nеcha daqiqadan 20 daqiqagacha choʻziladigan oʻtkir hurijsimon ogʻrik boʻlishi kuzatiladi. Kasallikning mohiyati shundan iboratki, toj tomirlari ya’ni miakardni qon bilan ta’minlaydigan tomirlar boʻylab, qon oqishi buziladi. Bu esa yurak sohasida 1ki toʻsh orqasida ogʻriq paydo boʻlishiga olib kеladi. Toj tomirlar boʻylab qon oqishiga quyidagi koʻpgina omillar toʻsqinlik qilishi mumkin. Toj tomirlar spazmi, atеroskеrotin, pilakchalar katta jismoniy yoki asab zoʻriqishlarda miokardni zoʻr bеrib ishlashi har xil ichki organlar tomonidan nеfrеntol ta’sir zardob haltasining yalligʻlanishi mе’da va oʻn ikki barmoqli ichakning yara kasalligi va bundan tashqari oʻpka kasalliklari, endokrin sistemasi buzilishlari, qandli diabеt, chеkish, spirtli ichimliklarni ichishlar ham stеnakardiyaga olib kеladi. Yurak va qon tomir sistemasini chiniqtirishda eng oddiy harakat mashg‘ulotlari bo‘lgan yurish va yugurish, nafas olish gimnastika mashg‘ulotlarini bajarish muhim ahamiyatga ega. Yurakning minutlik hajmi 25-30 litrgacha ko‘payadi. Yurakning qisqarish tezligi (puls soni) 150-200 martagacha ortadi. Xulosa Yurak juda ham murakkab tuzulishga ega. Yurakning asosiy ishi nasos singari vena qon tomirlaridagi qonni soʻrib, arteriya qon tomirlariga o'tkazadi. U hayot faoliyatimizda muhim rol o’ynaydi. Yurak urib turibdiki, demak biz hayotmiz. Ana shu hayotimizni asrab avaylash, unga salbiy ta’sir etuvchi omillardan asrashimiz lozim. Yurak va qon tomir kasalliklari oldini olish xalqimiz sog‘lig‘ini mustahkamlashda, ish qobiliyatini yaxshilashda, o‘rtacha umr ko‘rishni uzaytirishda katta rol o‘ynaydi. 48 (4-ilova) “Sinkvеyn” ( 5 qator ) tеxnikasi Yurakni –tavsiflash Sinkvеyn sxеmasi 1. Yurak 2. Yurakni tavsiflovchi sifati 3. Yurakning vazifalari 4. Yurakning mohiyati to`g`risida 4 so`zdan iborat so`z birikmasi 5. Yurakning sinonimi (5-ilova) Mavzu bo‘yicha tayanch so‘zlar. Yurak, oʻng va chap qorinchalar, 4 kamera, bo‘lmacha, kapillyarlar, arteriya, vena, katta qon aylanish doirasi, kichik qon aylanish doirasi, aorta, qon bosimi, puls, arterial bosim, gipotaniya, gipertaniya, yurak avtomatiyasi, ateraskleroz, yurakning ishemik kasalligi, insult, stеnakаrdiya. (3-ilova) Mavzu bo‘yicha nazorat savollari. 1. Yurak devori necha qavatdan tashkil topgan ? 2. Yurak necha kameradan iborat? 3. Yurak avtomatiyasi deb nimaga aytiladi? 4. Katta va kichik qon aylanish doirasi. 5. Qonning tomirlar bo‘ylab harakatlanishi. 6. Puls nima? 7. Qon bosimi qanday yuzaga keladi? 8. Yurak-tomir sistemasi gigienasi. 9. Yurak va qon tomirlar faoliyatining boshqarilishi. 10. Qanday yurak va qon tomir kasalliklari uchraydi? (6-ilova) Mavzu bo‘yicha foydalanilgan adabiyotlar. 1. Klemesheva L.S. “Vozrastnaya fiziologiya i gigiena”. Ucheb. posobie. Toshkent. “O‘qituvchi”, 1991g. 2. Klemesheva L.S., Ergashev M.S. “Yoshga oid fiziologiya”. O‘quv qoʻllanma. Toshkent. “O‘qituvchi”, 1991 y. 3. Maxmudov E. “O‘smirlar fiziologiyasi”. O‘quv qoʻllanma. Toshkent. 