Hisobvaraqning ta’rifi: boshqa banklarga berilgan muddatida qoplanmagan qisqa
muddatli va uzoq muddatli kredit (shu jumladan, maqomiga ko‘ra kreditlar bo‘lgan boshqa
operatsiya)larning hisobi olib boriladi.
Hisobvaraqning debetida boshqa banklarga berilgan muddatida to‘lanmagan barcha
kreditlarning summasi, shuningdek qayta tasniflangan va 12101 — “Boshqa banklarga berilgan
qisqa muddatli kreditlar”, 12109 — “Boshqa banklarga berilgan shartlari qayta ko‘rib chiqilgan
qisqa muddatli kreditlar”, 14501 — “Boshqa banklarga berilgan uzoq muddatli kreditlar”, 14505
— “Boshqa banklarga berilgan shartlari qayta ko‘rib chiqilgan uzoq muddatli kreditlar”
hisobvaraqlardan ushbu hisobvaraqqa o‘tkazilgan kreditlarning summasi aks ettiriladi.
Hisobvaraqning kreditida qarzdor tomonidan to‘langan qarzdorlik summasi,
shuningdek kreditlarning boshqa mohiyati bo‘yicha qayta tasniflangan va/yoki 12199 —
“Ko‘rilishi mumkin bo‘lgan zararlarni qoplash zaxirasi — Boshqa banklarga berilgan qisqa
muddatli kreditlar” hisobvarag‘i orqali hisobdan chiqarilgan mablag‘lar summasi aks ettiriladi.
Tahliliy hisob har bir qarzdor bo‘yicha kredit shartnomalariga qarab alohida shaxsiy
hisobvaraqlarda olib boriladi.
Do'stlaringiz bilan baham: