O`zbekiston Respublikasi Xalq ta`lim vazirligi Ajiniyoz nomidagi Nukus davlat pedagogika instituti

Madaniy merosning mexanizmi quyidagi xususiyatlarga ega: 
1. Ma`naviy merosning uzviyligi. Ajdodlar yaratgan jami boylikka yangi avlod merosxo`r 
bo`ladi,  tarixiy  ahamiyatini  yo`qotgan  madaniyat  o`rnida  yana  madaniyat  vujudga  keladi, 
avvalgilardan  ko`p  narsalar  o`zlashtiriladi.  O`tmish  tajribasi  bugun  va  kelajak  uchun  har  doim 
asqotishi  mumkin,  shuningdek,  bugun  unutilgan  narsalar  butunlay  yo`qolib  ketmaydi.  Masalan, 
V.Shekspir  yuz  yilcha  unutilib,  keyingi  avlodlar  uchun  jahon  adabiyoti  va  dramaturgiyasining 
klassigi sifatida tanildi. 
2.  O`tmishdan    kelajakka    o`tish    jarayonida    merosning  mazmunan  o`zgarishi. 
Madaniy merosning o`tish davrida xususiyati o`zgarishi mumkin, ya`ni meros mavjud nuqtai nazar 
va bilimlar talabiga mos keluvchi  yangi talqinda mazmun kasb etadi. Mana shunday ko`rinishda u 
kelajakka  meros  bo`lib  o`tadi.  Bizning  kunimizgacha  Suqrot  va  Demokrit  asarlarining  asl  nusxasi 
saqlanib  qolmagan,  biroq  har  bir  avlod  ularning  g`oyasini  o`zi  uchun  yangitdan  kashf  qildi  va 
ularning falsafasini talqin qiluvchi minglab kitoblar yaratildi. 
 

 
28 
4 – MAVZU 
MILLIY MADANIYATLAR RIVOJLANISHINING  NAZARIY MASALALARI 
 
Tsivilizatsiyaning  hozirgi  bosqichida    jahon  madaniyatining  asosiy  shakli-milliy 
madaniyatlardir. Dunyoda  uch mingga  yaqin millat bo`lib, ular dunyo aholisining 96 % ni tashkil 
etadi.  Ularni  har  biri  o`z  madaniyatiga    ega,  o`z  madaniyati  belgilari  bilan  boshqasidan  ajralib 
turadi. Turli mintaqalarda amal qilayotgan milliy madaniyatlar  millat sonining ko`p yoki ozligidan  
qat`iy nazar o`ziga xos rivojlanish  yo`lidan bormoqda. Bu o`ziga xoslik ularning ijtimoiy-iqtisodiy 
rivojlanish  darajasi,  xo`jalik  tarmoqlarining  xilma-xilligi,  tabiiy-iqlimiy  sharoit,  geografik  va 
mintaqaviy joylashish, ma`naviy-ahloqiy meros tomirlari kabi  omillarga  bog`liq. Eng muhimi har 
bir  millat  va  uning  madaniyati  rivoji  emin-erkin,  tabiiy-tarixiy  qonuniyatlar  asosida  kechmog`i 
lozim.  Bu  ob`ektiv  jarayonga  sub`ektiv  tarzda    zo`rovonlik  manfaati  bilan  yondashmaslik  zarur. 
Tarix guvohki, bunday siyosat  hech qachon ijobiy natijalarga olib kelmagan. Buni uzoq bo`lmagan 
isboti - sobiq ittifoq hududidagi millatlarga  «har kim o`z taqdirini o`zi belgilashi” siyosati asosida 
milliy  madaniyatlarni  “yagona  sovet  madaniyatiga  aylantirish  g`oyasidir.  Chukchalar,  evenklar, 
nenetslar,  xanti-mansi  singari  oz  sonli  millatlar  bu  andoza  oqibatida  o`z  tili,  alifbosi,  hatto  ismi-
shariflaridan  ajraladilar  (Bosqin,  mustamlakachilik    davrida  barcha  mintaqalarda  ahvol  shunday 
kechdi.)  Millat  yashamog`i  uchun,  uning  milliyati,  ruhiy  olami  dahlsiz  bo`lmog`i  lozim. 