1985 y. 4. Sodiqov Q., Aripov S.X., SHaxmurova G.A. “Yosh fiziologiyasi va gigienasi”. Darslik. Toshkent. “YAngi asr avlodi”. 2009 y. 5. Sodikov K.S. “O‘quvchilar fiziologiyasi va gigienasi” Toshkent. “O‘qituvchi”. 1992 y. 6. Xripkova A.G., Antropova M.V., Farber D.A. “Yosh fiziologiyasi va gigienasi”. M. Prosveshenie 1990 g. 7. Aminov B., Tilovov T. “Odam va uning salomatligi”. O‘quv qoʻllanma. Toshkent. 1995. 8. Antropova M.V. “Bolalar va usmirlar gigienasi”. M. Meditsina, 2002 y. 9. Internet sayti: www.ziyo.net.uz 10. Internet sayti: www.FIZIOLOGIYA.ru 49 1.1. Ma’ruza olib borish texnologiyasi O’quv soati: 2 soat Talabalar soni: 26 ta O’quv mashg‘ulot shakli Axborotli, vizual ma’ruza Ma’ruza rejasi 1.Nafas olish organlari, nafas olish organlarining tuzilishi. O’pka tuzilishi. 2. Nafas olish sistemasining xususiyatlari. 3. Nafas olish harakatlarining boshqarilishi. 4. Nafas olish organlari kasalliklari. 5. Nafas olishni o’rgatish jismoniy mashqlar. O’quv mashg‘ulotining maqsadi: Nafas olish organlari, nafas olish organlarining tuzilishi haqidagi bilimlarni chuqurlashtirish. O’pka tuzilishi. Nafas olish sistemasining xususiyatlari haqida to’liq tasavvur hosil qilish. Pedagogik vazifalar O‘quv faoliyati natijalari Interfaol metodlarni qo‘llagan holda o‘quv jarayonini tashkil etish; Nafas olish organlari, nafas olish organlarining tuzilishi. O’pka tuzilishi haqidagi ma’lumotni bayon etish; Nafas olish sistema-sining xususiyatlarini yoritib berish; Nafas olish harakat-larining boshqarilishini tushuntirish; Nafas olish organlari kasalliklari haqida ma’lumot berish. Nafas olish organlari, nafas olish organlarining tuzilishi. O’pka tuzilishi haqidagi ma’lumotga ega bo’ladi; Nafas olish sistema-sining xususiyatlarini tushunadi; Nafas olish harakatlarining boshqarilishini tushunadi; Nafas olish organlari kasalliklari haqida ma’lumot oladi. O‘qitish usullari Axborotli ma’ruza, “BBB” va “Savol- javob” usuli O‘qitish vositalari Darslik, ma’ruza matni, kompyuter slaydlari, doska O‘qitish shakllari Jamoada ishlash O‘qitish shart-sharoiti Texnik vositalar bilan ta’minlangan o‘quv xonasi Monitoring va baholash Og‘zaki nazorat, savol-javob 1.2. Nafas olish sistemasi mavzusining texnologik xaritasi Ish bosqichlari O’qituvchi faoliyatining mazmuni Tinglovchi faoliyatining mazmuni I-bosqich. Mavzuga kirish. (10 minut) 1.1. Talabalarni mavzuning nomlanishi, maqsadi va kutiladigan natijalar bilan tanishtiradi 1.2. BBB metodidan foydalanadi. Uch ustun keltirilgan jadval tarqatiladi (3-ilova) Talabalardan mavzu bo’yicha qanday Tinglaydilar Vazifani bajaradilar 5 – MAVZU: NAFAS OLISH SISTEMASI VA UNING GIGIYENASI 50 ma’lumotga egaliklari 1-Bilaman ustuniga yozishlari so’raladi. II-bosqich. Asosiy qism (55 minut) 2.1. Ma’ruza rejasi bilan tanishtiradi (1-ilova) 2.2. Mavzu bo’yicha tayanch tushunchalar keltiriladi (4-ilova) 2.3. Talabalarni mavzuga oid egallamoqchi bo’lgan bilimlarini Bilishni xohlayman ustuniga yozishlari so’raladi. 