O’zbekiston respublikasi oriental universiteti

Microsoft Excel elektron jadvalining imkoniyatlari.

Excel nafaqat berilganlarni kiritish, saqlash, tanlash balki, tahlil qilish, ularni diagrammalar, grafiklar ko‘rinishida tasvirlash, xatto so‘nggi versiyalarida Web- sahifalarga joylashtirish, murakkab ma‘lumotlar bazasi bilan ishlash imkoniyatlariga ham ega. Quyida Exceldan foydalanish uchun eng zarur imkoniyatlar bilan tanishamiz:

• 
  Varaqlardan foydalanish. Bu elektron jadvaldan foydalanishdagi boshlang‘ich tushunchalardan biri bo‘lib, unda qatorlar va ustunlar joylashadi. Varaqlarga sarlavha qo‘yiladi. Uni o‘zgartirish, yo‘qotish va yangi varaqni qo‘shish mumkin.
  
• 
  Ma‘lumotlarni kiritish. Odatda ikkinchi qadam bo‘lib, kataklarga turli ma‘lumotlarni kiritish tushuniladi.
  
• 
  Ma‘lumotlarning ko‘rinishini o‘zgartirish. Matn va sonlarga o‘ziga xos ko‘rinish berishni anglatadi.
  
• 
  Formulalardan foydalanish. Sonlar bilan ishlashda albatta ma‘lum xisoblarni bajarishga to‘g‘ri keladi. Excelda murakkab formulalarni yozish yoki tayyor standart funktsiyalardan foydalanish imkoniyati mavjud.
  
• 
  Grafik va diagrammalarni hosil qilish. Jadvalga kiritilgan sonli ma‘lumotlarning diagrammalari va grafiklari hosil qilinadi.
  
• 
  Rasmlarni qo‘shish. Jadvallarni tushunarli va ko‘rgazmali ravishda tasvirlash uchun diagrammalar va rasmlar kiritiladi. Shuningdek, berilganlarni tasvirlash uchun kartalardan ham foydalanish mumkin.
  
• 
  Web-sahifalardan foydalanish. Web-sahifalardagi berilganlarni olib ulardan foydalanish va ularga qayta ishlangan ma‘lumotlarni jo‘natish.
  
• 
  Import qilish. Boshqa elektron jadvallarda tayyorlangan ma‘lumotlarni qabul qilish va turli formatlarda yozish.
  
• 
  Berilganlarni tahlil qilish. Berilganlarni tekshirish, ulardan umumlashgan jadvallar tayyorlash.
  

Bundan tashqari, Excelda ishlash jarayonining o‘zini qulaylashtirish uchun qator imkoniyatlar yaratilgan.

• 
  Ro‘yxatni avtomatik ravishda to‘ldirish;
  
• 
  Diagrammalarni qurishda ko‘p qadamli tanlovdan foydalanish;
  
• 
  Matnning rangi va o‘lchamlarini oldindan ko‘rish;
  
• 
  Umumlashgan jadvallarni dinamik tasvirlash;
  
• 
  Tayyor jadvalni to‘g‘ridan-to‘g‘ri Web-sahifaga kiritish, Web-sahifadan olish va xokazo.
  

Elektron jadval yacheykalariga uch xil ma‘lumotlarni kiritish mumkin:

• 
  Matnli
  
• 
  sonli ifodalar
  
• 
  formulalar.
  

Matnli ma‘lumotlar sarlavha, belgi, izohlarni o`z ichiga oladi. Sonli ifodalar bevosita jadval ichiga kiritiladigan sonlardir.
Formulalar - kiritilgan sonli qiymatlar bo`yicha yangi qiymatlarini hisoblaydigan ifodalardir.
Formulalar har doim «=» belgisini qo`yish bilan boshlanadi. Formula yacheykaga kiritilgandan keyin shu formula asosida xisoblanadigan natijalar yana shu yacheykada hosil bo`ladi. Agar shu formulada foydalanilgan sonlardan yoki belgilardan biri o`zgartirilsa, Excel avtomatik ravishda yangi ma‘lumotlar bo`yicha xisob ishlarini bajaradi va yangi natijalar hosil qilib beradi.