Ma`naviyati  poymol  bo`lgan,  ma`naviyati  kishanlangan  millatning  istiqboli  nursizdir.  Binobarin, 
barcha  zamonlarda  Yurt,  Vatan,  Millat  mustaqilligi  uning  madaniyati  ravnaqining  asosiy  sharti 
bo`lgan.  
Oliy  Kengashning  XVI  sessiyasida  I.Karimov  mustabidlik  davrini  deputatlarga  eslatib, 
“O`ylab ko`ringlar...o`shanda bizlar kim edik? O`sha  yillar umuman qanday davr edi? Taqdirimiz, 
erkimiz  kimlarning  qo`lida  edi?    Ka`ba  deb  qaerga  sig`inar  edik?  Har  tong    “Assalom!”...  degan 
madhiya ohanglari ostida kimlarga qulliq qilib uyg`onardik?  Tilimiz, dinimiz qay ahvolda edi?... 
Milliy g`ururimiz, insonlik sha`nimiz, urf-odatlarimiz qanday tushunchalarga almashtirilgan 
edi? 
“O`zimiz-o`zligimizni  bilarmidik?”,  kuni  kecha  emasmidi  boshimizni  ko`tarmasdan 
yashaganimiz
1
?    degan  edilar.    Bu  ehtirosli,  shijoatli  so`rovlarda  yurtboshining  istiqlol    haqidagi  
ummon tuyg`ulari, ezgulari mujassam. 
Yurtimizda  Mustaqillik,  Milliy  uyg`onish,  Milliy  islohotlarning  bosh  me`mori    bo`lgan 
I.Karimov  milliy madaniyat istiqboli, rivojlanishi kontseptsiyasining  bosh muallifi hamdir.  
Zero,  jamiyatning  rivoji  –  jamiyatning  yangilanishi,  madaniyatning  yangilanishi  demak. 
Ijtimoiy  islohotlarda  jamiyatning  yangilanishi  madaniy  hayotidan  ayro  kechmaydi.  Aslida 
jamiyatning  ijtimoiy  –  iqtisodiy  hayotida  ro`y  bergan  o`zgarishlar  –  moddiy  madaniyat  tizimidagi 
o`zgarishlarni,  boshqarish  tizimi  siyosiy-huquqiy  isloxatlar  odamlar  tafakkuri,  tasavvuridagi 
o`zgarishlar – ma`naviy madaniyat, uning elementlaridagi o`zgarishlarni anglatadi. 
I.Karimovning  barcha  nutqlari  va  ma`ruzalari,  xususan,  “O`zbekistonning  o`z  istiqbol  va 
taraqqiyot  yo`li”,  “O`zbekiston  -  kelajagi  buyuk  davlat”,  “Yangi  uy  qurmay  turib  eskisini 
buzmang”,  “Istiqlol  va    ma`naviyat”,  “Ozod  va  obod  Vatan,  erkin  va  farovon  hayot  -  pirovard 
maqsadimiz”.  “O`zbekiston  XXI    asrga  intilmoqda”,  “O`zbekiston    XXI  asr  bo`sag`asida” 
asarlarida – O`zbekistonni jahon andozasidagi bozor munosabatlariga  o`tish sharoitida  - iqtisodiy 
rivojlanish    bosqichlari,  xo`jalik  yuritishning  yangi  sharoitidagi  tuzilmasi  tamoyillari, 
mustaqillikning  siyosiy-huquqiy  takomillashishi  mehanizmlarini  ko`rsatibgina  qolmasdan, 
yangilanishning  eng  murakkab    jarayoni  -  jamiyatning  ma`naviy  tiklanishi  milliy  madaniyat  
taraqqiyotining  negizlari,  bosqichlari,  vazifalarini  ham  belgilab  berdi.  Avvalo  ma`naviy  merosga  
munosabat. 
Ma`naviy meros – ming yillar mobaynida ajdodlar tomonidan ajratilgan  iqtisodiyotni yo`lga 
qo`yish,  jamiyatni  oqilona  boshqarish,  komil  inson  tarbiyasini    amalaga  oshirish,  oila  haqida 
g`amxo`rlik,  mehr-sahovat,  imon-insof,  hayo-andisha,  ota-onalarga  ehtirom,  halollik  va 
mehnatsevarlik xususidagi rivoyat, hikmat, o`git-nasihat, yozishma va qo`lyozmalardir. Har qanday 
yangilanish, yaratish – merosga murojaatdir. Uni o`rganish uni tiklashdan boshlanadi. Yurtboshimiz 
                                                           
1
 И.Каримов, Истиқлол ва маънавият, Т., 1994, 17-18-бетлар 

 
29 
Mirzo  Ulug`bek  tavalludining  600  yilligi  munosabati  bilan  shunday  degan  edi:  «Biz  boshqalarni 
kamsitish  niyatidan  yiroqmiz.  Ammo,  bugun  ayrim  saltanatlar  ahli  qabila-qabila  bo`lib  yashagan 
zamonlarda  bizning  muborak  zaminimizda  ilmu-fan  barq  urib  yashnagani,  tabiiy  ilmlar,  xususan, 
tibbiyot,  matematika,  astranomiya  kabi  fanlar  madrasalarda  o`qitilgani,  ilmiy  akademiyalar  tashkil 
etilib  mag`ribu-mashriqqa  nom  taratganini  eslasak  va  bundan  har  qancha  g`ururlansak  arziydi”
2
. 
Darhaqiqat,  jahon  ilmu-fanining  benazir  siymolari  ulug`  bobokalonlarimiz  bo`lgan,  al    Jabr  va  al 
Farobiy ilmiga birinchi  bo`lib asos solgan Muso al-Xorazmiy, tibbiyot ilmining dahosi Abu Ali ibn 
Sino,  er  shar  shaklida  ekanligini  aniqlagan  qomusiy  olim  Abu  Rayhon  Beruniy,  buyuk  matematik 
va  astronom  al  -  Farg`oniy,  buyuk  turk  qavmining  piri  hisoblangan  Xoja  Ahmad  Yassaviy,  samo 
tilsimini  ochgan  Mirzo  Ulug`bek,  Sharq    Rafaeli  deb  nom  olgan  buyuk  musavvir  Kamoliddin 
Behzod,  g`azal  mulkining  sultoni  Alisher  Navoiy,  muqaddas    ilmining  tengi  yo`q  namoyondalari 
imom  Ismoil  Buxoriy,  At-Termiziy,  fikh  ilmining  sardori  al-Marg`iloniy  va  boshqa  ko`plab  ulug` 
zotlar shu qutlug` zaminda tavallud topib,  kamolotga  erishdilar, umumbashariy madaniyat rivojiga 
o`zlarining betakror, bebaho ulushlarini qo`shganlar. 
Gap bu merosni tiklash, o`rganish-mustaqillik yo`lida  undan foydalanish, amaliyotga tadbiq 
etishdan iboratdir.  
“Bozor  iqtisodiyotiga  o`tar  ekanmiz,  degan  edi  I.Karimov,    milliy-tarixiy  turmush 
tarzimizni,  xalqimiz  urf-odatlarini,  an`analarimizni,  kishilarning  fikrlash  tarzini  hisobga  olamiz”
3
. 
Bu  degan  so`z,  mavjud  voqelik,  qaror  topayotgan  ijtimoiy-siyosiy,  ma`naviy  muhitni  sinchkovlik 
bilan  kuzatish,  o`rganish  asosida    milliy  madaniyatning  tomirlari,  merosni  tiklashga  e`tiborni 
qaratish  demak.  Bu  degan  so`z,  o`tmishda  xarobaga  aylantirilgan,  xaqoratlangan  me`moriy 
obidalarning  har  bir  muqaddas  g`ishtidan  tortib,  bobolarimizning  mislsiz  ilmiy,  badiiy  merosini 
o`rganish,  xayotga  qaytarish,  demak.  Shunday  qilindi  ham.  Ulug`  ajdodlarimizning  hoki  yotgan 
manzillar  obod  qilindi.  Ularning  ruhi-poki  uchun  yodgorlik  majmualari  barpo  etildi,  Islomiy 
qadriyatlar tiklandi - Ro`za, Qurbon hayiti, Navro`z elga qaytarildi, Qur`oni karim, Xadisi sharif va 
allomalarimizning  merosi  nashr  etila  boshladi.  Bu  ma`naviy  tiklanish,  milliy  uyg`onishning 
boshlanishi edi. Mustaqillik tufayli madaniy merosni va tarixiy haqiqatini tiklash, milliy urf-odatlar 
va  an`analarni  rivojlantirish,  islom  dinini  yuksak  madaniyat,  tarbiya  vositasiga  aylantirish  muhim 
vazifaga aylandi.  