2.4. Mavzuning mazmun-mohiyatini reja asosida tartib bilan tegishli rasmlar asosida ochib beradi. Talabalarni xohishlarini e’tiborga olish maqsadida jadvalning 2- ustunini tezda o’rganib chiqadi (2-ilova) 2.4. Talabalardan mavzu bo’yicha o’zlashtirilgan yangi bilimlar va tushunchalarni jadvalning 3-ustuniga yozishlari so’raladi. Ma’ruza yakunida yagona loyiha yaratiladi. Tinglaydilar, reja va tayanch tushunchalarni yozib oladilar Vazifani bajaradilar Tinglaydilar va asosiy ma’lumotlarni konspekt daftarlariga yozib oladilar Vazifani bajaradilar III-bosqich. Yakuniy qism (15 minut) 3.1. Mavzu bo’yicha bilimlarni mustahkamlash uchun savollar beradi (5- ilova) 3.2. Mustaqil tayyorlanish hamda, uy vazifasi etib, amaliy mashg’ulot mavzusi va topshiriqlarini beradi. 3.3. Mavzu bo‘yicha foydalanilgan adabiyotlar ro’yxati bilan tanishtiradi (6- ilova) Savollarga javob beradilar Uyga berilgan vazifani yozib oladilar Adabiyotlar ro’yxatini yozib oladilar (1-ilova) REJA: 1. Nafas olish organlari, nafas olish organlarining tuzilishi. O’pka tuzilishi. 2. Nafas olish sistemasining xususiyatlari. 3. Nafas olish harakatlarining boshqarilishi. 4. Nafas olish organlari kasalliklari. 5. Nafas olishni o’rgatish jismoniy mashqlar. (2-ilova) 1. Nafas olish organlari, nafas olish organlarining tuzilishi. O’pka tuzilishi. Nafas olish jarayoni tufayli organizm atrofdagi muhitdan kislorodni olib, karbonat angidrid gazi va suv bug‘larini tashqariga chiqarib turadi, yaʻni organizm bilan uning atrofidagi muhit o‘rtasida gazlar almashinib turadi. Odam organizmida sodir bo‘ladigan oksidlanish jarayonlarinig asosiy qismi kislorod ishtirokida yuzaga keladi. Shuning uchun hayotning davomiyligi, organizmga doimo kislorod kirib turishi bilan bog‘liqdir. Parchalanish jarayonlarining mahsuloti karbonat angidriddir, u jarayonlarning davom etishi uchun tashqariga chiqib turishi shart. Ana shu jarayonni nafas olish organlari yuzaga 51 keltiradi. Kislorodni o‘pkadan to‘qimalarga, karbonat angidridni to‘qimalardan o‘pkaga qon tashib beradi. Shunday qilib, organizmda gazlar almashinuvi uchta jarayondan iborat: 1. Tashqi nafas yoki o‘pka nafasi – organizm bilan tevarak muhit o‘rtasida o‘pka orqali gazlar almashinuvi; 2. Ichki nafas yoki to‘qimalar nafasi – hujayralarda ro‘y beradigan jarayonlarni o‘z ichiga oladi; 3. Qonning gazlarni tashishi, yaʻni qon orqali o‘pkada to‘qimalarga kislorod va to‘qimalardan o‘pkaga karbonat angidrid etkazib berilishi. Nerv to‘qimasi organizmda kislorod etishmovchiligiga hammadan sezgir to‘qima hisoblanadi. Bu to‘qima oqsidlanish-qaytarilish jarayonlarining buzilishiga boshqalardan ko‘ra ertaroq reaksiya ko‘rsatadi. Nafas olish organlarining ahamiyati yana shundaki, bu organlar hidlarni idrok etishda va tovushlarni talaffuz qilishda ishtirok etadi. Odam havoda karbonat angidrid