O’zbekiston respublikasi xalq ta’limi vazirligi abdulla qodiriy nomli jizzax davlat pedagogika instituti
Download 0.75 Mb. Pdf ko'rish
|
talabalarga mumtoz musiqani orgatishning oziga xos yollari
- Bu sahifa navigatsiya:
- Tadqiqotning ilmiy yangiligi
- Tadqiqotning ilmiy- amaliy ahamiyati
- Himoyaga olib chiqiladigan holatlar
- Bitiruv malakaviy ishining tarkibiy tuzilishi.
Tadqiqotning metodlari: - mavzuga doir ilmiy, falsafiy, tarixiy, musiqashunoslik, pedagogik va psixologik adabiyotlarni tahlil qilish; Kuzatuv ishlarini olib borish va ilg’or pedagoglarning ish tajribasini o’rganish;
olib borish; - Talabalarning mumtoz musiqa haqidagi tasavvurlarini shakllantirish bo’yicha tajriba-sinov ishlarini olib borish; - Matematik-statestik tahlillar qilish; - Tadqiqot natijalarini umumlashtirish; - Tadqiqot natijalarini xulosalash. Tadqiqotning metodologik asosi: O’zbekiston Respublikasi Prezidenti I.A.Karimov tomonidan mavzu bo’yicha berilgan g’oyalar, Respublika Oliy Kengashi, Respublika Oliy va O’rta Maxsus Vazirligi tomonidan mavzu yo’zasidan qabul qilingan qarorlar, farmonlar. O’zbekiston Respublikasi Konstetusiyasi, “Ta’lim to’g’risida”gi qonun, “Kadrlar tayyorlash milliy dasturi”ning asosiy yo’nalishlari,”Davlat ta’lim standarti normalari”, Milliy istiqlol g’oyasi”, Buyuk Sharq mutafakkirlari qomusiy olimlari, pedagogika va psexologiya, falsafa, xususan mumtoz musiqa bo’yicha bildirilgan ilg’or fikrlardan iborat.
Tadqiqotning ilmiy yangiligi: 1. Bo’lajak bakalavrlarga mumtoz musiqani o’rgatishning o’ziga xos yo’llarini shakllantirish muammosi birinchi marta yaxlit bir butun holda tadqiq qilindi. 2. Talaba yoshlarga mumtoz musiqani o’rgatishda mumtoz musiqa namunalari, maqomlar, katta ashula, yirik hajmdagi mumtoz musiqalardan va xalq pedagogikasi an’analaridan keng foydalanildi. She’riy matn va musiqaning kompozision tuzilishi, ular o’rtasidagi o’xshashlik tahlili berildi. 3. Pedagogik amaliyot jarayonida mumtoz musiqa orqali amaliyotchi talabalarga mumtoz musiqani o’rganishning o’ziga xos yo’llarini o’rgatish masalasi birinchi marta ko’rib chiqildi va ochib berildi. 4. O’zbek, Sharq xalqlari va Ovropa mumtoz musiqalari mushtarakligi asosida talabalarning mumtoz musiqaga qiziqishini tarbiyalashning samarali usullaridan yekanligi ilmiy jihatdan asoslab berildi. Bo’lajak bakalavrlarning mumtoz musiqani o’rgatishning o’ziga xos yo’llarini shakllantirishning tasnifi va mezonlari yaratildi. 5. Talabalarga mumtoz musiqani o’rgatishning o’ziga xos yo’llarini shakllantirish yuzasidan ilmiy asoslangan tafsiyanomalar ishlab chiqildi.
Ilmiy ishimizning natijalari pedagogika oily yurtlarining musiqa fakultetlarida “An’anaviy qo’shiqchilik va maqom asoslari”, “O’zbek mumtoz musiqasi” fanini o’qitishning sifati va samaradorligini, tarbiyaviy mavqiyini ochilishiga amaliy yordam beradi. Shuningdek “Xor va xorshunoslik” fanlarida va boshqa barcha ixtisoslashtiruvchi fanlarda mumtoz musiqadan foydalanish orqali bu fanlarda olinadigan bilimlarni takomillashtirishga imkon beradi. Pedagogik amaliyot jarayonini samarali olib borishda, umum ta’lim maktablarida musiqa darslarini olib borishda xususan mumtoz musiqani o’rgatishda ijodiy foydalanish shuningdek oliy ta’lim tizimida talabalarning kurs ishlarini, bitiruv malakaviy ishlarini bajarishlarida ilmiy maqolalar yozishda, Ma’ruza matnlari, darslik va qo’llanmalarni yaratishda ham mazkur ilmiy ish materiyallari qo’l kelishi mumkin.
Himoyaga olib chiqiladigan holatlar: Oliy o’quv yurtlarida o’tiladigan barcha ixtisoslashtiruvchi fanlarni o’qitish jarayonida mumtoz musiqalardan foydalanish orqali talabalarni yetuk mutaxasis qilib tarbiyalashni nazariy isbotlab berish. Musiqa fakultetlari talabalariga mumtoz musiqani o’rgatishning o’ziga xos yo’llarini o’rganishda o’zbek mumtoz musiqasidan foydalanib mumtoz musiqani o’rgatishning o’ziga xos yo’llarini pedagogik shart sharoitlarini ilmiy asoslab berish. Uni o’quv jarayoniga tadbiq yetishning shakl va uslublarini ko’rsatib berish. Pedagogik amaliyot jarayonida amaliyotchi talabalarning o’quvchilarga mumtoz musiqani o’rgatishning o’ziga xos yo’llarini o’rgatish bo’yicha olib boriladigan ishlari yuzasidan yo’l-yo’riqlarni ko’rsatib berish. Bitiruv malakaviy ishining tarkibiy tuzilishi. Bitiruv malakaviy ishi Kirish, ikki bob, to’rt paragrap, umumiy xulosa va foydalanilgan adabiyotlar ro’yxatidan iborat.
I. BOB. O’ZBEK MUMTOZ MUSIQASI VA UNING XUSUSIYATLARI. 1.1. MUMTOZ MUSIQA JANRLARI VA ULARNING TURLARI. O’zbek xalq mumtoz musiqasining yaratilish tarixi ming-ming yillarga borib taqaladi. Bobokolonlarimiz o’z ichki kechinmalari silsilasini muzaffar yurishlar tantanasi, tuy-hashamlarini, sayilu-bazmlarini qo’shiqsiz-kuysiz o’tkazmaganlar. Xalqimiz she’rlar-g’azallar bitishga qadimdan ixlosmand bo’lganlar, ularga kuy bastalab qo’shiqlarga aylantirganlar. Olimu-fizolalarimiz turli mavzular qatori musiqa bo’yicha ham asarlar yaratganlar. Yirik hajmdagi musiqa asarlarini bugungi kunda ham saqlanib qolganini ko’rishimiz mumkin. Bu kuy va qo’shiqlarning ohanglari ko’p qatorli musiqa yozuviga ko’chirilgan. O’zbek xalqining mumtoz musiqasi kuy va qo’shiqlari xalqimizning ardog’ini qozongan bo’lib, ular millatimizning ma’naviy bisotini o’zida aks ettiradi. O’zbek xalqining ko’hna va boy musiqa madaniyati asrlar osha qudratli manaviyat manbai bo’lganligi utmish tarix zarvaraqlaridan malum. Binobarin, milliyy qadriyatlarni ajoyib ananalar ila o’zida mujassam yetgan ananaviy musiqamiz xazinasi xanuzgacha badiiy yestetik qiymatini yuqotasdan kelmoqda. O’zbekiston Respublikasi Prezidenti I.A.Karimov takidlaganidek: “bu xazina asrlar davomida misqollab to’plangan. Tarixning ne-ne sinovlaridan o’tgan. Insonladga og’ir damda madad bo’lgan. Shu xazinani ko’z qorachig’iday asrash va yanada boyitish kerak”. Ma’lumki, Markaziy Osiyo qadim-qadimlardayoq madaniyat o’chog’i, ilm-fan rivoj topgan zamin sifatida malum va mashhur yedi. Bu yerda yitishib chiqqan buyuk olimlar jahon fani, memorchiligi, adabiyoti va sanati rivojiga katta hissa qo’shib kelganlar. Musiqa sanati rivojida ham ana shunday allomalarning hissasi katta bo’ldi. Ajdodlarimiz tomonidan yaratilgan turli janr va shakldagi an’anaviy musiqa namunalari badiiy-manaviy merosimizning ajralmas mulkiga aylangandir. Jumladan, o’zbek mumtoz musiqasining kuhna va hamisha navqiron ashula, katta
ashula, dostonchilik va moqomchilik sanatlari ham asrlar davomida har xil ko’rinishlarda rivojlandi, taraqqiy yetdi. O’zining tarixiy jarayonida turli davr shart sharoitlari hamda yehtiyojlar taqozosi bilan ular shaklan, usluban va mazmunan tobora o’zgarib borganini qisman tegishli manbalar yordamidida kuzatish mumkin. Bizgacha yetib kelgan musiqa va cholg’u kuylari, bastakorlik ijodiyotining noyob mahsullari rasmana musiqa folklori bilan uzviy bog’langan holda shakllanib, sayqallanib rivojlangandir. Aytish mumkinki, biz bugun “shoshmaqom” deya atab, yezozlayotgan boy mumtoz musiqamiz shakllanishi, takomillashuvi, umuman taraqqiyoti qadim davrlardan boshlangan. Dastlab un ikki moqom, keyinchalik yesa “Shoshmoqom” shaklidagi bu merosning asosi yetuk bastakorlar, sozandayu xonandalar tomonidan bunyod yetilgan va takomiliga yetkazilgan. O’zbek mumtoz musiqa san’ati olamining oltin xazinalari cheksiz va dunyodagi yeng qadimiydir. Shu ulmas mumtoz asarlar xalqimiz o’rtasida professional va havaskor sozandalar, xonandalar ijrosida doimo yangrab,asrlardan-asrlarga, ustozdan shogirdlarga o’tib, mukammallashib sayqal topib, boyitilib bizning davrimizgacha yashab keldi va xalqimizning bebaho mulkiga aylandi. Shu musiqiy xazinamiz ustozona sozandayu hofizlar, bastakorlar tomonidan yaratilib kuylangan va rivojlangan; o’zining turli xil yullari, shakllari usul va uslublariga yega bulib, musiqa ilmining fidoiy ijodkorlari, nazariyotchi-olimlari tomonidan ilmiy-nazariy qonuniyatlariga ham yega bulgan va o’z aksini o’rta asr “musiqiy risolalarida” topgan. Og’zaki an’anada saqlanib va rivoj olib kelayotgan bizning bebaho mumtoz musiqamiz XX asrga kelib, to’planib yozib olindi va bu xazinaning yangi hayot rishtalari amalga oshdi. “Alpomish” dostonining 1000 yilligiga bag’ishlangan tantanali marosimda Prezidentimiz I.A.Karimov shunday degan yedi: “Alpomish” o’zbekning o’zligini namoyon yetadigan, mart va tanti xalqimizning yurak- yuragidanchiqqan, ota-bobolarimiz avlodlardan-avlodlarga o’tkazib kelayotgan qahramonlik qo’shig’idir”. An’anaviy musiqa namunalariga yega bulmish o’zbek xalqi o’zining “Alpomish”, “Go’ro’g’li” dostonlari, “Shoshmoqom”i va minglab musiqa folklor qo’iqlari bilan dunyodagi badiiy merosga boy xalqlar qatoridan munosib o’rin olgan. 2001-yil may oyida Boysun madaniy muhiti va 2003-yil noyabr oyida o’zbek va tojik xalqlari mumtoz musiqasining nodir xazinasi bulmish “Shoshmaqom” YuNESKO tomonidan “Insoniyatning og’zaki va nomoddiy madaniy merosi durdonasi” deb tan olindi. Shu tufayli asrlar davomida saqlanib kelayotgan Boysun ananaviy madaniyatiga, “Shoshmaqom” turkumiga qizziqish dunyo miqyosida tobora oshib bormoqda. Bunda bu noyob merosimiz jahonning turli mamlakatlarida “Boysun” folklor ansambli, Turg’un Alimatov, Abduhoshim Ismoilov, Munojot Yulchiyeva, yunus Rajabiy nomidagi moqomchilar ansambli va boshqa jamoalar hamda sanatkorlar tomonidan ijro yetilishi; 1997-yildan har ikki yilda Samarqand shahrida o’tkazish ananaga aylanib qolgan “Sharq taronalari” xalqaro musiqa festivali va 2002-yildan buyon o’tkazilayotgan “Boysun bahori” ochiq folklor festivaliga barchamiz guvoh bo’lmoqdamiz. Bu nufuzli musiqa anjumanlariga sanatkorlar bilan bir qatorda xalqimizning folklor va mumtoz musiqasi bilan shug’illanuvchi ijodkorlar-olimlar ham tashrif buyurib, o’zlarmnmng festival doirasidagi ilmiy-amaliy yig’ilishlarida xalq ijodi va moqomchilik sanatining tarixi, bugungi va kelajagi haqida fikr yuritmoqdalar. Bu noyob durdonalarni targ’ib yetuvchi maqolalar, to’plamlar, yirik kitoblar, SD, VSD, multimedialar nashr yetilib, dunyo miqyosida tarqatilmoqda. O’zbekistonda tashkil yetilgan, har to’rt yilda o’tkaziladigan Yunus Rajabiy nomidagi Respublika va Xalqaro miqyosdagi moqom ijrochilari va imoqom ansambllari, baxshi shoirlar va havaskor moqom ansambllari,folklor va oilaviy ansambllar,katta ashula ijrochilari,turli xil kurik tanlovlar ham o’zbek ananaviy ( folklor va mumtoz) musiqamizning kelajagini o’ylab qilinayotgan tadbirlardir. Bu tanlovlarda ko’plab istedod yegalari kashf yetiladi hamda ularning ijro mahoratlari bilan keng omma tanishadi. Bugungi kunda O’zbekiston davlat konservatoriyasi, Madaniyat va san’at institutlari, Musiqa va sanat kollejlari, akademek leselari va maxsus musiqa maktablari “Ananaviy ijrochilik” bo’limlarida yuzlab iqtidorli yigit va qizlar xalq ijodiyoti, katta ashula, dostonchilik va moqomchilik sirlarini o’rganib, ijro ananalari va uslublarini o’zlashtirmoqdalar. Xalqimizning boy musiqa merosi, moqomlarimiz,Markaziy Osiyo musiqa madaniyatining yuzaga kelishida, shakllanishida asosiy manba vazifasini o’tadi, desak mubolag’a bo’lmaydi. Chunki uning noyob ohanglari, dilkash navolari va chuqur mazmunli sheriy mvtnlari inson ruhiyatiga ozuqa beruvchi manba yekanligini qayta-qayta takidlash mumkin. XX asrda moqomchilik sanati rivoji milliy negiz bilan uyg’unlashgan holda yanada taraqqiy topdi. O’zbekistonda “Shashmoqom” ning yangi milliy udumlari paydo bulishi ham serqirra maqom ananalarini nafaqat saqlanishi va himoya qilinishi, balki yanada yuksalishiga olib keldi.
O’zbek mumtoz musiqasi, birinchi navbatda, kishiga ruhiy yingillik baxsh yetish vazifasini bajarsa, ikkinchi tomondan, kishining tashqi dunyoga yestetik munosabatda bulishini shakllantiradi; uchunchi tomondan yesa tarbiyaviy tasir vazifasini ham bajaradi. Har bir musiqa asarining kishi ruhiyatiga tasirini qadim davrlarda yashab o’tgan olimlarning asarlari ham, hozirgi texnika taraqqiyoti davri samaralari ham isbotlab turibdi. Sharqning buyuk mutafakkirlari musiqasining inson ruhiyatiga tasiri, turli his tuyg’ular uyg’ota olish xususiyatlarini batafsil tahlil qilganlar, abu Nasr Farobiy, Ibn Sino, Safiuddin Urmaviy maqomlar va umuman mumtoz musiqaning kishilarga tasirini urganishgan. O’zbek xalqining musiqa madaniyati kup asrlik tarixga yega bulib, u kupchilik sozanda va xonandalar avlodining faoliyatida qaror topgan musiqa sanati yekanligi haqida guvohlik beradi. Ananaviy musiqa-bu badiiy jarayon bulib unga xalq tomonidan yaratilgan, asrlar osha bizgacha yitib kelgan xalq musiqa ijodi yoki musiqa folklori va yetuk sozanda-bastakorlar tomonidan ijod yetilgan mumtoz musiqasiga kiradi. Bu ijodiyot namunalari og’zaki ananada saqlanib, sayqal topib, barkamol musiqa asari sifatida rivojlanib kelmoqda. O’zbek mumtoz musiqasi o’tmishdan o’zining teran manoga yega yekanligi, murakkabu mukammalligi va beqiyos ananalarni o’zida mujassam yetganligi bilan o’zga xalqlar musiqasidan ajralib turadi. Ushbu musiqa ijodiyotida xalqimizning o’tmish ananalari, boy va teran manodarga asoslangan tarixi muhrlangan. Ularning har bir namunasi tarixdan bir sadodir. Binobarin, ularni qanchalik o’rganmaylik, qanchalik sirlaridan voqif bo’dmaylik shunchalik yangi qirralari ochilib, o’zining benazir xususiyatlirini namoyon yetadi. Shu nuqtai nazardan o’zbek mumtoz musiqasini o’rganish, ularda mujassam yetilgan falsafiy g’oyalarni anglash, tarix saboqlarini o’qib olish, ularni siru sinoatlarini idrok yetish uchun bugungi kunda imkoniyatlar yetarli. O’zbek mumtoz musiqasi turli janrlarda rivojlangan bo’lib, ularning hammasini ham mumtoz asarlar qatoriga qo’shaverish noo’rindir. Ammo bundan marosim qo’shiqlari, bolalar qo’shiqlari, kichik