Ikkinchidan, I.Karimov jahon amaliyoti va tafakkuri  tahlili asosida, yangi tarixiy sharoit va 
xo`jalik  tizimi  sharoitida  mutaxassis  kadrlarning  o`rni,  ularni  tayyorlash  bilan  bog`liq  tavsiya  va 
xulosalarni  ishlab  chiqdi.  Zero,  endilikda    jamiyatni  eski  uslubda,  ko`r-ko`rona  ma`muriy-
buyruqbozlik  asosida  boshqarish  mumkin  emas  edi,  endi  yangicha  fikrlaydigan,  o`zimiz  va  xorij 
mamlakatlarining rivojlanish tajribalarini tahlili asosida faoliyat ko`rsatadigan tashkilotchi, malakali 
mutaxassislar  zarur edi. U Sharqona demokratiyaga  tayangan milliy davlatchiligimizning   muhim 
elementi,  ifodasi  bo`lishi  kerak  edi.  Shu  maqsadda  Prezident  tashabbusi  bilan  «Davlat  va  jamiyat 
qurilishi  akademiyasi”  tashkil  etildi.  Bu  salohiyatli  kadrlarni    tayyorlashning  eng  maqbul  va 
zamonaviy  yo`li  edi.  I.Karimov  Akademiya  ochilishida  bu  o`quv  yurtining  maqsad,  faoliyatini 
belgilab,  “Biz  oddiy  xaqiqatni    tushunib  etishimiz  kerak:  bizning  davlatimiz,  jamiyatimizni  birov 
chetdan  kelib  ko`rib  bermaydi.  U  hayoti  o`z  Vatanining  kelajagi  bilan  uzviy  bog`liq  bo`lgan  biz 
o`zimiz,  shu  mamlakat  farzandlari  bunyod  etamiz,  ...Eng  muhim  tamoyil-biz  barcha  islohatlarni 
xayotga tatbiq etishda o`tishimizni teran his etib, xalqimizning ruhiyatini, uning tarixiy   va 
milliy 
o`ziga  xos  jihatlarini,  an`ana  va  urf-odatlarini...  to`plagan  fazilatlarni…  inobatga  olgan  holda  ish 
tutamiz”
4
  deb,  ta`kidlagan  edilar.  Bu  ko`rsatma  milliy  madaniyatimiz  rivojlanishining    asosiy 
tamoyili bo`lib qoldi. 
Uchinchidan,  boshqarish  tizimining  takomillashishi  uchun  faqat  rahbar  xodimlarni 
tayyorlashning  o`zi  kifoya  emas.  Bu  jarayon  samarali  kechmog`i  uchun  ko`p  tarmoqli,  yangi 
xo`jalik tizimiga ko`psonli, malakali mutaxassislar talab etiladi. Shu ma`noda I.Karimovning milliy 
madaniyatni  rivojlantirishdagi  yana  bir  muhim  tamoyili  bu  –  uzluksiz  ta`lim  tizimi 
kontseptsiyasidir. O`z-o`zidan ravshanki, Ta`limning eski tizimio`zining shakli, mazmuni jihatidan 
                                                           
2
 И.Каримов Ватан саждагоҳ каби муқаддасдир. Т.: 1995 йил, 112-113 бетлар. 
3
 Ўша асар, 13-бет 
4
 И.Каримов, Юксак  малакали мутахассислар-тараққиёт омили, Т., 1995 й., 164 -бет. 