miqdori 2-3% gacha ortishiga chiday oladi. Agar u 4-5% ga etsa, yurak qisqarishi tezlashadi, boshi og‘riydi, odam qusadi, hushidan ketishi mumkin. Havodagi suv bug‘i miqdori tashqi muhit haroratiga bog‘liq. Nafas olish organlariga burun bo‘shlig‘i, burun-halqum, hiqildoq, traxeya, bronxlar, o‘pkalar kiradi. Nafas olish organlarining organizmdagi joylashuvi Burun bo‘shlig‘i. Kichik yoshdagi o‘quvchining burni ancha kichkina bo‘ladi. taxminan 5 yoshga borganda burun ko‘tarmasi yo‘qolib ketadi, 10-14 yoshdan boshlab 52 esa burun orqasining peshona suyagiga o‘tish chegarasida egarsimon qanshar shakllanadi. Burun teshiklari burun bo‘shlig‘iga kiradigan yo‘l bo‘lsa, burun bo‘shlig‘idan chiqish yo‘llari xonalardir. Ular kattalardagiga qaraganda kichikroq bo‘ladi. Burun bo‘shlig‘ining shilliq pardasi tagidagi qatlamda bir talay qon tomirlar borligi uchun pushti rangda bo‘ladi. Burunning qo‘shimcha bo‘shliqlari va burun ko‘z yoshi kanalining teshiklari shunga ochiladi. Burun-halqum. Burun-halqum og‘iz va burun bo‘shlig‘ining orqasida, lekin asosiy suyak va yuqori bo‘yin umurtqalarining oldida joylashgan. Burun-halqumda bodomcha bezlari halqasi bor. Bodomcha bezlari bolalarda hayotining ikkinchi yilida ancha tez rivojlanadi. 4 Yoshga kelganda esa hammadan ko‘p rivojlanib oladi. Burun-halqum bo‘shlig‘ida adenoidlar degan nom bilan ataladigan bezsimon to‘qima tuzilmasi ham bor. Baʻzi bolalarda bular juda katta bo‘ladi va burun bilan nafas olishga xalaqit beradi. Bunday bolalarni operatsiya qilib davolash kerak. Hiqildoq. Burun-halqum pastga qarab davom etib, hiqildoqqa aylanadi. Uning asosi bolalarda birmuncha yuqori turadi va bir-biriga birikkan harakatchan, tog‘aylardan iborat bo‘ladi. Shu tog‘aylarning eng kattasi qalqonsimon tog‘aylardir. Qalqonsimon tog‘aylardan yuqorida kekirdak (epiglottis) va cho‘michsimon tog‘ay, pastda esa uzuksimon tog‘ay yotadi. Hiqildoq ichki tomonidan shilliq parda bilan qoplangan, shu parda yuzida yuqori bo‘limida ikkita burma ko‘rinib turadi. Bular tovush boylamlaridir. Ularning orasida chin va soxta boylamlar tafovut qilinadi. Hiqildoqda tovushlar paydo bo‘lish mexanizmi odatdagicha nafas olib turganda tovush boylamlari bo‘shashgan bo‘ladi. Traxeya. Traxeya bo‘yinning oldingi yuzasida joylashgan bo‘lib, hiqildoqning pastga qarab yo‘nalgan davomi hisoblanadi. Uning pastki uchi 5-6 ko‘krak umurtqasi dumiga kelib ikkita bronxga bo‘linadi. Traxeya tutashmagan tog‘ay halqalaridan tashkil topgan. Traxeya ichki tomondan nozik shilliq parda bilan qoplangan. Uning yo‘li shu qadar torki, shilliq pardasi yallig‘langanda yoki traxeyaga yot jismlar tushib qolganda nafasning qiyinlashib qolishiga sabab bo‘ladi. Traxeyaning yuqori bo‘limiga va qisman hiqildoqqa qalqonsimon bez taqalib turadi. Bronxlar. Traxeya V koʻkrak roʻparasiga kelib oʻng va chap bronxlarga boʻlinadi. Bronxlar 7 yoshgacha tez oʻsib, oʻpka toʻqimasiga kirib, xuddi daraxt shoxiga oʻxshab, juda koʻp mayda bronxlarga tarmoqlanadi va bora-bora alveola pufakchalarini hosil qiladi.Bronxlarning ikkalasidan o‘ng tomondagisi go‘yo traxeyaning davomi bo‘lsa, chap tomondagisi o‘tkir burchak ostida chiqadi, o‘ng bronx ikkinchisidan kaltaroq bo‘ladi. Yot jismlar ko‘proq o‘ng bronxga tushib qoladi. Kichik yoshdagi o‘quvchilarning bronxlari tor, tog‘aylari yumshoq, muskul va elastik tolalari ancha sust rivojlangan bo‘ladi. 53 Bronxlarni qoplab turadigan shilliq parda qon bilan mo‘l-ko‘l taʻminlanadi-yu, lekin birmuncha quruq bo‘ladi. O‘pka. O‘ng va chap o‘pka ko‘krak qafasining tegishli yarmida turadi. Har bir o‘pka konusga o‘xshagan bo‘lib, ustki qismi uchi, pastki qismi esa asosi deb ataladi. Bolalar o‘pkasining rivojlanishi miqdor va sifat ko‘rsatkichlari bilan harakterlanadi. Alveolalar hajmi ortib boradi, tog‘aysiz bronxlar o‘sadi. Bu bolalarning nafasi va gazlar almashinuvi holatiga taʻsir qilmasdan qolmaydi. Oxirgi bronxiolalar kengayib, alveolyar yo‘llarga aylanadi, bu yo‘llarning devorlarida nafas epiteliysidan tashkil topgan pufakchalar yoki alveolalar ko‘rinishida do‘mbaymalar bo‘ladi. Alveolalarning sig‘imi, o‘pkaning nafasda ishtirok etadigan yuzasi ham asta-sekin kattalashib boradi. O‘pka o‘quvchi 14 yoshga to‘lganda hajmi 10 barobardan ko‘ra ziyodroq kattalashadi. 2. Nafas olish sistemasining xususiyatlari. Nafas akti. Nafas olish va nafas chiqarishning bir maromda almashinib turishi nafas akti deb ataladi. Osoyishta nafas olgan paytda tashqi qovurg‘alararo muskullar, diafragma va ko‘krak qafasini kengaytiradigan boshqa nafas muskullari qisqaradi, shuning natijasida plevra ichidagi bosim pasayib, o‘pkaning kengayishi uchun sharoit yuzaga keladi. Shu vaqtda atmosfera havosi havo o‘tkazuvchi yo‘llardan bemalol kirib, alveolalarni to‘ldiradi. Nafas olish nafas chiqarish bilan almashinadi, bunda nafas olishni taʻminlab bergan muskullar bo‘shashadi, ularning antogonistlari esa qisqara boshlaydi. Ularning hammasi bir bo‘lib ko‘krak qafasi hajmini ancha kamaytiradi. Alveolalar va nafas yo‘llaridan atrofdagi bo‘shliqqa havo chiqib ketishi shunga bog‘liq. Nafas olish tezligi. Ko‘krak qafasi nafas olish harakatlarining bir minutdagi soni nafas tezligi deb ataladi. Bola nechog‘li yosh bo‘lsa, shuncha tez nafas oladi. Nafas tezligi asta-sekin kattalar normasiga yaqinlashib boradi. Ayollarda nafas tezligi minutiga 18 bo‘lsa, erkaklarda 16 ta. O‘g‘il bolalar 8 yasharlik paytida qiz bolalarga qaraganda tez-tez nafas oladi. 10 yoshdan keyingina qizlarning nafas olishi tezlashadi. Mashq qilmagan odamda nafas tezligi ortgandagina organizmga keladigan kislorod ko‘payishi mumkin. Tez-tez nafas olinganda almashtiriladigan havo miqdori shu qadar kamayib qoladiki, odam nafasi qaytib hansiray boshlaydi. Bolalarda kislorodga yolchimaslik nafas olish tezligining ko‘payishiga sabab bo‘ladi. Nafas olish jarayani Diafragmaning qisqaruvchi mushaklari; Diafragma qisqaradi; Havo o’pkaga tushadi. Nafas chiqarish jarayani Diafragmaning bo’shashuvchi mushaklari; Diafragma bo’shashadi; Havo o’pkadan chiqadi. 