hajmdagi kuy va qo’shiqlar talabalarga mumtoz musiqani o’rgatish vositasi bo’la olmas yekanda, degan xato fikrga borib qolmaslik lozim.har bir kishi shaxs sifatida o’z tanlash ixtiyoriga yega bo’lganlari holda xilma-xil saviyasiga ham yega bo’lishlari mumkin. Talabalar dars jarayonida turli janrdagi asarlarga murojaat qiladilar. Ular fol’klor qo’shiqlari, Yestrada asarlari, xor va boshqa asarlarga murojaat qilganlarida u asarlarning saviyasini nato’g’ri baholab faqat mumtoz asarlarni yaxshi asarlar deb o’qtirishdek xovfli yullardan saqlanish lozim. Talabalar bu yoshda o’zlariga anchagina mustahkam bo’lganlari holda oson yegiluvchan birovlarning yurig’i bilan ish tutuvchi bo’lishdan saqlanadilar. Ayni paytda ularning qalbida yuksak insoniylikka intilish, sof sevgi, sadoqat hislari yangicha shakllangan bo’ladi. Mumtoz musiqamiz aynan shu yuksak fazilatlarga yerishishda talabalarga yordam beradi. Musiqa bo’yicha ta’lim beruvchi professor-o’qtuvchilarning asosiy vazifalari birinchi navbatda ular bilan do’stona munosabat o’rnatish va o’z faniga qiziqish uyg’ota olishdan iboratdir. O’qtuvchi uning uchun bir ideal vazifani bajara olsa, talabalar uning bilimi va salohiyatiga tan bergandagina ularga yerishadilar. Bunda o’qtuvchi talabalarning mumtoz musiqaning qaysi turiga qiziqishlarini hisobga olishlari zarur va muhumdir. Malumki, o’zbek an’anaviy musiqasi o’tmishdan ikki yunalish, ya’ni bir- biridan paydo bo’luvchi, bir-birini to’ldiruvchi, shu bilan birga o’zining alohida xususiyatlari va sifatlariga ega bo’lgan yunalishlardan tashkil topgan. Shulardan biri, hayotiy mezon bilan bog’liq musiqa folklori bo’lsa, ikkinchisi ana shu jonli jarayonning ijodkorlar tafakkuri bilan to’ldirilgan mumtoz musiqa yunalishidir. Shakllanish va ravnaq yulida har ikki yunalish o’zining ichki qonuniyatlari, shaklu shamoyili, ishlash uslubi, mavqiyi, joyi, vaqti, ijro an’analari va shu kabi qator xususiyatlarga yega bo’lgan. Har ikki yunalishda ham umumiy hisoblangan milliy ananalar bilan bog’liq tomonlari bo’lgani kabi, o’z yunalishiga xos uslublarni ifoda yetadigan alohida jihatlar ham yuq yemas. Lekin ijodiy mezon, ijrochilik ananalari va talqin masalalarida yetiborga loyiq o’ziga xoslik jihatlari talaygina. Bugungi kunda O’zbekistonda zavq bilan tenglanayotgan, maroq bilan aytilayotgan ashula, yalla, katta ashula, doston, cholg’u kuylari va maqomlar o’zbek mumtoz musiqasining yetuk janrlari xisoblanadi. Xalqimiz va uning namayondalari yaratgan ana shu manaviy boyliklarimiz butun o’zbek xalqi madaniy merosi, qadriyatlarning tarkibiy qismidir. Manbalarga ko’ra, professional sanat bizning hududlarimizda melodning birinchi asrlarida yuzaga kelgan va rivojlangan. Mumtoz musiqa xalq musiqa ijodi namunalari negizida va ijrochilik madaniyatining rivoji keyinchalik sharq mumtoz sheriyati shakllanishi asosida tashkil topgan. Mumtoz musiqa deganda o’zbek xalqiga mansub, uning yetuk sozanda bastakorlari tomonidan asrlar davomida yaratilgan musiqa sanati namunalari (aytim-ashula va cholg’u musiqalari) ko’zda tutiladi. Ushbu musiqa boshqa musiqa ijodiyoti namunalaridan bir necha o’ziga xos xususiyatlar bilan farqlanadi: 1. Og’zaki tarzlilik-mumtoz musiqa xalq tomonidan asrlar davomida yaratilib, og’izdan-og’izga, avloddan-avlodga, ustozdan shogirdga o’tib kelgan ijod mahsulidir. Malumki qadim zamonlarda ilk bor yuzaga kelgan folklor va mumtoz asarlar omma tomonidan ijod qilingan va ijro yetilgan. O’rta asrlarda yesa istedodli sozanda, xonanda va bastakorlar tomonidan yaratilgan. Og’zaki ananadagi mualliflik ijodi, ommaviy ijod singari, xalq hayoti va uning turli tomonlarini tug’ri, aniq badiiy jihatdan mukammal ifoda yetishi, xalq didi va talabiga mos tusha olishi
tufayli o’zoq yashaydi. Demak, mumtoz musiqaning yaratilishi va tarqalishi jonli og’zaki anana bilan bog’likdir. 2. Ananaviylik-mumtoz musiqa namunalari anana sifatida saqlanib, rivojlanib kelmoqda. Anbana deganda uzoq vaqt davomida xalq tajribasidan o’tib, odat tusiga kirgan tadbir yoki xususiyat tushuniladi. Ananaviylik asarlarning og’zaki tarzda yaratilishi, ijro yetilishi va tarqalishi; asarlarning matnida (kuy va sher), ijro uslublarida nomoyon bo’ladi. Mumtoz asarlarning musiqiy poitik matni janrlarga ko’ra uzoq muddat davomida doimiy ravishda takrorlanib turadigan qismlarga yega. 3. Professionallik-mumtoz musiqa asarlari yaratilishi va ijro yetilishi professional sifatlar ( keng diapozonli ovoz sohibi, mohir sozanda musiqa va sheriyat qonkniyatlarini bilish va ularga rioya qilish, malum voha va ijrochilik maktabi ananalariga bo’ysinish) ga va mahoratga yega bo’lishdir. Ushbu musiqa namunalari o’ziga xos ijod va ijro jihatlari tufayli professionallikni talab yetadi. 4. Mualliflik-mumtoz musiqa ijodiyoti yetuk sozanda va bastakor mahsulidir, u individual-mualliflik (malum shaxs tomonidan yaratilgan) ijodga kiradi. To’g’ri, aksariyat asarlarning mualliflari nomalum, ammo ayrim asarlarning nomlari ijodkor va ijrochining ismlari bilan yuritiladi, masalan; Abdurahmonbegi, Hoji Abdulaziz Ushshog’i va boshqa kuplab misollar keltirib o’tish mumkin, ushbu asarlar o’zining kuy rivoji, shakl murakkabligi va ijro usullari mukammalligi bilan ajralib turadi. Ular “ustoz-shogird” talimotini o’tgan yetuk sozanda, xonanda, baxshi, shoir, katta ashulachi va moqomchilar tomonidan ijro yetiladi. Sanatkorlar xalqning orzu va umidlari, sevinch va hayratlari, quvonch va qayg’ulvri, jamiki insoniy qalb yehtiyojlarini yuksak musiqiy idrok bilan tasvirlab borib, kishilarga hamisha ruhiy-manaviy ozuqa berishgan. Ular mumtoz musiqa orqali nafosat va yezgulik olamiga tinglovchini oshno qilish istagida bo’lib, o’lmas qadriyatlar bilan hamisha bahramand yetib kelganlar. 5. Lokallik-mumtoz musiqa namunalari mahalliy ijro uslubiga yegadir, shu tufayli Buxoro “Shashmoqomi”, “Xorazm maqomlari” turkumi, Farg’ona- Toshkent maqomlari yoki katta ashula janri faqatgina Farg’ona vodiysida shakllangan, rivojlangan va tarqalgan yoki dostonchilik sanati Samarqand, Qashqadaryo, Surxondaryo va Xorazm ijro uslublari va ananalariga bo’linadi; ularning har biri o’z mavqyei, mazmuni, kuy tuzilishi va rivoji, ijrochilik uslublari bilan bir-biridan farq qiladi. O’zbek musiqasida xozirga qadar ko’lami jihatdan birmuncha kengligi, tarixan qadimiyligi, ijro xususiyatlari buyicha benazir, betakrorligi bilan asosan to’rtta mahalliy uslub tavsiflari alohida ajratilgan bo’lib, ularning har biri muayyan voha nomi bilan, yani Farg’ona- Toshkent, Buxoro- Samarqand, Qashqadaryo- Surxondaryo va Xorazm lokal (mahalliy) uslublari deb yuritiladi. Har bir jug’rofiy va madaniy muhiti, tarixan aholining turmush tarzi, musiqiy shevasi, musiqa janrlari va cholg’ularining tarqalishi hamda ijro uslublari bilan ajralib turadi. Har bir hudud yoki vohaning o’ziga xos mahalliy ijrochilik maktablari ananalarini saqlanib, rivojlanishida namoyondalarning xizmati katta bo’lgan. Mumtoz musiqa ijrochiligi sohasida sanatkorlar “ustoz-shogird” chilik ananasini yuzaga keltirib, uni qadimdan bevosita qullagan holda faoliyat ko’rsatib kelishgan. Ular Markaziy Osiyonig turli vohalaridagi taniqli xonanda, sozanda va bastakorlar bilan o’zaro yaqin aloqalarda bo’lishgan. O’zbek mumtoz musiqasi uzining hayotiyligi, ijtimoiy tabiati, g’oyaviy mohiyati hamda o’ziga xos badiiy xususiyatlari bilan ajralib turadi. Xalqning mehnati, urf-odati, turmush sharoiti, orzu-istagi, kurash va g’alabalari uning mavzui va g’oyaviy mazmunida aks yetadi. Asarlarning xaqchillik xususiyati ularning hayotiyligi va qaysi bir dunyo qarashni himoya qilish bilan belgilanadi. Mumtoz musiqa asarlari o’ziga xos badiiy tizimga yega bo’lib, har bir janr kuy- ohang tuzilishi va rivoji, shakli va o’ziga xos ijro uslubi sifatida namoyon bo’ladi. Mumtoz musiqa yuksak mahoratli badiiy tizim. Unda xalqning badiiy didi, voqiylikka nisbatan xalqona yestetik munosabat ifodalangan. Mumtoz musiqaning har bir namunasi asrlar davomida ko’plab istidodli va yetuk sozanda va xonandalar tomonidan nihoyatda sayqallangan, yuksak sanat namunasi darajasiga ko’tarilgan. Ananaviy ijrochilikning o’ziga xos nuqtai nazaridan O’zbekistonda turli mahalliy ijrochilik maktablari tarixiy rivojlanish sharoitida alohida o’rin tutadi. Maqomchilik, dostonchilik, ashulachilik, sozandachilik kabi o’ziga xos maktablari bilan jilolanadi. Ananaviy sanatimizning ulkan bilimdoni ustoz Yusufjon qiziq Shakarjonov shunday ta’riflaydi: “ Milliy musiqa sanatimiz bamisoli bir daraxt bo’lib, uning tomiri Xorazm, tanasi Buxoro, shoxlari Farg’onadir”. Ananaviy ijrochiligi tarixiga nazar tashlasak, XIX asrning ikkinchi yarmi va XX asr boshlarida o’lkamizda mumtoz musiqa sanatining butun bir ijrochi avlodi yetishib chiqqanligining guvohi bo’lamiz. Ota Jalol, Ota G’iyos, Levi Boboxonov, Xoji Abdulaziz Abdurasulov, Domla Halim Ibodov, Mulla Tuychi Toshmuhammedov, Sodirxon xofiz Bobosharipov va keyinchalik udarning shogirdlari mumtoz musiqa sanatimiz xazinasini o’zlarining maqomlari, dostonlari, katta ashula va suvoralari bilan boyitdilar. Ananaviy ijrochiligimizda har birlari bir-biriga o’xshamagan ajoyib ijro uslublarini va yangidan-yangi asarlarni ham yaratdilar. Mumtoz musiqa rivojlanish tarixini shartli ravishda ikki bosqichga ajratishimiz mumkin.
Birinchisi- XX asrgacha bosib o’tilgan yul, og’zaki ananada saqlanib rivojlanishi, har biri o’z nomiga va uslubiga yega bo’lishi. XIX asrdan boshlab “ musiqiy risolalarda” sharq mumtoz musiqasining nazariy masalalari Farobiy, Ibn Sino, Abdulqodir Marog’iy, A. Jomiy, Darvish Ali Changiy kabi ulkan olimlar tomonidan atroflicha o’rganilib kelingan. Ularning asarlari musiqa ilmining poydevorini tashkil qilib, musiqaning yuzaga kelishi, uning ijtimoiy hayotdagi o’rni, tarixiy shakllari, ijrochilik va talim masalalari hamda ular negizida kuy, lad va usul tizimlirining tarkib topish qonun-qoidalari batafsil yoritilgan. Shu yulda maqom asoslariga ham nisbatan yagona ilmiy anana sifatidagi qarashlar gavdalanadi. Ikkinchisi- XX asrdan boshlab mumtoz musiqa namunalari nota yozuvlariga bitilgan, sadolari ohangrabo tasmalariga tushurilgan, yangi talim tizimida o’zlashtirilgan, havaskor va professional ansambllar va ijrochilar tomonidan ijro yetilib, jonli anana tarzida yashab kelmoqda. Ashula va yallalar, doston va katta ashulalar, cholg’u kuylari va turkumlar, maqomlar zamonaviy nota yozuvlarida muhrlanib abadiy yashashga hozirlandi. Malumki, o’zbek mumtoz musiqa ijodiyoti tarixan asosan og’zaki anana sharoitida rivojlanib kelgan. Ammo sharq musiqa nazariyasi masalalariga bag’ishlangan IX-XIII asrlar risolasida musiqaning bir qator unsurlarini maxsus yozuvda belgilishga harakatlar amalga oshirilgan. Abu Nasr Farobiyning “Kitobul musiqiy al-kabir” asarida bunday izlanishlar o’zining ilk bor yechimlarini topgan yedi va sharq nota yozuvining yaratilishida zamin bulgan (yozuvlar doira va maxsus jadval shakllariga tushurilgan bo’lib, asosiy tovush pog’onalari ud cholg’usi pardalarini aks yettiruvchi harflar yordamida belgilangan). XIII asrda Sayfiuddin Urmaviy “tabulatura” (jadval) shaklidagi nota yozuvini kashf qilishga muvaffaq bo’ldi. Maskur yozuv tizimi ham ud cholg’usiga muljallangan bo’lib, uning qator xususiyatlarini aks yettira olgan. Bunday yozuv orqali o’z zamonida mashhur bo’lgan bir necha maqom kuylari xujjatlashtirilgan (bu yozuvlar fransuz sharqshunos olimi De Yerlanje, keyinchalik taniqli o’zbek maqomshunos olimi Ishoq Rajabov tomonlaridan hozirgi zamon nota yozuviga kuchirilib, batafsil ilmiy sharhlangan). XX asrda o’zbek mumtoz musiqasi namunalarini tuplash va yozib olish (yozuvlar zamonaviy yevropa nota yozuvida) ishlari rivoj oldi. Buxoro “Shashmoqomi” ilk bor rus kompozitori Vektor Uspenskiy tomonidan notaga olinib (1923), tuplam sifatida chop yetildi; keyinchalik Boboqul Fayzullayev, Shonazar Sohibov va Fazliddin Sahobovlar (Tojikiston 1950-1961), Yunus Rajabiy (O’zbekiston 1959) kabi ijrochi va bastakorlar tomonidan yozib olinib nashr yetildi. “Xorazm maqomlari” turkumi Komil Devoniy (XIX asrning oxirida) ixtiro yetilgan “tanbur chizig’i “ yozuvida (tabilatura nota yozuvi XII-XIII asrlarda mavjud bulgan) kuy, usul, ijro asoslari qonunlashtirilib, qonun-qoidalarga buysungan holda ijro yetilishi Xorazmda yulga quyilgan (maskur yozuvlar V. Belyayev, Ye. Akbarov tomonlaridan zamonaviy nota yozuviga kuchirilgan; keyinchalik Ozod Bobonazarov, Botir Rahimov, Rustam Boltayevlar ilmiy-ijodiy izlanishlari natijasida “tambur chizig’i” yozuvlari yangicha tasavvurga yega bo’ldi). XX asrning 30-yillarida xorazm maqomlari Yelina Ramanovskova (1939), 50-yillardan boshlab Matniyoz Yusupov (1958) tomonidan yozib olinib chop yetiladi.Farg’ona-Toshkent maqomlari Vektor Uspenskiy, Viktor Belyayev, Yunus Rajabiylar tomonidan yozib olindi. XX asr o’zbek mumtoz musiqasini to’plash, yozib olish, ilmiy o’rganish va targ’ib yetishda kompozitor va bastakorlar, musiqashunos olimlarning xizmatlari katta bo’lgan. O’zbek an’anaviy musiqa namunalarini to’plash, magnet tasmalariga yozib olish, xujjatlashtirish, nota yozuviga muhrlash va ilmiy urganish hamda ularni nota to’plamlari, kitoblar va grampilastinkalar orqali nashr yetishda Sanashunoslik ilmiy-tadqiqot institutining faoliyati ahamiyatlidir. 1928-yili Samarqandda o’zbeklarning xalq va klassik musiqasini o’rganish ilmiy tekshirish instituti sifatida ish boshlagan muassasa, keyinchalak o’zbek musiqasini o’rganish markaziga aylandi. V. Uspenskiy, I. Abramov, F. Karomatli kabi atoqli olimlar rahbarligida respublikaning va Markaziy Osiyo davlatlarining turli joylarida yekspedesiya ishlari olib borildi. Natijada O’zbekistonda juda boy musiqa arxivi vujudga keldi va kundan-kunga boyib bordi. Hozirgi kunda institut fonetikasi bir million metrdan ortiq magnet tasmalarida va audio diskalarda xalqimizning noyob durdonalari- turli xalq tortib to yetuk sanatkorlar tomonidan ijro yetilgan yirik maqom turkumlarigacha saqlanmoqda. Ayrimlari gramplastinkalar, audio disklar va nota yozuvi to’plamlari sifatida xalqimizga taqdim yetilgan. Mumtoz musiqa jonli ravishda amaliyotda va talim tizimida o’zlashtirilib, XX asrning yetuk sozanda va hofizlari, baxshi va maqom ansambllari repertuaridan mustahkam o’rin oldi va xalqimizga yangicha ananaviy uslubda taqdim yetilmoqda. O’zbek mumtoz musiqasining ijtimoiy qimmati marifiy, g’oyaviy-tarbiyaviy va yestetik ahamiyati bilan bulgilanadi. Uning madaniy-marifiy ahamiyati shundaki u xalqimizning tarixi, qadriyatlari, dunyoqarashi, ijtimoiy munosabati, orzu-umidlari haqida keng bilim beradi. Mumtoz musiqa o’zbek musiqa sanatining poydevori yuksak maxoratli badiiy tizimi. Unda xalqning badiiy didi, voqiylikka nisbatan xalqona yestetik munosabat ifodalangan. Ushbu musiqaning har bir namunasi asr davomida ko’plab istedodli va yetuk ijodkor-ijrochilari tomonidan pardozlanib, yuksak sanat namunasi darajasiga ko’tarilgan. Demak, estetik sezgilarimiz rivojida, go’zallikni, nafosatni, badiiy so’z qadri va nafis kuy qimmatini, ona tilimiz va musiqa shevalari hamda ijro uslublari boyliklarini his qilishimizda mumtoz musiqaning roli beqiyosdir. Mustaqillik sharofati bilan o’zbek mumtoz musiqasi nafaqat qayta tiklandi, balki yanada keng rivoj olib, jahon madaniy muhitidan salmoqli joy yegallab kelmoqda. Respublikamizning ijodiy va ilmiy jarayoniga asos bo’ladigan milliy va umuminsoniy qadriyatlar qatorida asrlar osha bizgacha yetib kelgan mumtoz musiqamiz-ashula, katta ashula, cholg’u kuylari, dostonlar va maqomlar xalqimiz madaniyatida beqiyos o’rin tutadi. Asrlar osha davr tahririga uchrab, sayqallashib, o’ziga xos murakkab shakllari, teran mazmuni, jozibali va ohangdor kuylari bilan bizgacha yetib kelgan mumtoz musiqa namunalari hanuzgacha yeng sevimli, yeng ardoqli xalq asarlari bo’lib kelmoqda. Mumtoz musiqa asarlarining badiiy kuchi- ularning xalq orzu-umidlari, his- tuyg’ulari, fazilatlari va turmush haqiqatlari bilan uyg’unligi, kishilarning ruhini, dardini o’zida aks yettirishida, undagi tinglovchilarga ham birday yoqimli, so’z va ohang, soz va kuy mushtarakligidadir. Inson yashashi uchun, millat taqdiri va munosabatlari uchun zarur bo’lgan manaviy jarayonlar kuyga va aytim-ashulaga solinadi. Inson boshidan kechiradigan turli-tuman voqiylik, yurakni zabt yetuvchi shodu-xurramlik yoki dardu-alamlar, yorug’ yoki qorong’u kunlarning izi cholg’u kuyi va ashulaga aylanadi. Mumtoz ashula yullari va cholg’u kuylarining umrboqiyligi ulardagi manaviy –ahloqiy manoning chuqurligi, musiqiy ohanglarning go’zalligidadir. Ularda insoniy kechinmalar andishaga boy, hayotiy va samimiydir. Shuning tinglovchiga zavq bag’ishlaydi kunglini ko’taradi. Bunday manaviy go’zallik taronasi mumtoz musiqaning ajib va ulmas ananasiga aylangan. Mumtoz musiqa o’zining mukammalligi, mo’jaz shakli, obrozlarning serqirra manodorligi va nafisligi bilan ajralib turadi. Darhaqiqat, mumtoz musiqa insonning moddiy va manaviy turmush talablari, yehtiyojlari va o’zini qurshab turadigan tashqi muhitga, boshqa kishilarga bulgan munosabatlar natijasida, mumtoz sheriyatning va ijrochilik mahoratining rivojida yuzaga kelgan. Xalqning ichki ruhiyati, dunyoqarashi, intilishlari va orzu-umidlari musiqa ohanglarida aks yetadi. Ushbu musiqa namunalari minglab yillar davomida shakllanib, sayqal topib, badiiylashib, yuksak pag’onalarga ko’tarilgan va xalqning madaniy-marifiy boyligiga aylangan. Har bir musiqa asari, birinchi navbatta kishiga ruhiy yingillik baxsh yetish vazifasini bajarsa, ikkinchi tomondan, kishining tashqi dunyoga yestetik munosabatta bulishini shakllantiradi; uchinchi tomondan yesa tarbiyaviy tasir vazifasini ham o’taydi. Musiqa asarlarining kishi ruhiyatiga tasiri haqidagi fikrlarini qadim davrlarda yashab o’tgan olimlarning asarlarida ham uchratishimiz mumkin. Masalan, sharqning buyuk mutafakkirlari o’zlarining “ musiqiy risolalarida” musiqaning inson ruhiyatiga tasiri, turli his tuyg’ular o’yg’ota olish xususiyatlarini batafsil tahlil qilishib, jumladan maqom va ularning sho’balari kishiga shijoat va jasorat bag’ishlaydi deb uqtirib o’tishgan. Navo yoki Ushshoq jozibador va ohangdor maqom yullari deb hisoblansa, Rost yoki Iroq nozik va yoqimli maqom yullari bulib, kishiga huzur, xushchaqchaq kayfiyat bag’ishlaydi. Buzruk yoki Segoh va ularning shubalari ulug’vorlik, g’amginlik, quvonch hamda qayg’u kayfiyatini qo’zg’aydi. “Dilxiroj” cholg’u kuyini tinglagan kishida kutarinki ruhiy holat vujudga kelsa, “Chuli iroq” kuyi ruhan moziydan sado eshitilgandek bo’ladi. Kishining tashqi dunyoga estetik munosabatini shakllantirishdagi mumtoz
musiqaning vazifasi insonning tasirchanlik kayfiyati bilan bevosita bog’liqdir. Xalq yoki bastakor tomonidan yaratilgan har bir musiqa asari o’z oldiga u yoki bu darajadagi vazifani qo’yadi. Mumtoz musiqa ham o’z mavqiyi, mohiyati, mazmuni, vazifasi va ijrochilik xususiyatlari jihatidan ikki yirik guruhga-ovoz va so’z bilan bog’liq bo’lgan aytim yullari va cholg’u orqali ifoda etiluvchi cholg’u yullariga bo’linadi. Ularning har biri o’z navbatida quyidagi janrlarga tasniflanadi: I. Aytim yullari. 1. Mumtoz yalla va ashula - har biri rivojlangan kuy va shakldan, o’ziga xos mazmundan va ijro uslubidan iborat. Bularga lokal xususiyatlariga ega bo’lgan xalq ashula yullari, suaoralar, naqshlar ham kiradi.