 
30 
mustaqillik ehtiyojlari va talablariga nomuvofiq kela boshladi. Ta`lim sifatini oshirish uchun uning 
har  bir  bosqichi  vazifalari,  tizimlari,  me`yorlarini  belgilab  olish  zarur  edi.  Bunda  ta`lim  tizimini 
milliylashtirish o`quv rejalari,  dastur va darsliklarda milliy qadryatlarni singdirishga e`tibor - milliy 
tarbiyaning o`q ildizini tashkil etmog`i lozim edi. Bu nafaqat ma`naviy merosni tiklash ayni paytda 
uni  yangi  sharoitlarda  takomillashtirish,  tarbiyaning  asosiy  vositasiga  aylantirishni  anglatardi.  Uni 
bunga  ta`lim  –  tarbiya  tizimini  tubdan  isloh  qilish  bilangina  erishish  mumkin  deb  ko`rsatdi 
I.A.Karimov “Maqsad uni milliy mustaqillik asosida qaytadan tashkil etish va yangi milliy mazmun 
bilan  boyitishdir”
5
.  1992  yilda  qabul  qilingan  “Ta`lim  to`g`risidagi  Qonun”,  “Kadrlar  tayyorlash 
Milliy  dasturi”ning  mohiyati  shunga  yo`naltirilgan.  Uni  amalga  oshirishi  tufayli-o`rta  va  oliy 
ta`limni  uzluksizligiga  erishildi,  uning  yangi  shakllari  -  akademik  litseylar,  kasb-xunar  kollejlari 
faoliyat  ko`rsata  boshladi  (Rossiyada  bu  tizimga  endi  o`ta  boshlandi),  ta`limni  barcha  bosqichlari, 
yo`nalishlari bo`yicha chuqurlashtirilgan dasturlar ishlab chiqildi, kadrlar malakasini oshirish, qayta 
tayyorlashning  me`yorlari  belgilab  olindi.  I.A.Karimov  tashabbusi  bilan  boshlangan  bu  jarayon 
endilikda  milliy  madaniyatning  tiklanishi,  rivojlanishining  muhim  omili  sanaladi.  “O`zbekiston 
Respublikasi  xalq  o`qituvchisi”,  “O`zbekiston  Respublikasida  xizmat  ko`rsatgan  yoshlar 
murabbiysi”,  “O`zbekiston  Respublikasida  xizmat  ko`rsatgan  xalq  ta`limi  xodimi”,  “O`zbekiston 
Respublikasi  “Oliy  ta`lim  a`lochi”  unvonlarining  joriy  etishi,    “1-oktyabr`  -  O`qituvchilar  va 
murabbiylar  kuni”  deb  e`lon  qilinishi  –  ta`lim  xodimlariga  ehtirom,  ma`naviy  rag`bat  -  yangi  
qadriyatlar shakllanishining ifodasi bo`ldi. 
To`rtinchidan  –  Milliy  madaniyatning  muhim  timsoli  –  tarixiy  moddiy  madaniyat 
obidalarini  asrash,  tiklash,  ta`mirlash  va  ular  andozasida  zamonaviy  yodgorlik  majmualarini 
yaratishga yo`naltirilgan me`morchilik falsafasidir.  
Bu  sohadagi  xayrli  rejalar  asosan  ikki  yo`nalishda  amalga  oshirildi.  Birinchisi,  o`tmishdan  
qolgan,  asrlar  silsilasining  zug`umli  sinovlariga    bardosh  berib  bizgacha  etib  kelgan  obidalarni  
tiklash va ta`mirlab asl holiga keltirish, ikkinchisi, ulug` vatandoshlarimiz udumlarini davom ettirib 
– yangi inshootlarni  bunyod etish.  
Oddiy haqiqat shundaki, Markaziy Osiyo mintaqasida saqlangan tarixiy obida, yodgorliklar 
asosan  O`zbekiston  xududida  joylashgan.  Bu  ajdodlarimiz  qadim-qadimdan  nafaqat  dehqonchilik 
madaniyati,  sug`orish  tizimining  mukammal    namunalarinigina  yaratib  qolmasdan,  qasr,  qal`alar, 
ulug`lar yodi uchun Ahmad Yassaviy, Go`ri Amir, Pahlavon Maxmud, Ismoil Samoniy majmualari, 
Ulug`bek,  Sherdor,  Kaffol  Shoshiy  madrasalarini,  rasadxonalarini  bunyod  etganlar.  I.Karimov 
tavsiyasi,  ko`rsatmasi  asosida  shaharlarimizning  zamonaviy  talablar  asosida  qayta  qurilishi,  - 
bobolar  merosi  me`morchilik  andozasi  asosida  Navoiy,  Amur  Temur,  Bobur,  Manguberdi 
yodgorliklarini  o`rnatilishi  Imom  Buxoriy,  Naqshbandiy,  Marg`iloniy,  Farg`oniy  majmualari, 
Milliy  bog`  va  hiyobonlarning  tashkil  etilishi,  Mustaqillik  maydoni,  Motamsaro  ona,  Shaxidlar 
xotira yodgorligi, Milliy teatr, Milliy konservatoriya binolari, yuzlab stadion va ma`muriy binolar - 
milliy  madaniyat  timsollari  barpo  etildi.  Bu  prezidentimizning  milliy  madaniyatni  rivojlantirish 
to`g`risidagi  xulosasining  amaliy  ifodasi,  milliy  ruhiyatni  shakllantirish,  milliy  g`ururni 
takomillashtirishning muhim vositasidir. 
Beshinchidan, milliy o`zlikni anglash, uyg`onishning asl tomiri hisoblangan o`zbek tilining 
maqomati  xususida  qayg`urish,  til  mustaqilligi  –  millatning  dil,  ruhiyat  mustaqilligi  to`g`risidagi 
mulohazalari  I.Karimov  kontseptsiyasining  muhim  bandini  tashkil  etadi.  Besh  asr  muqaddam  
buyuk Navoiy o`z ijodi, ijtimoiy faoliyati bilan nufuzi jihatdan dunyo miqyosiga ko`targan o`zbek 
tilini Davlat tiliga aylantirish tarixiy haqiqatni qaror toptirish lozim edi. 1989 yilning 21 oktyabrida  
Oliy  Kengash  qarori  bilan  o`zbek  tiliga  -  davlat  tili  maqomi  berildi.  Bu  Prezidentimizning 
Mustaqillik yo`lidagi shijoati, iroda butunligi edi. Keyinroq yangi alifboga o`tildi.  
O`zbek  tiliga  –  davlat  tili  maqomi  berilgunga  qadar  korxona,  muassasa  va  tashkilotlarda 
faoliyat  yuritish,  xujjat  ishlari  majlis,  yig`inlar,  ularning  qarorlari,  arizalarni  ko`rib  chiqish,  ilmiy 
tadqiqot  ishlari  deyarli  rus  tilida  olib  borilganligi  bugun  g`ayri  oddiy  ko`rinadi.  Ammo  haqiqiy 
holat  shunday  edi.  Endilikda,  ahvol  tubdan  o`zgardi.  Millat  ma`rifati  yo`lida  yangi  nashriyotlar 
tashkil etildi. Darslik, qo`llanma va kitoblar   asosan ona tilimizda chop etilmoqda. 50 mingga yaqin 
maqolani  o`z  ichiga  olgan  “O`zbekiston  Milliy  entsiklopediyasi”,  “Islom  entsiklopediyasi”, 
                                                           
5
 Баркмол авлод орзуси, Т.: 1999 й,  54,  91-б. 

 
31 
“Qur`on”,  “Hidoya”,  “Hadis”,  (To`rt  jildli),  “O`zbek  ismlari  izohli  lug`ati”  va  boshqa  lug`at  va 
so`zlashgichlar  o`zbek  tilida  nashr  etildi.  Milliy  mentalitetning  o`sishida  “Tafakkur”,  “Muloqat”, 
“Jahon  adabiyoti”,  “Jannat  makon”  jurnallarining  tashkil  etilishi  muhim  voqea  bo`ldi.  Barcha 
nashrlar OAVning ko`lami va sifat miqyosi tilimiz o`zligiga qaytganligi, u millat g`ururi, timsoliga 
aylanganligining  dalolatidir.  Bu  degan  so`z  taraqqiyotning  hozirgi  bosqichida  o`zbek  tili  –  milliy 
madaniyat rivojlanishining haqiqiy vositasi bo`lib qolganligining kafolatidir. 
Oltinchidan – milliy madaniyat istiqboli to`g`risidagi I.Karimov kontseptsiyasining muhim 
xalqasi – milliy mustaqillikning asosiy sharti – milliy mafkuraning yaratilishi masalasidir.  
Odamlar qaysi bir davrda va qaysi jamiyatda yashamasin nimagadir ishonishi, e`tiqod  imoni 
qandaydir bir g`oyaga, mafkuraga tayanishi, faoliyat ko`rsatishi lozim. Dunyodagi har bir jamiyat, 
har  bir  davlatning  o`ziga  mos  keladigan,  uning  uchun  xizmat  qiladigan,  uning  tub  maqsadlari  va 
manfaatlarini  ifodalaydigan  mafkurasi  bo`ladi  va  bo`lishi  kerak.  U  butun  jamiyat,  istiqbol 
taraqqiyotining  o`q  ildizini  tashkil  etadi.  U  barcha  islohotlarning,  xususan,  madaniy-ma`rifiy 
yangilanish,  ta`lim-tarbiya  tizimining  asosi,  mezoni  bo`lmog`i  lozim.  Shuning  uchun  ham 
yurtboshimiz mustaqillikning daslabki  yillarida bu xususda shunday degan edi: “Oldimizda turgan 
eng  muhim  masala,  bu  milliy  istiqlol  mafkurasini  yaratish  va  hayotimizda  tadbiq  etishdir”
6
. 
“Mafkura  bo`lmasa  odam,  jamiyat,  davlat  o`z  yo`lini  yo`qotishi  muqarrar...  qaerdaki  mafkuraviy 
bo`shliq vujudga kelsa o`sha erda begona mafkura xukumronlik qilishi tayin”
7
. 
Bu  fikrlarda  milliy  g`oya,  mafkurani  maqsad,  mohiyati  to`laligicha  ko`rsatilgan.  Mafkura 
ommani,  jamiyatni  yo`naltiruvchi,  birlashtiruvchi  kuch,  odamlar  ongi,  dunyoqarashi,  mentalitetini 
takomillashtirish negizidagina mafkuraviy immunitetga erishish mumkin. Mafkura bir kunda yoxud 
bir yilda shakllanmaydi. Bu jarayon. U shakllanadi va shakllantirib boriladi. Uning shakllanishi va 
amaliyotida  ma`naviy  merosga  murojaat  etiladi.  O`zligimizni  anglash  tuyg`usi,  asriy  ezgu-orzular, 
insoniy  fazilatlarga  tayaniladi.  Shu  negizda  jamiyatning  ma`naviy-axloqiy  poklanishi,  milliy 
madaniyatni tabora takomillashishga erishiladi. 
ettinchidan,  I.Karimov  mustaqillik  va  tsivilizatsiya  maqomiga  o`tish  sharoitida  milliy 
madaniyatlarning  muloqati-ularni  o`zaro  hamkorlik,  yaqinlashish,  bir-birini  ma`naviy  jihatdan 
boyitish  tamoyili,  xulosasini  ilgari  surdi.  Madaniyatlar  muloqoti  tarixiy  jarayon.  U  hamma  zamon 
va  davrlarda  amal  qilgan.  Ichki  rivojlanish,  geografik-mintaqaviy  joylashish  madaniyatlarning 
milliy xususiyatlarida ifodalangan bo`lsa, u yoki bu milliy madaniyatni o`xshash qirralari, jihatlari, 
tomonlari  ham  bo`ladi.  Umuminsoniy  qadriyatlar  -  madaniyat    rivojining  umumiy  qonuniyatlari 
negizida  shakllanishiga  qaramay,  u  millat,  milliy  madaniyat  qiyofasida  gavdalanadi.  Madaniyatlar 
muloqoti chegara bilmaydi. Ayniqsa, hozirgi texnik taraqqiyot bosqichida. Mintaqaviy muloqot shu 
hududdagi  madaniyatlar  rivojlanishi  va  bir-birini  boyitishning  muhim  shartidir.  Qadimdan  bir 
ma`naviy,  ruhiy  iqlimda  yashagan,  turmush  tarzi,  urf-an`analari,  dardi  ezgulari  yaqin  bo`lgan 
xalqlarning    oldi-berdisi,  bordi-keldisi  madaniy  aloqaning  ifodasidir.  Shu  ma`noda  yurtboshimizni 
“Ota  yurtimiz  Turkiston-katta  bir  uy,  buyuk  bir  ro`zg`or,  buyuk  bir  oila.  Bu  oila  farzandlari 
qanchalik yaqin va ahil bo`lsa, ro`zg`or ham shunchalik obod va to`kin bo`ladi”
8
 deb tarixiy birlik 
tuyg`usini,  “Turkiston-umumiy  uyimiz”  g`oyasini  ilgari  surdilar.  Bu  g`oya  nafaqat  iqtisodiy 
hamkorlikda,  turli  shakllarda  kechayotgan  madaniy  aloqalarda  amal  qilmoqda.  (Milliy  madaniyat 
kunlari,  ijodkorlar  va  san`atkorlarning  uchrashuvlari,  badiiy  asarlarni  tarjima  va  nashri, 
kinofestivallar o`tkazish v.b) shu niyatda “Markaziy Osiyo  madaniyati”  gazetasi tashkil qilindi va 
tarqatilmoqda. 
Madaniyatlar  muloqoti-jahoniy  hodisa.  Har  bir  millat  boshqa  millatlar  madaniyatiga 
murojaat  etar  ekan,  albatta  undan  o`ziga  yaqin  qadriyatlarni  topadi,  ijod  usullari  va  shakllarini 
o`zlashtiradi.  Antik  madaniyat,  Uyg`onish  davri  madaniyati  insoniyat  mulkiga  aylanganligi 
shundan.  Frantsiyada  Amir  Temur  muzeyining  borligi,  Luvr  sahnasida  o`zbek  katta  ashulalari 
olqishlanganligi, Hind diyori M.Turg`unboeva san`atiga ta`zim etganligi buning oddiy dalilidir. 
Bugungi  kunda  Yaponlarning  o`zbek  mumtoz  musiqasiga,  me`morchiligi  udumlariga 
qiziqishi,  Boburning  “Boburnoma”si  ikki  jildda  izohlari  bilan  yapon  tilida  chop  etilganligi, 
                                                           
6
 И.Каримов, Ўзбекитсон: Миллий истиқлол иқтисод, сиёсат, мафкура, Т.:1993 й., 168-б. 
7
 И.Каримов, жамиятимиз мафкураси халқни -  халқ ,миллатни-миллат қилишга хизмат этсин, Т.: 1998 й., 4-б. 
8
 И.Каримов, Туркистон умумий уйимиз Т. 1995 й. 16-бет 

 
32 
Mahmud  Zamaxshariyning  “Muqaddimat  ul-adab”  lug`atining  nashrga  tayyorligi-millatlar  bir-
biridan  o`rganishi  yaqinlashuvi  tabiiy  jarayon  ekanligini  bildiradi.  Yaponiyaning  O`zbekistondagi  
sobiq  elchisi  Kyoko  Nakayama    yurtimizga  bag`ishlangan  “O`zbekiston    sakurasi”  kitobida: 
“Yaponlar qalbini topishni istasangiz, uni O`zbekistonliklar qalbida ham topishingiz mumkin”, deb 
yozgan edi. Mana madaniyatlar muloqoti nima beradi.   
Globallashuv jarayonining milliy madaniyatlar rivojiga ta`siri. Madaniyat ekologiyasi. 
Ta`kidlanganidek.  madaniyat,  xususan  milliy  madaniyatlar  rivoji  o`bektiv  jarayon.  Bu 
jarayon  o`z  ichki  qonuniyatlari  asosida  kechaveradi,  Lekin,  bu  hodisa  jamiyatdagi  boshqa 
hodisalardan ayroholda emas, bog`liqliklikda, aloqadorlikda ruy beradi. Madaniyat tarraqiyotiga o`z 
ta`sirini o`tkazayotgan bundan hodisa bugungi kunda globallashuv jarayonidir.