54 Nafas chuqurligi. Har safar hotirjam nafas olganda o‘pkaga kiradigan va nafas chiqarganda undan chiqadigan havo hajmiga nafas hajmi deb aytiladi. Nafas hajmining miqdori nafas chuqurligini belgilab beradi. Bolaning yoshi ulg‘aygan sayin nafas chuqurligi ortib boradi. Minutlik hajm. Minutlik hajm yoki minutlik o‘pka ventilyasiyasi deb 1 minutda nafas olinadigan havo miqdoriga aytiladi. Bu hajm 1 minutdagi nafas harakatlari soniga ko‘paytirilgan nafas hajmiga teng. Minutlik hajm bolaning yoshi, jinsi, muskul ishi va boshqa sabablarga qarab o‘zgaradi. Qiz bolalarda nafas chuqurligi va o‘pka ventilyasiyasining kamroq bo‘lishiga sabab shuki, ularda nafasning ko‘krak tipi qaror topib boradi. O‘g‘il bolalarda 6 yoshdan boshlab minutlik hajm qiz bolalardagiga qaraganda 100-400 ml. kattaroq bo‘ladi. Bolalarda minutlik nafas hajmining o‘rtacha miqdori asta-sekin ortib boradi. O‘pkaning hayotiy sig‘imi. O‘pkaning hayotiy sig‘imi deb, oldin chuqur nafas olib turib, keyin nafasdan chiqarish mumkin bo‘lgan havo miqdoriga aytiladi. Bu bir marta nafas olganda o‘pkaga to‘ldirish mumkin bo‘lgan eng ko‘p havo hajmidir. Uni spirometr deb ataladigan asbob yordamida o‘lchasa bo‘ladi. Turli yosh va jinsdagi bolalarda o‘pkaning hayotiy sig‘imi har xil bo‘ladi. Jismoniy ish, sport mashg‘ulotlari natijasida o‘pkaning hayotiy sig‘imi ortadi. Jismoniy nagruzka nechalik katta bo‘lsa, nafas funksiyasi shuncha ko‘p o‘zgaradi, nafas tezligi va chuqurligi, o‘pka ventilyasiyasi ortadi. Bola tinch holatda bo‘lganda o‘pka hayotiy sig‘imining faqat bir qismidan foydalanadi. Qolgan rezerv kislorodga ehtiyoj tug‘ilganda sarflanishi mumkin. O‘pkaning hayotiy sig‘imini oshirish uchun jismoniy mashqlar, ertalabki badantarbiya, yugurish, chang‘i uchish, eshkak eshish va kuch etadigan jismoniy mehnat bilan shug‘ullanish tavsiya etiladi. Hayotiy sig‘im bilan qoldiq havo yig‘indisi o‘pkadagi umumiy havo miqdorini tashkil etadi. Nafas sistemasi yaxshi mashq qildirilgan bolalar jismoniy nagruzkalarga yaxshi bardosh beribgina qolmay, balki kasalliklarni, xususan, nafas, yurak va qon-tomirlar sistemasi kasalliklarini ham engil o‘tkazadilar. Nafas markazi. Uzunchoq miyaning o‘rtadagi uchdan bir qismida bir guruh nerv hujayralari bor, ular o‘z faoliyati bilan nafas muskullarining qisqirishiga sabab bo‘ladi. SHu hujayralar nafas markazi deb atalgan. Nafas markazi hujayralari uzunchoq miyaning o‘ng va chap yarmida joylashgan va shu miyaning biror tomonidagi markaz faoliyatining to‘xtatish faqat tegishli tomondagi nafas muskullari ishining to‘xtashiga sabab bo‘ladi. Nafas markazida faqat nafas olishni yoki faqat nafas chiqarishni taʻminlaydigan neyronlar bor. Bularning faoliyati bir-biriga bog‘liqdir. Download 5.13 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling