O‘zbekiston respublikasi yoshlar siyosati va sport vazirligi

O‘ZBEKISTON RESPUBLIKASI YOSHLAR SIYOSATI VA SPORT VAZIRLIGI


O’ZBEKISTON DAVLAT JISMONIY TARBIYA VA SPORT
UNIVERSITETI
OLIMOV XASAN ZARIF O‘G‘LI
HALQADA BAJARILADIGAN MASHQLARNI O‘RGATISH USULARI

Ta’lim yo‘nalishi: 5610500 - Sport faoliyati
(gimnastika)


KURS ISHI

Gimnastika nazariyasi va uslubiyati kafedrasida ko‘rib chiqildi va tasdiqlandi Kafedra mudiri _________ p.f.n. Eshtayev A.K. «_______» __________ 2023 yil

Ilmiy rahbar ____________________

CHIRCHIQ - 2023
MUNDARIJA

KIRISH	3
I BOB. ADABIYOTLAR TAHLILI.	5
1.1 Halqalarda mashqlar tavsifi va uning rivojlanish g‘oyalari	5
1.2. Halqalarda mashqlar tasnifi va tuzulma tiplari	6
1.3. Gimnastikachilarni jismoniy sifatlarini rivojlantirish	10
II-BOB. TADQIQOT ISHINING VAZIFALARI, O‘TKAZISH USLUBIYATI VA UNI TASHKIL QILISH	16
2.1. Tadqiqotning maqsadi	16
2.2. Tadqiqotning vazifalari	16
2.3. Tadqiqot uslublari	16
2.4. Tadqiqotning tashkil etilishi	16
III-BOB. HALQALARDA BAJARILADIGAN ASOSIY MASHQLAR TEXNIKASI	17
3.1 6-9 yoshli gimnastikachilarda pedagogik kuzatuvlarni olib borish.	17
Xulosalar	21
Amaliy tavsiyalar	22
Adabiyotlar ro‘yxati	23

KIRISH
O‘zbekiston Respublikasi Prezidentining 2022-yil 23-dekabrdagi PQ-449-son qarori Gimnastika sport turlarini yanada rivojlantirish chora-tadbirlari to‘g‘risida.
Aholi o‘rtasida gimnastika sport turlari (sport gimnastikasi, badiiy gimnastika, trampolin, akrobatika) ommaviyligini oshirish, yoshlar orasidan iqtidorli sportchilarni saralab olish tizimini takomillashtirish, xalqaro talab va standartlar asosida professional sportchilarni tayyorlash orqali milliy terma jamoalarimizning nufuzli musobaqalarda yuqori natijalarga erishishini ta’minlash maqsadida:
1. Quyidagilar gimnastika sport turlarini rivojlantirishning asosiy yo‘nalishlari etib belgilansin:
aholi o‘rtasida gimnastika sport turlarining ommaviyligini oshirish, iqtidorli sportchilarni aniqlash, tanlash va saralash (seleksiya) hamda ularni professional sportchilar sifatida tayyorlashning yangi tizimini yo‘lga qo‘yish;
maktabgacha yoshdagi bolalarning gimnastika sport turlari bilan shug‘ullanishi uchun keng imkoniyatlarni yaratish va ularda ushbu sport turlari bo‘yicha boshlang‘ich ko‘nikmalarni shakllantirish;
umumiy o‘rta ta’lim maktablarining jismoniy tarbiya darslarida gimnastika sport turlari bo‘yicha mashg‘ulotlarni bosqichma-bosqich ko‘paytirish hamda mashg‘ulot va to‘garaklar faoliyatini tizimli yo‘lga qo‘yish;
gimnastika sport turlari bo‘yicha professional trenerlar, malakali hakamlar va mutaxassislarni tayyorlash, o‘quv-uslubiy qo‘llanmalar hamda videomateriallar ishlab chiqish;
Mavzuning dolzarbligi. Ma’lumki, gimnastikada 6-9 yoshli bolalarni shu sport turiga tanlab olish, o‘rgatish va shug‘ullantirish jarayoni dastlabki tayyorgarlik bosqichiga taaluqlidir. Aynan shu bosqichda gimnastikaning dastlabki sir-asrorlari va fundamental negizlari hamda kelajakda turli miqyosda o‘tkazilib boriladigan musobaqlarda muvaffaqiyatli ishtirok etish omillariga asos solinadi. Ko‘pdan-ko‘p mutaxassis-olimlarning ta’kidlashicha, mazkur dastlabki jarayon raqobatbardosh sportchilarni tayyorlash tizimining boshlang‘ich va ularning kelajak taqdirini hal qiluvchi bosqich deb tan olinishi lozim.
Binobarin, jismoniy sifatlarni rivojlantirish jarayoni shunday tashkil etilishi lozimki, oldindan o‘zlashtirilgan bir guruh mashqlar nafaqat boshqa turdosh mashqlar elementlariga o‘rgatish masalasini engillashtirishi darkor, balki dastlabki o‘zlashtirilgan mashqlar qayd etilgan turdosh mashqlarga o‘rgatishda asosiy manba bo‘lib xizmat qilishi maqsadga muvofiqdir. Bunga etakchi texnik xususiyatlarga ega keng gimnastik mashqlar majmuasiga asosan ishlab chiqilgan muvofiq jismoniy va maxsus harakat tayyorgarligi hamohang bo‘lishi mumkin. Tashkiliy va uslubiy jihatdan bunday ixtisoslashtirilgan tayyorgarlik nafaqat tasnifiy asosda uyushtirilishi kerak, balki maxsus tanlangan o‘quv-trenirovka mashqlari yordamida olib borilishi muhim ahamiyat kasb etadi.