2. Yirik ashula janri bo’lmish-faqatgina Farg’ona vodiysida shakllanib, rivoj olgan katta ashula. 3. Dostonlar-xalq epik janri bo’lib, adabiy matn, sher, musiqadan iborat uch birlik tamoili mavjudligi bilan ajralib turadi. 4. Maqomlar-o’z navbatida maqom ashula yullari va yirik ashula-cholg’u turkumli janr sifatida keng tarqalgan. Buxoro “Shashmaqom”i, “Xorazm maqomlari” turkumi va Farg’ona-Toshkent maqom yullari kabi turkumlaridan iborat.
II. Cholg’u yullari: 1. Rivojlangan kuy va shakllardan iborat, murakkab ijro uslublari mavjudligi bilan ajralib turuvchi cholg’u kuyi yoki asar va cholg’u turkumlar (bu toifaga yirik cholg’u usullari ham kiradi), jumladan Eshvoy-Eshvoy kurt-Eshvoy turkman; Dilxiroj va Sinaxiroj. 2. Maqom cholg’u yullari va turkumlari, jumladan, Chuli iroq, Mushkiloti dugoh, Ajam taronalari, Dutor maqom turkumlari (Xorazmda), Surnay maqom yullari- Navo, Chorgoh va boshqalar (Farg’ona-Toshkent). 3. Mumtoz ashulalarning cholg’u yullari (variantlari) va turkumlari, jumladan, Tanovar turkumi, Chorgoh turkumi va boshqalar. Har bir janr o’z mavqiyi, kuy-ohang tuzilishi, ijro uslubi bilan ajralib turadi. O’zbek mumtoz musiqasi asrlar osha og’zaki tarzda avloddan-avlodga o’tar ekan, bu jarayonda u boyib, xalqning fikr-o’yi, dardi, orzusi, donishmandligini o’zida mujassamlashtiradi o’zining ananaviyligi, buyukligi,tasirchanligi, professionalligi, mukammalligi, ko’plab badiy vositalarga boyligi bilan o’ziga xos musiqa sanati turiga aylanadi. Katta badiiy-estetik imkoniyatlariga ega bo’lgan o’zbek mumtoz musiqasi milliy ruh, milliy qiyofani shakllantirish, milliy qadriyatlarni saqlash boyitish va keyingi avlodga yetkizib berishning samarali vositasi sifatida namoyon bo’ladi. O’zbek mumtoz musiqasida xalqning manaviy madaniyatiga doir durdonalar to’plangan bo’lib, xozirgi mustaqillik davrida milliy o’zlikni anglash va milliy ongni taraqqiy ettirishda muhum ahamiyat kasb etadi. Mumtoz musiqani idrok etishda inson tasavvurining o’rni katta. Hayotiy voqiyalar, turli manzaralar, turli kechinmalarni ko’z oldiga keltirib his qilish musiqiy idrokni obrozli ravishda qabul qilib olishga imkon beradi. Musiqachi ayni shu tasavvur holatidan hayotda keng foydalanadi. Xususan tovushlar jaranglashini oldindan his qilish musiqa ijrochiligida muhum rol o’ynfydi. Mumtlz musiqani ijro etishdaaynan shu hayotiy holat va voqiylikni ko’z oldiga keltirib, tasavvur qilib asarni ijro qilishi, cholg’u sozida yoki kuylaganda jarangdorlikning paydo bo’lish holatini aniq oldindan tasavvur eta olish, ijrochiga o’z kuchi va imkoniyatlarini oldindan aynan shu kungildagi jarangdorlikka erishishda o’ziga xos chamalab olish imkonini beradi va ijrochini ruhlantirib turadi. Mumtoz musiqani tinglash va ayniqsa ularni bevosita ijro etish bo’lajak musiqa mutaxasislarida xotirani mustahkamlashga katta imkon beradi bu esa mumtoz musiqani o’rganishda muhim ahamiyat kasb etadi. Talabalarga mumtoz musiqani o’rgatishda o’ziga xos samarali yullarni o’rgatishda talaba yoshlarning avvalo o’z qiziqishlaridan kelib chiqish lozim deb bilamiz chunki har bir inson o’zining qiziqishi va imkoniyatidan kelib chiqib repertuar tanlaydi. Talabalar mumtoz musiqani ijro etishlari uchun uning imkoniyatidan kelib chiqilsada ularning xoxishini, didini ham hisobga olish lozim buladi. O’z qiziqishiga mos asarni tanlashda bevosita ishtirok etganda ijro etiladigan, o’rganiladigan asar uning xotirasida yaxshi qoladi. Xotira bu o’ziga xos musiqiy asarlarning talaba miyasida joylashgan zahira ombori hisoblanadi. Zahiradagi asarlarning o’rganish sifati va soni qanchalik ko’p bo’lsa kelajakda hyech qiynalmasdan undan foydalanish imkoniyatiga ega bo’ladi. Ayni paytda zahiradagi har bir mumtoz musiqa talabadagi ijrochilik malakalarining shakllanishida o’zining muhim izini qoldiradigan bo’lishi muhumdir. Bu zahira qanchalik puxta va mustahkam bo’lsa talabaning mumtoz musiqani o’rganishi qobilyati ham shunchalik mustahkam bo’ladi. Yangi asarni o’rganish jarayonida talaba ilgari orttirgan malakalarini ishga solish bilangina chegaralanmaydi balki yanada yangiroq, yanada murakkabroq elimentlarini yuzaga
chiqarish ishtiyoqida bo’ladilar. Bu o’z navbatida uning mumtoz musiqaga bo’lgan o’ziga xos yullarini o’rganishga undaydi. Download 0.75 Mb. Do'stlaringiz bilan baham: |
ma'muriyatiga murojaat qiling